யாரும் எதிர்பார்க்காத காம்போ.. சியான்63 படத்தில் விக்ரமிற்கு ஜோடியாகும் பிரபல நடிகை.. யார் தெரியுமா?
Chiyaan 63 Movie Update: தமிழில் சிறந்த நடிகர்களில் ஒருவராக இருப்பவர் சியான் விக்ரம். இவர் அறிமுக இயக்குநரின் இயக்கத்தில் சியான்63 படத்தில் இணைந்துள்ளார். இப்படத்தில் விக்ரமிற்கு ஜோடியாக பிரபல நடிகரின் மகள் ஜோடியாக நடிக்கவுள்ளார். அது யார் என்பது குறித்து பார்க்கலாம்.
தமிழ் சினிமாவில் பிரம்மாண்டம் முதல் சிறு பட்ஜெட் படங்களில் நடித்துவருபவர் சியான் விக்ரம் (Chiyaan Vikram). இவரின் நடிப்பில் தமிழில் இறுதியாக வீர தீர சூரன் 2 (Veera Dheera Sooran) என்ற திரைப்படத்தில் நடித்திருந்தார். இப்படத்தை இயக்குநர் எஸ்.யு. அருண் குமார் (SU. Arun Kumar) இயக்கியிருந்த நிலையில், மக்களிடையே மிக சிறப்பான வரவேற்பை பெற்றிருந்தது. இந்த படத்தில் விக்ரமிற்கு ஜோடியாக துஷாரா விஜயன் (Dushara Vijayan) நடித்திருந்தார், ஆக்ஷன் கதைக்களத்தில் வெளியான இப்படத்தை அடுத்தாக அறிமுக இயக்குநர் இயக்கத்தில் சியான்63 (Chiyaan63) படத்தில் விக்ரம் இணைந்துள்ளார். இந்த படத்தை அறிமுக இயக்குநர் போடி கே ராஜ்குமார் (Bodi K. Rajkumar) இயக்க, சாந்தி டாக்கீஸ் நிறுவனமானது தயாரித்துவருகிறது.
இப்படத்தின் ஷூட்டிங் பணிகள் நடைபெற்றுவரும் நிலையில், இந்த படத்தில் விக்ரமிற்கு ஜோடியாக எந்த நடிகை நடிக்கவுள்ளார் என ரசிகர்கள் எதிர்பார்த்துவந்த நிலையில், இப்படத்தில் நடிகை ஸ்ருதி ஹாசன் (Shruti Haasan) கதாநாயகியாக நடிக்கவுள்ளார். படக்குழுவுடன் ஸ்ருதி ஹாசன் இருக்கும் புகைப்படமானது தற்போது இணையத்தில் வைரலாக பரவிவருகிறது.
இதையும் படிங்க: எனது படங்கள் எல்லாம் புதுமுக இயக்குநர்களோட.. தோல்வியடைந்த இயக்குநர்களுடன்தான் – சசிகுமார் பேச்சு!
சியான்63 படத்தில் கதநாயகியாக இணைந்த நடிகை ஸ்ருதி ஹாசன் குறித்த பதிவு:
🔥 #Chiyaan63 Pre-Production Buzz 📸
The #Chiyaan63 team comes together for a pre-production click, and the excitement is real! 💥
✨ #ShruthiHaasan onboard as the female lead, bringing her star power and charm ❤️
🎵 #AmritRamnath, fresh off the success of 3BHK, roped in as the… pic.twitter.com/ckhDGQ0HcG— Danishkumar Sankaran (@S_Danishkumar) February 5, 2026
இந்த சியான்63 படத்தில் நடிகர் விக்ரம் ஒரு கேங்ஸ்டராக நடிக்கவுள்ளாராம். இப்படத்தை சாண்டி டாக்கீஸ் நிறுவனம் தயாரித்துவரும் நிலையில், 3BHK படத்திற்கு இசையமைத்த இளம் இசையமைப்பாளர் அம்ரித் ராம்நாத் இசையமைத்துவருகிறார்.
இதையும் படிங்க: தனுஷின் ‘டி55’ படத்தின் ஷூட்டிங் பூஜை.. படக்குழு வெளியிட்ட வீடியோ வைரல்!
இந்த படமானது சுமார் ரூ 100 கோடி பட்ஜெட்டில் தயாராகவுள்ளதாக கூறப்படும் நிலையில், இப்படத்தின் ஷூட்டிங் பணிகள் சென்னையில் தொடங்கியுள்ளது. கிட்டத்தட்ட பல ஆண்டுகளுக்கு பின் நடிகர் சியான் விக்ரம் அறிமுக இயக்குநரின் படத்தில் நடிக்கிறார் என்பது குறிப்பிடத்தக்கது.
சியான் விக்ரமின் புது படம் :
நடிகர் விக்ரம் சியான்63 படத்தின் தொடர்ந்து, 96 மற்றும் மெய்யழகன் பட இயக்குநர் பிரேம் குமாரின் இயக்கத்தில் சியான்64 படத்தில் இணையவுள்ளார். இப்படத்தை வேல்ஸ் பிலிம்ஸ் நிறுவனம் தயாரிக்கவுள்ளது. இப்படத்திற்கு இசையமைப்பாளர் கோவிந்த் வசந்தா இசையமைக்கவுள்ளதாக கூறப்படுகிறது. இப்படமானது ஆக்ஷன் திரில்லர் கதையில் உருவாகவுள்ளதாகவும், சியான்63 படத்தின் ஷூட்டிங்கிற்கு பின் உடனே இப்படத்தில் விக்ரம் இணையவுள்ளார் என வட்டாரங்கள் தெரிவிக்கிறது. இப்படத்தின் ஷூட்டிங் குறித்தும் விரைவில் அறிவிப்புகள் வெளியாகும் என எதிர்பார்க்கப்படுகிறது.
