கோடைக்காலத்துக்கு ஏற்ற உடலை குளிர்விக்கும் சிறுதானியங்கள் என்னென்ன?

வெயில் அதிகரித்து வரும் நிலையில், உடலை உள்ளிருந்து குளிர்விக்க உதவும் உணவுகளை தினசரி உணவில் சேர்ப்பது அவசியமாகி வருகிறது. உணவுமுறை தான் உடல் வெப்பநிலையை கட்டுப்படுத்துவதிலும், கடுமையான வெப்பத்தைக் சமாளிப்பதிலும் முக்கிய பங்கு வகிக்கிறது என்று மருத்துவ வட்டாரங்களில் கூறப்படுகிறது. இந்தியாவின் கோடைக்காலம் மனித உடலுக்கு கடுமையான சவால்களை ஏற்படுத்தும் காலமாக பார்க்கப்படுகிறது. இந்த சூழலில் உடலை பாதுகாக்க முன்னெச்சரிக்கை நடவடிக்கையாக குளிர்ச்சியூட்டும் தன்மை கொண்ட சிறுதானியங்களை உணவில் சேர்க்க வேண்டியது முக்கியத்துவம் பெறுகிறது.

கோடை காலத்துக்கு ஏற்ற மில்லெட்டுகள் என்ன?

ராகி உடல் குளிர்ச்சியை அதிகரிக்கும் உணவாக பார்க்கப்படுகிறது

ராகி பொதுவாக “உடலை சூடாக்கும் தானியம்” என்று கருதப்படும் போதிலும், அது உண்மையில் கோடைக்காலத்திற்கு ஏற்ற மிகச் சிறந்த தானியமாகக் கருதப்படுகிறது என்று டாக்டர் க்ருதி தெரிவிக்கிறார். அதிக அளவு கால்சியம் மற்றும் இரும்புச்சத்து கொண்ட ராகி, வெப்பத்தால் ஏற்படும் சோர்வு மற்றும் பலவீனத்தை குறைக்க உதவுகிறது என்று குறிப்பிடப்பட்டுள்ளது. ராகி அம்பளி அல்லது குளிர்ந்த ராகி மால்ட் போன்ற பாரம்பரிய உணவுகள் கோடைக்காலத்தில் உடலை குளிர்விக்க உதவுகின்றன என்றும் கூறப்படுகிறது. மேலும் இட்லி அல்லது தோசை மாவில் ராகி சேர்த்து பயன்படுத்துவது ஆரோக்கியமான காலை உணவாக அமையும் என்று பரிந்துரை செய்யப்பட்டுள்ளது.

ஜோவார் உடல் வெப்பத்தை அதிகரிக்காத தானியம்

ஜோவார் அல்லது சோளம் கோடைக்காலத்தில் எளிதாக ஜீரணமாகும் தானியமாக கருதப்படுகிறது. இது உடல் வெப்பத்தை அதிகரிக்காத “நியூட்ரல்” தன்மை கொண்ட தானியம் என்று விளக்கப்பட்டுள்ளது. அதிக வியர்வை காரணமாக உடலில் குறையும் பொட்டாசியம் மற்றும் பாஸ்பரஸ் போன்ற கனிமச்சத்துகளை இது சமநிலைப்படுத்த உதவுகிறது என்று கூறப்படுகிறது. ஜோவாரை மெல்லிய ரொட்டி அல்லது பாக்ரி வடிவில் சாப்பிடலாம் என்றும், தயிர் அல்லது வெள்ளரிக்காய் ரைட்டாவுடன் சேர்த்து சாப்பிடுவது உடலுக்கு மேலும் குளிர்ச்சியை அளிக்கும் என்று தெரிவிக்கப்படுகிறது.

பார்ன்யார்ட் மில்லெட் லேசான கோடை உணவாக கருதப்படுகிறது

பார்ன்யார்ட் மில்லெட் அல்லது சாமை வகை சிறுதானியம் குறைந்த கலோரி கொண்ட கோடை உணவாக பரிந்துரைக்கப்படுகிறது. இது மிகவும் எளிதாக ஜீரணமாகும் தன்மை கொண்டதாகவும், உடலில் நீரை தக்கவைத்துக் கொள்ளும் திறன் அதிகமாக உள்ளதாகவும் கூறப்படுகிறது. இதை காய்கறிகளுடன் சேர்த்து கிச்சடி அல்லது புலாவ் போன்ற உணவுகளாக தயாரிக்கலாம் என்று தெரிவிக்கப்படுகிறது. மேலும் இது அரிசிக்கு மாற்றாக பயன்படுத்தப்படுவதுடன், இரத்த சர்க்கரை அளவை திடீரென உயர்த்தாமல் கட்டுப்படுத்த உதவுகிறது என்று ஆய்வுகள் குறிப்பிடுகின்றன.

Also Read: கோடையில் குளிரூட்டியாக செயல்படும் தயிர்.. உடலுக்கு இவ்வளவு நன்மைகளை தருமா?

கோடோ மில்லெட் மினலவண சமநிலையை பாதுகாக்கிறது

கோடோ மில்லெட் உடலில் தேவையான பி-விட்டமின்கள் மற்றும் மக்னீசியம் போன்ற சத்துக்களை வழங்கும் தானியமாக கருதப்படுகிறது. இச்சத்துக்கள் உடலில் மினலவண சமநிலையை பராமரிக்க உதவுவதால், வெப்பத்தால் ஏற்படும் உடல் சோர்வை குறைக்க உதவுகிறது என்று மருத்துவ வட்டாரங்களில் குறிப்பிடப்படுகிறது. கோடோ மில்லெட்டுடன் தயிர் சேர்த்து “கோடோ கர்ட் ரைஸ்” போன்ற உணவுகளை தயாரித்து சாப்பிடுவது கோடைக்காலத்தில் உடலுக்கு குளிர்ச்சியை அளிக்கும் மதிய உணவாக கருதப்படுகிறது.

பாக்ஸ்டெயில் மில்லெட் லேசான மற்றும் சக்தி தரும் உணவாக கவனம் பெறுகிறது

பாக்ஸ்டெயில் மில்லெட் அல்லது தினை மிகவும் லேசான உணவாகவும், நார்ச்சத்து நிறைந்ததாகவும் பார்க்கப்படுகிறது. இது நாள் முழுவதும் உடலுக்கு நிலையான சக்தியை வழங்க உதவுகிறது என்று கூறப்படுகிறது. தினையுடன் காய்கறிகள், குடைமிளகாய் மற்றும் எலுமிச்சை-புதினா டிரெஸ்ஸிங் சேர்த்து சாலட் தயாரித்து சாப்பிடுவது கோடைக்காலத்திற்கு ஏற்ற ஆரோக்கியமான உணவாக பார்க்கப்படுகிறது. அதே நேரத்தில் கோடைக்கால உச்ச வெப்பநிலையில் பாஜ்ரா போன்ற சூடு அதிகரிக்கும் தானியங்களை தவிர்க்க வேண்டும் என்றும், அவை குளிர்காலத்தில் பயன்படுத்தப்படுவது சிறந்தது என்றும் நிபுணர்கள் எச்சரிக்கை விடுத்துள்ளனர்.