Realme GT 8 Pro : அசத்தல் அம்சங்களுடன் அறிமுகமானது ரியல்மி ஜிடி 8 ப்ரோ!

ரியல்மி ஜிடி 8 ப்ரோ

இந்தியர்கள் மத்தியில் மிகவும் பிரபலமாக உள்ள ஸ்மார்ட்போன் நிறுவனம் தான் ரியல்மி (Realme). இந்த நிறுவனம் தொடர்ந்து தனது புதிய மாடல் ஸ்மார்ட்போன்களை அறிமுகம் செய்து வருகிறது. அந்த வகையில் தற்போது ரியல்மி ஜிடி 8 ப்ரோ ஸ்மார்ட்போனை (Realme GT 8 Pro Smartphone) சீனாவில் அறிமுகம் செய்துள்ளது. இந்த நிலையில், இந்த ஸ்மார்ட்போனி விலை மற்றும் சிறப்பு அம்சங்கள் என்ன என்பது குறித்து விரிவாக பார்க்கலாம்.

சீனாவில் அறிமுகமானது ஜிடி 8 ப்ரோ சீரீஸ் ஸ்மார்ட்போன்

• இந்த ரியல்மி ஜிடி 8 ப்ரோ ஸ்மார்ட்போனில் 6.78 இன்ச் QHD + AMOLED டிஸ்பிளே கொடுக்கப்பட்டுள்ளது.
• இந்த ஸ்மார்ட்போன் ஸ்னாப்டிராகன் 8 எலைட் ஜென் 5 எக்ஸ்ட்ரீம் எடிஷன் சிப்செட் அம்சத்தை கொண்டுள்ளது.
• இந்த ஸ்மார்ட்போனில் 7,000 mAh பேட்டரி கொடுக்கப்பட்டுள்ளது.
• இந்த ஸ்மார்ட்போன் 120 வாட்ஸ் வயர்டு சார்ஜிங் மற்றும் 50 வாட்ஸ் வயர்லஸ் சார்ஜிங் அம்சத்தை கொண்டுள்ளது.
• இந்த ஸ்மார்ட்போன் வெள்ளை, பச்சை மற்றும் நீல நிறங்களில் அறிமுகம் செய்யப்பட்டுள்ளது.

இதையும் படிங்க : Emergency Call மூலம் ஒரு உயிரையே காப்பாற்றலாம்.. எப்படி தெரியுமா?

ரியல்மி ஜிடி 8 ப்ரோ ஸ்மார்ட்போன் – விலை மற்றும் சிறப்பு அம்சங்கள்

12 ஜிபி ரேம் மற்றும் 256 ஜிபி ஸ்டோரேஜ் கொண்ட இந்த ரியல்மி ஜிடி 8 ப்ரோ ஸ்மார்ட்போனின் ஆரம்ப விலை 3,999 யென் ஆக உள்ளது. அதாவது இந்திய மதிப்பில் ரூ.49,000 ஆகும். இந்த ஸ்மார்ட்போனின் அதிக வேரியண்ட் ஸ்மார்ட்போன் ஆன 16 ஜிபி ரேம் மற்றும் 1 டிபி ஸ்டோரேஜ் கொண்ட ரியல்மி ஜிடி 8 ப்ரோ ஸ்மார்ட்போன் 5,199 யென் ஆக உள்ளது. அதாவது இந்திய மதிப்பில் ரூ.64,200 ஆகும்.

இதையும் படிங்க : முதலீட்டு மோசடியில் சிக்கிய நிதி நிறுவன மேலாளர்.. ரூ.5 கோடி பணத்தை இழந்த அதிர்ச்சி!

இந்த ஸ்மார்ட்போன் தற்போது சீனாவில் அறிமுகமாகியுள்ள நிலையில், விரைவில் இந்தியாவில் அறிமுமாக உள்ளது குறிப்பிடத்தக்கது.