சத்யராஜ் உடன் இருக்கும் இந்த சிறுவன் யார் தெரியுமா? ஒரு மாஸ் நடிகர் தான்
Celebrity childhood photos: சினிமாவில் பிரபலங்கலாக இருக்கும் பலர் தங்களுக்கு என சமூக வலைதளப் பக்கங்களை வைத்துள்ளனர். இவர்கள் தங்களது சமூக வலைதளப் பக்கத்தில் தங்களது சமீபத்திய புகைப்படங்களை வெளியிட்டு வருகின்றனர். இந்த நிலையில் அவர்களின் சிறுவயது புகைப்படங்களும் இணையத்தில் வெளியாகி வைரலாகி வருகின்றது.
மலையாளம் மற்றும் தமிழ் சினிமாவில் பிரபல இயக்குநராக வலம் வந்தவர் இயக்குநர் பாசில். இவர் மலையாளத்தில் இயக்கிய பலப் படங்களை தமிழில் மீண்டும் இயக்கி ரசிகர்களிடையே நல்ல வரவேற்பைப் பெற்றவர் என்பது குறிப்பிடத்தக்கது. மலையாளத்தில் இயக்குநர் பாசிலுக்கு ரசிகர்கள் பட்டாளம் எப்படி உள்ளனரோ அதே போல தமிழ் சினிமாவிலும் இயக்குநர் பாசிலுக்கு ரசிகர்கள் பட்டாளம் அதிகரித்து இருந்தது குறிப்பிடத்தக்கது. இவரது இயக்கத்தில் தமிழ் சினிமாவில் அதிக அளவில் படங்களில் நடித்தது நடிகர் சத்யராஜ் என்பது குறிப்பிடத்தக்கது. பிரபல இயக்குநராக வலம் வந்த இவரது வாரிசாக சினிமாவில் களம் இறங்கினார் நடிகர் ஃபகத் பாசில். மலையாள சினிமாவில் ஃபகத் பாசில் நாயகனாக அறிமுகம் ஆன படத்தை இயக்குநர் பாசில் தான் இயக்கி இருந்தார்.
ஆனால் அறிமுகம் ஆன படம் படுதோல்வியை சந்தித்தது. மேலும் ரசிகர்கள் ஃபகத் பாசிலின் நடிப்பை ட்ரோல் செய்ததும் குறிப்பிடத்தக்கது. இதனைத் தொடர்ந்து மன உழைச்சலில் இருந்த நடிகர் ஃபகத் பாசில் வெளிநாட்டிற்கு சென்று நடிப்பு சம்மந்தமான படிப்பை படித்து முடித்துவிட்டு மீண்டும் தனது நடிப்பு பயணத்தை சினிமாவில் தொடங்கினார். யாரும் எதிர்பாராத விதமாக விமர்சனம் செய்தவர்கள் எல்லாம் வாயடைத்துப் போகும் அளவிற்கு தனது சிறப்பான நடிப்பை வெளிப்படுத்தினார் நடிகர் ஃபகத் பாசில். அது மட்டும் இன்றி மலையாள சினிமாவை பான் இந்திய அளவில் பெருமைப்படுத்தியதில் ஃபகத் பாசிலுக்கு ஒரு முக்கிய பங்கு உள்ளது என்பது குறிப்பிடத்தக்கது.
Also Read… ஜெயிலர் 2 படப்பிடிப்பில் இணையும் பிரபல நடிகர்கள்? வைரலாகும் தகவல்
இணையத்தில் கவனம் பெறும் நடிகர் ஃபகத் பாசிலின் சிறு வயது புகைப்படம்:
பான் இந்திய அளவில் பிரபல நடிகராக வலம் வரும் நடிகர் ஃபகத் பாசில் சிறு வயதில் இருக்கும் போது தனது தந்தை பேசில் இயக்கத்தில் சத்யராஜ் நடித்துக் கொண்டிருந்த போது அவருடன் புகைப்படம் எடுத்துள்ளார். இந்தப் புகைப்படம் தற்போது இணையத்தில் வெளியாகி ரசிகர்களிடையே கவனத்தை ஈர்த்து வருகின்றது. பிரபலங்களின் தற்போதைய புகைப்படங்கள் ரசிகர்களிடையே கவனத்தைப் பெற்று வருவது போல சிறு வயது புகைப்படங்களும் ரசிகர்களிடையே நல்ல வரவேற்பைப் பெற்று வருகின்றது என்பது குறிப்பிடத்தக்கது.
Also Read… தலைவர் 173-க்கு நோ… சுந்தர் சி இயக்கும் படத்தின் அப்டேட் இதோ
