Diabetes and High BP : நீரிழிநோய் மற்றும் உயர் ரத்த அழுத்ததை குறைக்க உதவும் 5 பழக்கங்கள்
Diabetes and High BP : பரபரப்பான வாழ்க்கையில் பல உடல்நலப் பிரச்சினைகள் மக்களைப் பாதிக்கின்றன. குறிப்பாக நீரிழிவு நோய் மற்றும் உயர் இரத்த அழுத்தம் ஆகியவை மக்களை அதிகம் பாதித்து வருகின்றன. நீரிழிவு நோய் மற்றும் உயர் இரத்த அழுத்ததை எளிதில் குறைக்கும் 5 பழக்கங்களை இந்த கட்டுரையில் பார்க்கலாம்.
பரபரப்பான வாழ்க்கையில் பல உடல்நலப் பிரச்னைகள் மக்களை அதிகம் பாதிக்கின்றன. குறிப்பாக நீரிழிவு (Diabetic) மற்றும் உயர் இரத்த அழுத்தம் (Hypertension) ஆகியவை சலனமில்லாமல் நுழைந்து மக்களை துன்புறுத்தி வருகின்றன. நீரிழிவு மற்றும் உயர் இரத்த அழுத்தம் இரண்டும் நமது ஆரோக்கியத்தை வெகுவாக பாதிக்கும். எனவே அவற்றைக் கட்டுப்படுத்த தேவையான அனைத்து நடவடிக்கைகளையும் எடுக்க வேண்டும். இருப்பினும், தற்போதைய காலகட்டத்தில், இளைஞர்கள் மற்றும் முதியவர்கள் என வயது வித்தியாசம் இல்லாமல் பலர் நீரிழிவு மற்றும் உயர் இரத்த அழுத்தத்தால் பாதிக்கப்பட்டுள்ளனர். இதுபோன்ற சூழ்நிலைகளில், சர்க்கரை அளவு மற்றும் உயர் இரத்த அழுத்தம் ஆகியவை இன்றைய காலகட்டத்தில் பொதுவான உடல்நலப் பிரச்னைகளாக மாறிவிட்டன. இவை இரண்டும் சேர்ந்து, இதய நோய், பக்கவாதம் மற்றும் சிறுநீரக நோய் அபாயத்தை அதிகரிக்கின்றன. இருப்பினும், சில பொதுவான பழக்கங்களைத் தவிர்ப்பதன் மூலம் இவை இரண்டையும் கட்டுப்படுத்தலாம் என்று சுகாதார நிபுணர்கள் கூறுகின்றனர்.
இந்த ஐந்து விஷயங்களையும் தினமும் ஒரு பழக்கமாக்கிக் கொண்டால், உயர் இரத்த சர்க்கரை மற்றும் உயர் இரத்த அழுத்தத்தைக் கட்டுப்படுத்தலாம் என்று சுகாதார நிபுணர்கள் கூறுகிறார்கள். இப்போது அந்த 5 பழக்கங்கள் குறித்து பார்க்கலாம்.
சரிவிகித உணவு
உயர் இரத்த அழுத்தம் மற்றும் ரத்தத்தில் சர்க்கரை அளவைக் கட்டுப்படுத்த, உணவில் குறைந்த உப்பு, குறைந்த சர்க்கரை சேர்த்துக்கொள்ள வேண்டும். முடிந்த அளவு தவிர்ப்பது நல்லது. மேலும் நார்ச்சத்து கொண்ட உணவை உண்ணுங்கள். பச்சை காய்கறிகள், முழு தானியங்கள், பருப்பு வகைகள், ஆப்பிள், பேரிக்காய் மற்றும் பெர்ரி போன்ற பழங்களை சாப்பிடுங்கள். பதப்படுத்தப்பட்ட உணவுகள், ஜங்க் ஃபுட் மற்றும் குளிர்பானங்களைத் தவிர்க்கவும். உப்பின் அளவைக் குறைப்பது இரத்த அழுத்தத்தைக் கட்டுப்படுத்த உதவுகிறது. குறைந்த கிளைசெமிக் குறியீட்டைக் கொண்ட உணவுகள் இரத்த சர்க்கரையை சரியான அளவில் வைத்திருக்கும்.
தினமும் உடற்பயிற்சி செய்யுங்கள்
தினமும் 30-40 நிமிடங்கள் விறுவிறுப்பான நடைபயிற்சி, யோகா அல்லது சைக்கிள் ஓட்டுதல் போன்ற மிதமான உடற்பயிற்சி செய்வது இரத்த சர்க்கரை மற்றும் இரத்த அழுத்தம் இரண்டையும் கட்டுப்படுத்த உதவும். உடற்பயிற்சி இன்சுலின் உணர்திறனை மேம்படுத்தி இரத்த அழுத்தத்தைக் குறைக்கிறது. இருப்பினும், நீங்கள் ஏற்கனவே சில மருந்துகளை எடுத்துக்கொண்டிருந்தால், இந்த பயிற்சிகளை தொடங்குவதற்கு முன் உங்கள் மருத்துவரை அணுகவும்.
மன அழுத்த மேலாண்மை
மன அழுத்தம் உயர் இரத்த அழுத்தம் மற்றும் சர்க்கரை அளவை அதிகப்படுத்துகிறது. தியானம், ஆழ்ந்த சுவாசம் மற்றும் யோகா ஆகியவை மன அழுத்தத்தைக் குறைக்க உதவும். ஒவ்வொரு நாளும் 10-15 நிமிடங்கள் தியானம் அல்லது மூச்சுப் பயிற்சி செய்யுங்கள். சரியான தூக்கம் மன அழுத்தத்தையும் கட்டுப்படுத்துகிறது. இது இரத்த சர்க்கரை மற்றும் இரத்த அழுத்தத்தை சீராக வைத்திருக்கிறது.
உங்கள் எடையைக் கட்டுப்படுத்துங்கள்
அதிக எடை உயர் இரத்த அழுத்தம் மற்றும் நீரிழிவு நோய்க்கு ஒரு முக்கிய காரணமாக இருக்கலாம். சரியான உடல் எடையை பராமரிக்க, கலோரி கட்டுப்பாட்டு உணவைப் பின்பற்றி, தொடர்ந்து உடற்பயிற்சி செய்யுங்கள். தொப்பை கொழுப்பைக் குறைப்பதில் சிறப்பு கவனம் செலுத்துங்கள், ஏனெனில் இது இன்சுலின் எதிர்ப்பு மற்றும் இரத்த அழுத்தத்தை அதிகரிக்கிறது. சிறிய தட்டில் சாப்பிடுவது போன்ற சிறிய மாற்றங்கள் கூட உங்கள் எடையைக் கட்டுப்படுத்த உதவும்.
வழக்கமான மருத்துவ பரிசோதனை
அதிக சர்க்கரை – இரத்த அழுத்தத்தைக் கட்டுப்படுத்த உங்கள் இரத்த சர்க்கரை மற்றும் இரத்த அழுத்தத்தை தவறாமல் சரிபார்க்கவும். உங்கள் மருத்துவர் பரிந்துரைத்தபடி மருந்துகளை எடுத்துக் கொள்ளுங்கள். உங்கள் கல்லீரல், சிறுநீரகங்கள் மற்றும் இதயத்தை தவறாமல் பரிசோதிக்கவும். இது ஆரம்ப நிலையிலேயே இந்தப் பிரச்னைகளை அடையாளம் காண உதவுகிறது.
