Tamil Nadu Election 2026 Live : விஜய் கன்னியாகுமரி விசிட்.. இன்றைய தேர்தல் அப்டேட்ஸ்!
- Tamil Nadu Assembly Election 2026 Live : தமிழ்நாடு சட்டமன்றத் தேர்தலை அடுத்து தமிழ்நாடு அரசியல் களம் மிகத்தீவிரமாக வேலை செய்து வருகின்றன. அரசியல் தலைவர்களும், கட்சி பிரமுகர்களும் தீவிரமாக பிரசாரத்தில் ஈடுபட்டு வருகின்றனர். இந்நிலையில் இன்று கட்சி தலைவர்கள் எங்கெல்லாம் பிரசாரம் செய்கிறார்கள், மற்றும் தேர்தல் அப்டேட்ஸ்களையும் பார்க்கலாம்
LIVE NEWS & UPDATES
-
பாதுகாப்பு ஏற்பாடு தீவிரம்
விஜய் வருகையால் ஆயிரக்கணக்கான மக்கள் ஒரே இடத்தில் திரள்வார்கள் என்பதால் பலத்த பாதுகாப்பும், முன்னேச்சரிக்கை நடவடிக்கைகளும் எடுக்கப்பட்டுள்ளன
-
விஜய் ரோடு ஷோ
பொதுக்கூட்டம் ரத்து செய்யப்பட்டாலும் விஜய் இன்று கன்னியாகுமரியில் ரோடு ஷோவில் ஈடுபடுவார் என தெரிவிக்கப்பட்டுள்ளது. ரோடு ஷோ மூலம் அவர் வாக்கு சேகரிப்பார் என தவெக சார்பில் தெரிவிக்கப்பட்டுள்ளது
-
Vijay Meeting: விஜய் கூட்டம் ரத்து
விஜய் இன்று கன்னியாகுமரியில் பொதுக்கூட்டத்தில் ஈடுபடுவார் என தெரிவிக்கப்பட்டது. ஆனால் அது தற்போது ரத்து செய்யப்பட்டுள்ளது
-
தொண்டர் வீட்டுக்கு விசிட் அடித்த முதல்வர் ஸ்டாலின்
தொண்டர் வீட்டுக்கு விசிட் அடித்த முதல்வர் ஸ்டாலின்
எப்படி இருக்கு #DravidianModel ஆட்சி?
மக்களே எடைபோட்டுச் சொல்லும் பதில்கள் இந்த வீடியோவில்:#வெல்வோம்_ஒன்றாக #VoteForDMK pic.twitter.com/WYbB4PD3c3
— M.K.Stalin – தமிழ்நாட்டை தலைகுனிய விடமாட்டேன் (@mkstalin) April 12, 2026
-
பல கோடிகள் என்னிடம் இல்லை – சீமான்
நான் வெறும் முகத்தை மட்டும் காண்பித்து உங்களிடம் ஓட்டு கேட்கவில்லை. நல்ல நல்ல கருத்துக்களை சொல்லி வாக்கு கேட்டு வருகிறேன். இதே போல, நான் பல கோடிகளை கொட்டி அரசியல் செய்ய வந்தவன் கிடையாது. உயர்ந்த கொள்கைகளை முன்னிலைப்படுத்தி அரசியல் செய்ய வந்தவன் – சீமான்
-
Seeman Speech : சீமான் உருக்கமான பேச்சு
தமிழகத்தில் நடைபெற்ற சட்டமன்ற தேர்தல்களில் நான் போட்டியிட்ட 4 தேர்தல்களில் பணம் இல்லாத காரணத்தால் தோல்வியை சந்தித்ததாக நாம் தமிழர் கட்சியின் தலைமை ஒருங்கிணைப்பாளர் சீமான் உருக்கமாக பேசினார்.
-
அருகில் உள்ள வீடுகளில் பூத் சிலிப்புகள்
வாக்குச்சாவடி அலுவலர்கள் பூத் சிலிப் விநியோகம் செய்ய வரும்போது, வீட்டில் வாக்காளர்கள் இல்லையெனில், அருகில் உள்ள வீடுகளில் தங்களுக்கான பூத் சிலிப்புகள் வழங்கப்படும் என்று தேர்தல் அதிகாரிகள் தரப்பில் தெரிவிக்கப்பட்டுள்ளது
-
என்னென்ன இருக்கும்?
அதில் அவர்களின் பாகம் எண், வரிசை எண், வாக்குச்சாவடி எண்ணை எளிதில் அடையாளம் காணும் வகையில் கட்டம் போட்டு காட்டப்பட்டுள்ளது. இந்த ‘பூத் சிலிப்பில்’ ‘கியூ ஆர் கோடும்’ உள்ளது. இதன்மூலம் கூடுதல் தகவல்களை அறிந்துகொள்ளலாம்.
-
புதிய வகை அடையாளச் சீட்டுகள்
வாக்காளர்களுக்கு அடையாள சீட்டுகளை (பூத் சிலிப்) வழங்க பி.எல்.ஓ. அலுவலர்களுக்கு மாவட்ட தேர்தல் அதிகாரிகள் உத்தரவிட்டுள்ளனர். இந்த தேர்தலுக்காக புதிய வகை அடையாளச் சீட்டுகள் அச்சிடப்பட்டு உள்ளன.
-
பி.எல்.ஓ. அலுவலர்கள் ஈடுபடுவார்கள்
பி.எல்.ஓ. அலுவலர்கள் வீடுவீடாக சென்று இவற்றை வழங்குவார்கள். அவர்கள் தனித்தனியாகச் சென்று இந்த ‘பூத் சிலிப்புகளை’ வாக்காளர்களுக்கு வழங்கலாம்.
-
Booth slips : ‘பூத் சிலிப்’ வழங்கும் பணி இன்று முதல்
தமிழகம் முழுவதும் வீடு வீடாக ‘பூத் சிலிப்’ வழங்கும் பணி இன்று முதல் தொடக்கம்
Tamil Nadu Election : தமிழ்நாடு சட்டமன்றத்தேர்தலுக்கு இன்னும் 10 நாட்களே உள்ள நிலையில் அரசியல் தலைவர்கள் தீவிர பிரசாரத்தில் ஈடுபட்டு வருகின்றனர். திமுக தலைவர் ஸ்டாலின், அதிமுகவின் எடப்பாடி பழனிசாமி, தவெக தலைவர் விஜய், பாஜக தலைவர்கள் என அனைவருமே தீவிர வாக்கு சேகரிப்பில் ஈடுபட்டு வருகின்றனர். இன்று தவெக தலைவர் விஜய் கன்னியாகுமரி விசிட் செய்கிறார். அவர் ரோடு ஷோவில் ஈடுபடுவார் என தெரிவிக்கப்பட்டுள்ளது. அதேபோல பாஜகவின் அண்ணாமலையும் பிரசார திட்டங்களை கையில் எடுத்துள்ளார். அவர் அடுத்தடுத்து பல இடங்களில் பிரசாரம் செய்ய உள்ளார். மேலும் பாஜகவின் ஆளும் முதலமைச்சர் சிலர் தமிழகம் வந்து பிரசாரம் செய்யலாம் என எதிர்பார்க்கப்படுகிறது. இந்நிலையில் இன்று ஏப்ரல் 12ம் தேதி நடக்கும் தலைவர்களின் பிரசாரம், தேர்தல் சார்ந்த செய்திகளை உடனுக்குடன் இங்கு பார்க்கலாம்
Published On - Apr 12,2026 9:57 AM
