Board Results

தமிழ்நாட்டைப் பொறுத்தவரை மாநில கல்வி திட்டத்தின் கீழ் 10, 11, மற்றும் 12 ஆகிய 3 வகுப்புகளைச் சேர்ந்த மாணவ, மாணவியர்களுக்கு பொதுத்தேர்வு முறை பின்பற்றப்பட்டு வருகிறது. மேலும் சிபிஎஸ்இ கல்வி திட்டங்களின் கீழும் பள்ளிகள் செயல்பட்டு பொதுத்தேர்வுகள் நடத்தப்பட்டு வருகிறது. மாநில பாடத்திட்டத்தில் 6 முதல் 9 வகுப்பு வரையிலான மாணவர்களுக்கு பருவத்தேர்வு முறை அமலில் இருந்து வரும் நிலையில் இந்த 3 வகுப்புகளுக்கு ஓவ்வொரு ஆண்டும் மார்ச் மற்றும் ஏப்ரல் மாதத்தின் முதல் வாரம் வரை பொதுத்தேர்வுகள் நடைபெறும். முதலில் 1200 மதிப்பெண்களுக்கு நடத்தப்பட்டு வந்த 11 மற்றும் 12 ஆம் வகுப்பு தேர்வுகள் கடந்த சில ஆண்டுகளாக 600 மதிப்பெண்களுக்கு நடத்தப்பட்டு வருகிறது. அதேசமயம் 10 ஆம் வகுப்பு மாணவர்களுக்கு வழக்கம்போல 500 மதிப்பெண்களுக்கு தேர்வு நடத்தப்படுகிறது. அதேபோல் மாநில, மாவட்ட அளவில் முதலிடம் பிடிப்பவர்களின் விவரங்களும் வெளியிடப்படுவதில்லை. இதன்மூலம் மதிப்பெண் அடிப்படையில் மாணவ, மாணவியர்களிடையே ஏற்ற தாழ்வு,தேர்வில் குறைந்த மதிப்பெண் அல்லது தோல்வியடைந்தால் விபரீத முயற்சிகளை மேற்கொள்வது போன்றவை பெருமளவில் குறைந்துள்ளது. பொதுத்தேர்வு தொடர்பான தகவல்களை நாம் இங்கு காணலாம்.