How To Apply For Passport: பாஸ்போர்ட் எளிதில் விண்ணப்பிப்பது எப்படி? தேவையான ஆவணங்கள் என்ன?

மாதிரி புகைப்படம்

இந்தியாவை விட்டு சுற்றுப் பயணமாகவோ, படிப்பிற்காகவோ, வேலை போன்ற காரணங்களுக்காகவோ வெளி நாடுகளுக்கு  செல்ல ஒரு இந்திய குடிமகனாக நமக்கு பாஸ்போர்ட் (Passport )மிகவும் அவசியம். பாஸ்போர்ட் இருந்தால் மட்டுமே இந்தியாவைத் தாண்டி வெளிநாடுகளுக்கு செல்ல முடியும். ஒருவரது பெயர் தொடங்கி புகைப்படம், குற்றப் பின்னணி கொண்டவரா என்பது வரை அனைத்து தகவல்களும் பாஸ்போர்ட்டில் இடம்பெறும். வெளிநாடுகளில் இதனை வைத்திருப்பது உங்களை ஒரு நம்பிக்கைக்குரிய நபராக காட்டும். பாஸ்போர்ட் என்பது தற்போது அத்தியாவசியமாகி விட்டது. வேலை சார்ந்து யாருக்கு எப்பொழுது வாய்ப்பு வரும் என சொல்ல முடியாது. எனவே பாஸ்போர்ட்டை முன் கூட்டியே எடுத்து வைத்திருப்பது அவசியம். தற்போது பாஸ்போர்ட் சேவா போர்டல்  (Passport Seva Portal) பாஸ்போர்ட் பெறுவது எளிமையாகியிருக்கிறது.

ஆன்லைன் மூலம் பாஸ்போர்ட் விண்ணப்பிக்கும் முறை

• passportindia.gov.in என்ற அதிகாரப்பூர்வ இணையதளத்திற்கு செல்லவும்

• New User Registration என்பதை தேர்வு செய்து, உங்கள் பெயர், பிறந்த தேதி, மின்னஞ்சல் போன்ற விவரங்களை பதிவிடவும்.

  இதையும் படியுங்கள்

  IRCTC Update : முன்பதிவு செய்த டிக்கெட்டின் பெயரை மாற்ற முடியுமா? ஆன்லைனில் எப்படி மாற்றுவது?

  ஆதாரில் இந்த தேதி வரை மட்டுமே இலவசமாக முகவரியை மாற்றலாம் – ஆன்லைனில் எப்படி செய்வது?

  மருத்துவ செலவுக்காக உறவினர்கள், நண்பர்களிடம் பெற்ற பணத்திற்கு வரி விதிக்கப்படுமா?

  PAN : பான் கார்டு குறித்து பலருக்கும் தெரியாத விஷயங்கள்.. விரிவாக பார்க்கலாம்!

• பின்னர் Apply for Fresh Passport / Re-issue of Passport என்ற ஆப்சனை தேர்வு செய்யவும்

• தேவையான தகவல்களுடன் படிவத்தை நிரப்பி, சரிபார்த்து சமர்ப்பிக்கவும்.

• Pay and Schedule Appointment என்பதை கிளிக் செய்து, அருகிலுள்ள Passport Seva Kendra (PSK) அல்லது Post Office PSK ஐ தேர்வு செய்யவும்.

• Net Banking, UPI, கிரெடிட்/டெபிட் கார்டு மூலம் கட்டணம் செலுத்தலாம்.

• உங்களுக்கு வசதியான தேதியையும் நேரத்தையும் தேர்வு செய்து உறுதிப்படுத்துங்கள்

• Appointment Receipt-ஐ டவுன்லோட் செய்து வைத்துக்கொள்ளவும்.

• பின்னர் நீங்கள் குறிப்பிட்ட தேதியில் பாஸ்போர்ட் விண்ணப்பத்துடன் மூல ஆவணங்களும், அதற்கான நகல்களுடன் அருகில் உள்ள பாஸ்போர்ட் சேவா கேந்த்ரா அல்லது போஸ்ட் ஆபிஸ் செல்லவும்.

• அங்கு உங்கள் ஆவணங்கள் சரிபார்க்கப்படும், கைரேகை, புகைப்படம் எடுக்கப்படும். சில சமயங்களில் அதிகாரியுடன் இண்டர்வியூ இருக்கலாம்.

• உங்கள் முகவரியின் அடிப்படையில் விசாரணைக்கு காவல்துறையினர் உங்கள் வீட்டுக்கு விசாரணைக்கு வருவர்.

• எனவே விசாரணையின்போது  தேவையான ஆவணங்களை தயார் நிலையில் வைத்திருக்க வேண்டும்.

• Track Application Status விருப்பத்தை Passport Seva Portal-இல் தேர்வு செய்து, File Number மற்றும் பிறந்த தேதி பயன்படுத்தவும்

• உங்கள் பாஸ்போர்ட் தயாரானவுடன், தபால் மூலம் உங்கள் முகவரிக்கு அனுப்பப்படும்

 பாஸ்போர்ட் பெற தேவையான ஆவணங்கள்

முகவரி ஆதாரம் (இதில் ஏதேனும் ஒன்று):

• ஆதார் கார்டு

• வாக்காளர் அடையாள அட்டை.

• வங்கிக் கணக்கு ஸ்டேட்மெண்ட்

• மின்சாரம்/தண்ணீர்/தொலைபேசி பில்

• வீட்டு வாடகை ஒப்பந்தம்

பிறந்த தேதி ஆதாரம் (இதில் ஏதேனும் ஒன்று)

• பிறப்பு சான்றிதழ்

• பள்ளி டிசி

• ஆதார் கார்ட்

• பான் கார்டு

அடையாள ஆவணம்

• பான் கார்டு

• ஆதார் கார்டு

• வோட்டர் ஐடி