மலச்சிக்கல் முதல் புற்றுநோய் வரை… தூக்கமின்மையால் ஏற்படும் விளைவுகள் – எச்சரிக்கும் மருத்துவர்கள்
Impact of Poor Sleep: மனிதர்களுக்கு தூக்கம் என்பது மிகவும் முக்கியம். ஒரு நாளைக்கு குறைந்தது 7 முதல் 8 மணி நேரம் வரை தூங்க வேண்டும் என மருத்துவர்கள் அறிவுறுத்துகின்றனர். தூக்கமின்மையால் மலச்சிக்கல் முதல் இதய நோய் வரை உடலுக்கு கடும் பாதிப்பை ஏற்படுத்தும்.
நம் நலமாக இருக்க ஆரோக்கியமான உணவு எவ்வளவு முக்கியமோ, அதே போல் நல்ல தூக்கமும் முக்கியம். சரியான தூக்கம் இல்லையென்றால், பல்வேறு உடல்நலப் பிரச்சினைகள் ஏற்படும். தூக்கமின்மையால் இதய நோய் மற்றும் வயிறு சம்மந்தப்பட்ட பிரச்சினைகளையும் ஏற்படுத்துகிறது. மேலும், தூக்கம் நேரடியாக ஆரோக்கியத்தைப் பாதிக்கிறது என்பதையும் பல ஆய்வுகள் நிரூபித்துள்ளன. ஆனால் நாம் அவற்றை சரியான நேரத்தில் அடையாளம் காணத் தவறினால், பிரச்சினை தீவிரமாகிவிடும். எனவே, நம் உடலை ஆரோக்கியமாக வைத்திருக்க 7 முதல் 8 மணிநேரம் தூங்குவது மிகவும் முக்கியம். எனவே நமக்கு சரியான தூக்கம் இல்லாதபோது என்ன நடக்கும் என்பது குறித்து விரிவாக பார்க்கலாம்.
மூளை செயல்பாடுகள் பாதிக்கும்
ஒரு நாளைக்கு 7 முதல் 8 மணி நேரம் தூங்காதவர்களுக்கு புற்றுநோய், பக்கவாதம், இதய நோய் மற்றும் நீரிழிவு போன்ற கடுமையான நோய்கள் ஏற்படும் அபாயம் அதிகம் என்று பல ஆய்வுகள் காட்டுகின்றன. ஒரு ஆய்வின்படி, போதுமான தூக்கம் இல்லாதது மூளையை கடுமையாக சேதப்படுத்தும். இது பல்வேறு நோய்களுக்கு வழிவகுக்கும்.
இதையும் படிக்க : நீண்ட நேரம் உட்கார்ந்திருக்கிறீர்களா? அதிகரிக்கும் மாரடைப்பு அபாயம்
மலச்சிக்கல் பிரச்சனை
தூக்கமின்மை செரிமான அமைப்பையும் பாதிக்கிறது. தூக்கமின்மையால் அவதிப்படுபவர்கள் பெரும்பாலும் மலச்சிக்கலால் பாதிக்கப்படுகிறார்கள். இதற்கு சரியான நேரத்தில் சிகிச்சையளிக்கப்படாவிட்டால், அது குடல் நோய்கள் போன்ற கடுமையான நிலைமைகளுக்கு வழிவகுக்கும். நினைவாற்றல் குறைபாடு
உடலுக்குத் தேவையான தூக்கமின்மை மூளை செல்களில் எதிர்மறையான விளைவை ஏற்படுத்துகிறது. படிப்படியாக, நினைவாற்றல் பலவீனமடையத் தொடங்குகிறது. சிந்திக்கும் மற்றும் புரிந்துகொள்ளும் திறனும் மோசமடையத் தொடங்குகிறது.
மன ஆரோக்கியம் பாதிக்கும்
தூக்கமின்மை காரணமாக உடலில் ஆற்றல் விரைவான குறைவை ஏற்படுத்துகிறது. இதனால் நீங்கள் எப்போதும் சோர்வாக உணர்கிறீர்கள். மேலும், தூக்கமின்மை மன ஆரோக்கியத்தையும் பாதிக்கிறது. இது எரிச்சலையும் கோபத்தையும் அதிகரிக்கிறது. இவை அனைத்தும் மன ஆரோக்கியத்தில் எதிர்மறையான விளைவை ஏற்படுத்துகின்றன. நீங்கள் சரியாக தூங்காதபோது இந்த அறிகுறி பொதுவாக முதலில் தோன்றும்.
இதையும் படிக்க : தினமும் மலச்சிக்கலால் அவதிப்படுகிறீர்களா? இவை பிரச்சனையை சரிசெய்யும்!
கண்களுக்கு பாதிப்பை ஏற்படுத்தலாம்
தூக்கமின்மை கண்களில் நேரடி தாக்கத்தை ஏற்படுத்துகிறது. மன அழுத்த ஹார்மோனான கார்டிசோலின் அளவு உடலில் கணிசமாக அதிகரிக்கிறது. தோல் உணர்திறன் உள்ள பகுதிகளில் இந்த விளைவு அதிகமாகக் காணப்படுகிறது. இதன் விளைவாக, கண்களுக்குக் கீழே கருவளையங்களும், கரும்புள்ளிகளும் உருவாகின்றன.
நம் உடல் சீராக இயங்க போதுமான தூக்கம் மிகவும் அவசியம். ஒரு நாளைக்கு தேவைக்கு ஏற்ப 8 முதல் 10 மணி நேரம் தூக்கம் மிகவும் அவசியம். இது நம்மை சுறுசுறுப்பாக வைத்திருப்பதுடன் நோய்களின் ஆபத்தில் இருந்தும் பாதுகாக்கிறது.
