2-வது மாடியில் இருந்து தவறி விழுந்த 5 வயது சிறுவன்: பாய்ந்து சென்று காப்பாற்றிய இளைஞர்

அக்டோபர் 5, 2026: எகிப்தின் கிசா நகரில் 2-வது மாடி பால்கனியில் இருந்து தவறி விழுந்த 5 வயது சிறுவனை, சரியான நேரத்தில் செயல்பட்டு இளைஞர் ஒருவர் காப்பாற்றிய சம்பவம் சமூக வலைதளங்களில் கவனம் பெற்றுள்ளது. கிசாவின் அர்த் எல்-லிவா பகுதியில் உள்ள கடை அருகே அகமது ரகாப் என்பவர் நின்று கொண்டிருந்தார். அப்போது அப்பகுதியில் திடீரென கூச்சல் மற்றும் அழுகை சத்தம் கேட்டது. அருகில் இருந்த கட்டிடத்தை அவர் பார்த்தபோது, 2-வது மாடி பால்கனியில் இருந்து சிறுவன் ஒருவர் கீழே விழுந்து கொண்டிருப்பதை கவனித்தார்.

பால்கனியில் இருந்து தவறி விழுந்த குழந்தையை காப்பாற்றிய இளைஞர்:

🇪🇬 𝐒𝐨𝐦𝐞𝐭𝐢𝐦𝐞𝐬, 𝐚 𝐬𝐩𝐥𝐢𝐭-𝐬𝐞𝐜𝐨𝐧𝐝 𝐜𝐚𝐧 𝐜𝐡𝐚𝐧𝐠𝐞 𝐚 𝐥𝐢𝐟𝐞 𝐟𝐨𝐫𝐞𝐯𝐞𝐫.

In Giza, Egypt, Ahmed Ragab heard screams and looked up to see a little boy, around four years old, falling from a second-floor balcony.

The child briefly became tangled in a washing line, slowing his fall just enough for Ahmed to react. Without hesitation, he ran underneath and caught the boy in his arms, saving him from a potentially tragic fall.

Then came the most human moment. Once the child was safe, Ahmed sat down against a mattress in the street, visibly shaken, as the reality of what had just happened began to sink in.

“I had no time to think or calculate the risks. All I wanted was to save this child.”

Sometimes instinct takes over before fear has a chance to speak, and one quick reaction can change everything. ❤️

— Rula El Halabi (@Rulaelhalabi) October 4, 2026

சிறுவன் கீழே விழுவதை பார்த்த அகமது ரகாப், உடனடியாக அந்த இடத்தை நோக்கி ஓடிச் சென்று, சிறுவன் விழும் இடத்திற்கு நேராக கீழே நின்றார். அப்போது சிறுவன் கீழே இருந்த துணி உலர்த்தும் கம்பியில் முதலில் மோதியதாக கூறப்படுகிறது. இதனால் சிறிது நேரம் தாமதமான நிலையில், ரகாப் சரியான இடத்திற்கு சென்று சிறுவனை தனது கைகளில் தாங்கிப் பிடித்தார்.

இதனால் சிறுவன் தரையில் விழாமல் தடுக்கப்பட்டார். மீட்பு நடந்ததும் அப்பகுதியில் இருந்தவர்கள் உடனடியாக சிறுவனைச் சுற்றி திரண்டனர்.

குழந்தைகளை கவனமாக கண்காணிக்க வேண்டும்:

சிறுவனை காப்பாற்றிய அகமது ரகாபின் செயல் எகிப்து சமூக வலைதளங்களில் பாராட்டப்பட்டு வருகிறது. ஆனால், தனது உயிரைப் பற்றி யோசிக்கக்கூட நேரமில்லை என்றும், ஆபத்தில் இருந்த குழந்தையை பார்த்ததும் தன்னிச்சையாக செயல்பட்டதாகவும் அவர் தெரிவித்துள்ளார்.

சிறுவன் பாதுகாப்பாக மீட்கப்பட்ட பிறகுதான் நிலைமையின் தீவிரத்தை உணர்ந்ததாகவும், அந்த வேகத்தில் எப்படி சென்று சிறுவனை பிடித்தேன் என்பது தனக்கே தெரியவில்லை என்றும் ரகாப் கூறியுள்ளார்.

மேலும், பால்கனி மற்றும் ஜன்னல் அருகே குழந்தைகள் ஏறுவதற்கு வசதியாக நாற்காலி உள்ளிட்ட பொருட்களை வைக்காமல், பெற்றோர் குழந்தைகளை கவனமாக கண்காணிக்க வேண்டும் என்றும் அவர் அறிவுறுத்தியுள்ளார்.