தெலுங்கு சினிமாவிலும் வில்லனாக அறிமுகம் ஆன சாண்டி – வைரலாகும் இன்ஸ்டா போஸ்ட்
Dance Master Sandy: நடன இயக்குநராக அறிமுகம் ஆகி தற்போது நடிகராக சக்கைபோடு போட்டு வருகிறார் டான்ஸ் மாஸ்டர் சாண்டி. இவர் தமிழ் சினிமாவில் நடிகராக அறிமுகம் ஆகி வரவேற்பைப் பெற்றதைத் தொடர்ந்து தற்போது மலையாலம் மற்றும் தெலுங்கு மொழிகளிலும் நடித்துள்ளார்.
சாண்டி
கோலிவுட் சினிமாவில் 2014-ம் ஆண்டு வெளியா ஆ என்ற படத்தின் மூலம் நடன இயக்குநராக அறிமுகம் ஆனார் சாண்டி (Dance Master Sandy). அதனைத் தொடர்ந்து பலப் படங்களில் இவர் நடன இயக்குநராக பணியாற்றியுள்ளார். மேலும் கோலிவுட் சினிமாவில் முன்னணி நடிகர்களான விஜய், ரஜினிகாந்த் மற்றும் சூர்யா என பலருக்கும் தொடர்ந்து நடன இயக்குநராக பணியாற்றியுள்ளார். இவர் தமிழ் சினிமாவில் மட்டும் இன்றி தென்னிந்திய மொழிகளிலும் தொடர்ந்து நடன இயக்குநராக பணியாற்றி வரும் சாண்டி இறுதியாக சூப்பர் ஸ்டார் ரஜினிகாந்த் நடிப்பில் வெளியான கூலி படத்தில் நடன இயக்குநராக பணியாற்றி இருந்தார். இந்த நிலையில் தொடர்ந்து படங்களுக்கு நடன இயக்குநராக பணியாற்றிவரும் சாண்டி தற்போது நடிகராகவும் பிசியாக நடித்து வருகிறார். குறிப்பாக தொடர்ந்து வில்லன் கதாப்பாத்திரங்களில் தொடர்ந்து சாண்டி நடித்து வருகிறார்.
அதன்படி தமிழ் சினிமாவில் கடந்த 2015-ம் ஆண்டு முதல் படங்களில் சின்ன சின்ன வேடங்களில் நடித்து வந்த சாண்டிக்கு திரையுலகில் பெரிய ப்ரேக் கொடுத்தப் படம் லியோ. இயக்குநர் லோகேஷ் கனகராஜ் இயக்கத்தில் வெளியான இந்தப் படத்தில் நடிகர் விஜய் நாயகனாக நடித்து இருந்தார். இதில் வில்லனாக நடிகர் சாண்டி ரசிகர்களை மிரட்டியிருப்பார். இந்தப் படத்தை தொடர்ந்து சாண்டிக்கு மற்ற மொழிகளிலும் வில்லன் கதாப்பாத்திரங்கள் தொடர்ந்து வருகின்றது.
தென்னிந்திய மொழிகளிலும் வில்லனாக கலக்கும் சாண்டி:
அதன்படி கடந்த 28-ம் தேதி ஆகஸ்ட் மாதம் 2025-ம் ஆண்டு மலையாள சினிமாவில் வெளியான படம் லோகா சாப்டர் 1 சந்திரா. இந்தப் படத்தில் வில்லனாக நடிகர் சாண்டி தனது அசத்தலான நடிப்பை வெளிப்படுத்தியிருந்தார். இந்தப் படத்திற்காக பல பாராட்டுகளையும் பெற்றார் சாண்டி.
இந்த நிலையில் சாண்டி தனது இன்ஸ்டாகிராம் பக்கத்தில் சமீபத்தில் பதிவு ஒன்றை வெளியிட்டுள்ளார். அதில் அவர் தெலுங்கு சினிமாவில் கடந்த 12-ம் தேதி செப்டம்பர் மாதம் 2025-ம் ஆண்டு திரையரங்குகளில் வெளியான கிஷ்கிந்தபுரி என்ற படத்தில் வில்லனாக நடித்ததன் மூலம் தெலுங்கு சினிமாவில் அறிமுகம் ஆகியுள்ளதாக தெரிவித்துள்ளார். மேலும் அந்தப் படத்தின் தனது போஸ்டரையும் அந்தப் பதிவுடன் பதிவிட்டு இருந்தார். இது தற்போது ரசிகர்களிடையே வைரலாகி வருகின்றது.
Also Read… துணிவு படம் எனது சினிமா வாழ்க்கையே மாற்றியது – இயக்குநர் எச். வினோத்
சாண்டி வெளியிட்ட இன்ஸ்டாகிராம் பதிவு:
Also Read… மேடையில் மாறி மாறி கலாய்த்துக்கொண்ட ரஜினிகாந்த் – இளையராஜா… வைரலாகும் வீடியோ