Tere Ishq Mein: தனுஷ் – கிரித்தி சனோனின் ‘தேரே இஷ்க் மே’ படத்தின் 2வது நாள் வசூல் எவ்வளவு தெரியுமா?
Tere Ishq Mein Movie 2nd Day Collection : பான் இந்திய சினிமாவில் மிகவும் பிரபலமான நாயகனாக இருந்துவருபவர் தனுஷ். இவரின் நடிப்பில் தேரே இஷ்க் மே என்ற படமானது வெளியாகி ரசிகர்களிடையே நல்ல வரவேற்பை பெற்றுவருகிறது. இந்த படமானது 2 நாட்களில் எவ்வளவு வசூல் செய்துள்ளது என்று படக்குழு அறிவிப்பை வெளியிட்டுள்ளது.
நடிகர் தனுஷின் (Dhanush) நடிப்பில் கடந்த 2025 நவம்பர் 28ம் தேதியில் உலகமெங்கும் வெளியான திரைப்படம்தான் தேரே இஷ்க் மே (Tere Ishq Mein). இந்த படத்தில் தனுஷ் கதாநாயகனாக நடிக்க, அவருக்கு ஜோடியாக இந்தி நடிகை கிரித்தி சனோன் (Kriti Sanon)நடித்துள்ளார். இவர்கள் இருவரும் இந்த படத்தின் மூலம் முதல் முறையாக ஜோடியாக இணைந்துள்ளனர் என்பது குறிப்பிடத்தக்கது. இந்த படத்தை பிரபல பாலிவுட் இயக்குநர் ஆனந்த் எல் ராய் (Anand L Rai) இயக்கியுள்ள நிலையில், ஏ.ஆர். ரஹ்மான் இசையமைத்திருக்கிறார். இந்த படமானது முற்றிலும் அதிரடி ஆக்ஷன் காதல் கதையில் தயாராகியுள்ளது. மேலும் தனுஷ் மற்ற கதாபாத்திரங்களை ஒப்பிடும்போது இந்த திரைப்படத்தில், விமானப்படை ராணுவஅதிகாரியாக நடித்துள்ளார். இந்த படம் இந்தி, தமிழ், தெலுங்கு மற்றும் மலையாளம் போன்ற மொழிகளில் வெளியாகி ரசிகர்களிடையே வரவேற்பை பெற்றுவருகிறது.
இந்த படத்திற்கு தமிழ் சினிமாவில் பெரிதும் எந்த வரவேற்புகளும் கிடைக்கவில்லை. ஏனென்றால் இந்த படம் வெளியானது கூட தமிழில் பல ரசிகர்களுக்கு தெரியவில்லை என்பதுதான் உண்மை. இந்நிலையில் இப்படம் வெளியாகி 2 நாட்களை கடந்திருக்கும் நிலையில், இந்தியில் மட்டும் மொத்தம் எவ்வளவு வசூல் செய்துள்ளது என படக்குழு அதிகாரப்பூர்வ அறிவிப்பை வெளியிட்டுள்ளது. அதன்படி இந்த தேரே இஷ்க் மே படமானது 2வது நாளில், இந்தியில் மட்டும் சுமார் 31.63 கோடிகளுக்கு மேல் வசூல் செய்துள்ளதாக அறிவிக்கப்பட்டுள்ளது.
இதையும் படிங்க: ஓடிடி ரிலீஸ் தேதியை லாக் செய்தது ராஷ்மிகாவின் தி கேர்ள்ஃபிரண்ட் படக்குழு… எப்போது ரிலீஸ் தெரியுமா
தனுஷின் தேரே இஷ்க் மே படத்தின் 2வது நாள் வசூல் குறித்து படக்குழு வெளியிட்ட எக்ஸ் பதிவு :
Back to back BLOCKBUSTER ENERGY!❤️🔥🔥#TereIshkMein now in cinemas worldwide, in Hindi, Tamil and Telugu.
Book your tickets now: link: https://t.co/bhQRYGBCFc@dhanushkraja @kritisanon @arrahman @aanandlrai #BhushanKumar #HimanshuSharma #KrishanKumar @Irshad_kamil… pic.twitter.com/pM9BsN4UG0
— T-Series (@TSeries) November 30, 2025
ராஞ்சனாவை போல ரசிகர்களிடையே வெற்றிபெறுமா தேரே இஷ்க் மே:
கடந்த 2013ம் ஆண்டில் தனுஷின் நடிப்பில் இந்தியில் வெளியான முதல் படம்தான் ராஞ்சனா. இந்த படத்தையும் இயக்குநர் ஆனந்த் எல் ராய் தான் இயக்கியிருந்தார். இந்த படமானது வெளியான சமயத்தில் பெருமளவு வரவேற்கப்படவில்லை. அனால் சில ஆண்டுகளுக்கு பின் இந்த படத்திற்கு அதிகம் வரவேற்புகள் கிடைத்திருந்தது. அதுபோல, இந்த தேரே இஷ்க் மே படமும் எதிர்பார்க்கப்பட்டுவந்த நிலையில், வட இந்திய மக்களிடையே சிறப்பான வரவேற்பை பெற்றுவருகிறது. ஆனால் தமிழில் குறைவான வரவேற்பையே பெற்றுவருகிறது.
இதையும் படிங்க: ராம் சரண் பட இயக்குநருடன் இணைகிறாரா சூர்யா? அட இவரா?
இருந்தாலும் இணையதளங்களில் இந்த படத்தின் கதை குறித்து வைரலாகிவரும் நிலையில், தமிழ் மக்களிடையேயும் தனுஷின் நடிப்பில் இப்படி ஒரு படம் வெளியாகியுள்ளது என பார்த்துவருகின்றனர். இதற்கு காரணமாக இந்த படத்தின் ரிலீஸ் குறித்து தமிழில் எந்தவித ப்ரோமோஷன் பணிகளும் நடைபெறவில்லை என்று கூறப்படுகிறது. மேலும் தனுஷின் நடிப்பில் மட்டுமே இந்த ஆண்டில் பாலிவுட், டோலிவுட் மற்றும் கோலிவுட் சினிமாவில் என 3 படங்கள் வெளியாகியுள்ளது என்பது குறிப்பிடத்தக்கது.
