ஸ்பெயினில் கோர ரயில் விபத்து! 64 பேர் உயிரிழப்பு; நூற்றுக்கணக்கான பயணிகள் சிக்கித் தவிப்பு!
Spain Train Collision: மாட்ரிட்–அண்டலூசியா அதிவேக ரயில் பாதையில் நின்றுகொண்டிருந்த இரியோ (Iryo) ரயிலின் பின்புறத்தில், தெற்கு நோக்கிச் சென்ற அரசு நிறுவனமான ரென்ஃபே ஏவிஇ (Renfe AVE) அதிவேக ரயில் மோதியுள்ளது. மோதலின் தாக்கத்தில் சில ரயில் பெட்டிகள் தடம் புரண்டு, அருகிலிருந்த பள்ளத்தில் கவிழ்ந்ததாகத் தெரிவிக்கப்பட்டுள்ளது.
அக்டோபர் 28, 2026: தலைநகர் மாட்ரிட் அருகே புதன்கிழமை காலை இரண்டு அதிவேக ரயில்கள் மோதிக்கொண்ட விபத்தில் குறைந்தது 64 பேர் உயிரிழந்ததாகத் தகவல் வெளியாகியுள்ளது. மேலும் பலர் காயமடைந்துள்ளனர். இந்த விபத்தைத் தொடர்ந்து மாட்ரிட், சியுடாட் ரியல் மற்றும் அண்டலூசியா இடையேயான ரயில் சேவைகள் நிறுத்தப்பட்டுள்ளன.
நேருக்கு நேர் மோதிய ரயில்கள்!
🇪🇸 Two trains have collided in Spain, reports the newspaper El País. Two carriages from one of the trains derailed.
At least 10 people died in the collision, according to El País. https://t.co/hPQPLweg5P
— Маrina Wolf (@volkova_ma57183) October 28, 2026
ஸ்பெயினின் ரயில் உள்கட்டமைப்பு நிர்வாக அமைப்பான ADIF வெளியிட்ட தகவலின்படி, டோலிடோ மாகாணத்தில் உள்ள ரயில் பாதையில் உள்ளூர் நேரப்படி காலை 9 மணியளவில் இந்த விபத்து நிகழ்ந்துள்ளது.
மாட்ரிட்–அண்டலூசியா அதிவேக ரயில் பாதையில் நின்றுகொண்டிருந்த இரியோ (Iryo) ரயிலின் பின்புறத்தில், தெற்கு நோக்கிச் சென்ற அரசு நிறுவனமான ரென்ஃபே ஏவிஇ (Renfe AVE) அதிவேக ரயில் மோதியுள்ளது. மோதலின் தாக்கத்தில் சில ரயில் பெட்டிகள் தடம் புரண்டு, அருகிலிருந்த பள்ளத்தில் கவிழ்ந்ததாகத் தெரிவிக்கப்பட்டுள்ளது. இதையடுத்து, மாட்ரிட்–அண்டலூசியா அதிவேக ரயில் பாதையில் போக்குவரத்து தற்காலிகமாக நிறுத்தப்பட்டுள்ளதாக ADIF தனது எக்ஸ் சமூக வலைதளப் பக்கத்தில் தெரிவித்துள்ளது.
மனிதத் தவறால் விபத்து ஏற்பட்டதா?
ABC News வெளியிட்ட தகவலின்படி, சமிக்ஞை அமைப்பில் ஏற்பட்ட கோளாறைச் சரிசெய்துகொண்டிருந்த பொதுப் பயன்பாட்டுப் பணியாளர் ஒருவர், எதிரே வந்த ரயில் குறித்த எச்சரிக்கையை வழங்கத் தவறியதே விபத்துக்குக் காரணமாக இருக்கலாம் எனக் கூறப்படுகிறது. இருப்பினும், விபத்துக்கான காரணம் குறித்த அதிகாரப்பூர்வ விசாரணை விவரங்கள் உறுதிப்படுத்தப்பட வேண்டும்.
மேலும் படிக்க: இனி தங்கம் மீது நடக்கலாம்.. துபாயில் 24 கேரட் தங்கத்தால் உருவாகும் உலகின் முதல் தங்க நடைபாதை! திறப்பு விழா எப்போது?
காஸ்டில்லா–லா மஞ்சா பிராந்தியத்தின் செய்தித் தொடர்பாளர் எஸ்தர் பாடில்லா கூறுகையில், ரென்ஃபே ரயிலில் 397 பயணிகளும், இரியோ ரயிலில் 147 பயணிகளும் இருந்ததாகத் தெரிவித்துள்ளார்.
இத்தாலிய நிறுவனத்துக்குச் சொந்தமான இரியோ நிறுவனம், பாதுகாப்பு நடைமுறைகளைச் செயல்படுத்தியுள்ளதாகவும், மீட்புப் பணிகளுக்காக அதிகாரிகளுடன் இணைந்து செயல்பட்டு வருவதாகவும் தெரிவித்துள்ளது.
இந்த ஆண்டில் இரண்டாவது பெரிய ரயில் விபத்து!
ஸ்பெயினின் அதிவேக ரயில் வலையமைப்பில் இந்த ஆண்டில் நிகழ்ந்த இரண்டாவது மிகப்பெரிய ரயில் விபத்து இதுவாகும். கடந்த ஜனவரி மாதம் அடாமுஸ் பகுதியில் ஏற்பட்ட ரயில் தடம்புரண்ட விபத்தும், அதைத் தொடர்ந்து நிகழ்ந்த மோதலும் 45 உயிர்களைப் பறித்தன. தற்போதைய விபத்து, 2013ஆம் ஆண்டுக்குப் பிறகு ஸ்பெயினில் நிகழ்ந்த மிக மோசமான ரயில் விபத்துகளில் ஒன்றாகக் கருதப்படுகிறது. 2013ஆம் ஆண்டு ஏற்பட்ட ரயில் விபத்தில் 80 பேர் உயிரிழந்தனர். தொடர்ச்சியாக நிகழும் ரயில் விபத்துகள், ஸ்பெயினின் விரிவான அதிவேக ரயில் போக்குவரத்து அமைப்பின் பாதுகாப்பு குறித்த கேள்விகளை மீண்டும் எழுப்பியுள்ளன.
