காதலனை கொலை செய்த குடும்பம்.. இறுதி சடங்கில் காதலனை திருமணம் செய்துக்கொண்ட இளம் பெண்!
Girl Marries Dead Boyfriend | மகராஷ்டிராவில் சாதி பிரச்னை காரணமாக 20 வயது இளைஞர் ஒருவர், அவரது காதலியின் குடுபத்தால் கொடூரமாக கொலை செய்யப்பட்டுள்ளார். இந்த நிலையில், அவரின் இறுதி சடங்கிற்கு சென்ற அவரது காதலி அந்த இளைஞரை திருமணம் செய்துக்கொண்டுள்ளார்.
நாந்தேட், நவம்பர் 30 : மகாராஷ்டிராவில் (Maharashtra) உயிரற்ற தனது காதலனின் உடலை அவரது காதலி திருமணம் செய்துக்கொண்ட சோக சம்பவம் நடைபெற்றுள்ளது. அந்த இளைஞரை, அந்த பெண்ணின் குடும்பத்தார் வெட்டி கொலை செய்த நிலையில் அந்த பெண் இந்த செயலை செய்துள்ளார். இளம் பெண் தனது இறந்த காதலனின் உடலை திருமணம் செய்துக்கொண்ட சம்பவம் குறித்து விரிவாக பார்க்கலாம்.
சாதி பிரச்னை – இளம் பெண்ணின் காதலனை வெட்டி கொலை செய்த குடும்பத்தார்
மகாராஷ்டிரா மாநிலம், நாந்தேட் பகுதியை சேர்ந்தவர் சாக்ஷம் டேட். இவர் தனது சகோதரர்கள் மூலம் ஆஞ்சல் என்ற இளம் பெண்ணை சந்தித்துள்ளார். அவர்கள் இருவரும் நெருங்கி பழக தொடங்கிய நிலையில், இருவருக்கும் இடையே காதல் மலர்ந்துள்ளது. இந்த காதல் மூன்று ஆண்டுகளை கடந்த நிலையில், இளம் பெண்ணின் குடும்பத்திற்கு தெரிய வந்துள்ளது. இருவரும் வெவ்வேறு சமூகத்தை சேர்ந்தவர்கள் என்பதால் அந்த பெண்ணின் வீட்டார் காதலுக்கு தொடர் எதிர்ப்பு தெரிவித்து வந்துள்ளனர். இருப்பினும் ஆஞ்சல் தனது காதலில் உறுதியாக இருந்துள்ளார்.
இதையும் படிங்க : கள்ளக்காதலுக்கு தடையாக மாறிய கணவன்.. காதலனுடன் இணைந்து கொலை செய்த மனைவி!
தலையில் சுட்டு இளைஞரை கொலை செய்த இளம் பெண்ணின் குடும்பம்
தொடர் மிரட்டல்களுக்கு பிறகும் இவர்களது காதல் தொடர்ந்த நிலையில் சாக்ஷம் தனது காதலி ஆஞ்சலை திருமணம் செய்துக்கொள்ள உள்ளதாக அவரது அண்ணன்கள் மற்றும் தந்தைக்கு தெரிய வந்துள்ளது. இந்த நிலையில், ஆத்திரமடைந்த அவர்கள் சாக்ஷனை அடுத்து துன்புறுத்தியுள்ளனர். பிறகு அவர் தலையில் சுட்டு கொலை செய்த நிலையில், அவரது தலையை கல்லை கொண்டு நசுக்கி கொடூர செயலில் ஈடுபட்டுள்ளனர்.
இதையும் படிங்க : ஆந்திரா அருகே கார் விபத்து: ஒரே குடும்பத்தைச் சேர்ந்த 5 பேர் பரிதாபமாக உயிரிழப்பு
இறுதி சடங்கில் காதலனை திருமணம் செய்த இளம் பெண்
இந்த சம்பவம் ஆஞ்சலை கடும் அதிர்ச்சிக்கு உள்ளாக்கியுள்ளது. இந்த நிலையில், இறுதி சடங்கு நடைபெற்றுக்கொண்டு இருந்த சாக்ஷம் வீட்டுக்கு சென்ற அவர், தனது காதலன் உடலில் மஞ்சள் பூசி, தனது தலையில் குங்குமம் வைத்துக்கொண்டு தனது காதலனை திருமணம் செய்துக்கொண்டுள்ளார். இனி தன் வாழ்நாள் முழுவதும் தனது காதலன் வீட்டில் அவரது மனைவியாக வாழவும் அந்த பெண் முடிவு செய்துள்ளார். தனது காதலன் இறந்தாலும் தங்களது காதல் இன்னும் உயிருடன் உள்ளதாக அந்த பெண் கூறியுள்ளார் என்பது குறிப்பிடத்தக்கது.
