Honda SP 125 vs Bajaj Pulsar 125: தினசரி அலுவலகப் பயணத்திற்கு எந்த பைக் மிகச்சிறந்த தேர்வு?

ஹோண்டா எஸ்பி 125 - பல்சர் 125

இந்திய மார்கெட்டில் சமீப காலமாக 125cc பைக்குகள் மிக வேகமாக பிரபலமடைந்து வருகின்றன.  குறிப்பாக 100cc  பைக்குகளுடன் ஒப்பிடும்போது,  125சிசி பைக்குகள் அதிக பவரை வெளிப்படுத்துகின்றன. குறிப்பாக 125சிசி பைக்குகள் விற்பனையில் இரண்டு  நிறுவன பைக்குகள் ஆதிக்கம் செலுத்துகின்றன. அதில்,  ஹோண்டா எஸ்பி 125 (Honda SP 125) மற்றும் பஜாஜ் பல்சர் 125 (Bajaj Pulsar 125)  இரண்டு பைக்குகளுக்கு இடையில் விற்பனையில் போட்டி நிலவுகின்றன.  இந்தக் கட்டுரையில், இந்த 2 பைக்குகளை ஒப்பிடுகையில் எது தினசரி பயன்பாட்டுக்கு சிறந்தது என பார்க்கலாம்.

ஹோண்டா எஸ்பி125 என்பது ஒரு பிரீமியமான தோற்றம் கொண்ட தினசரி பயன்பாட்டுக்கு ஏற்ற சிறந்த தேர்வாகும். இதில் எளிமையை விரும்புகிறவர் என்ற இந்த பைக் உங்களுக்கான சிறந்த தேர்வாகும். ஆனால் பல்சர் 125 பெரிய சூப்பர் பைக்குகளுக்கு உரிய வடிவமைபபை கொண்டுள்ளது.  இதன் கம்பீரமான பெட்ரோல் டேங்க், ஸ்பிளிட் சீட் அமைப்பு என  இதன் தோற்றம் கிட்டத்தட்ட ஒரு ஸ்போர்ட்ஸ் பைக் தோற்றத்தில் இருக்கும்.

இதையும் படிக்க : அதிகரிக்கும் கோடை வெப்பம்? ரூ.10 லட்சத்துக்குள் கிளைமேட் கண்டரோல் வசதியுடைய கார்கள் – டாப் 5 இதோ!

என்ஜின் மற்றும் செயல்திறன்

ஹோண்டா எஸ்பி 125 பைக்கில் 123.94cc என்ஜின் பொருத்தப்பட்டுள்ளது. இது 10.72 bhp பவரையும், 10.9 Nm டார்க்கையும் கொண்டுள்ளது. இந்தப் பைக் வெறும்  பற்றியது மட்டுமல்ல. இதன் மிக முக்கியமான சிறப்பம் ஹோண்டா என்ஜினின் அந்த நேர்த்தியான செயல்பாடு, குறிப்பாக போக்குவரத்து நெரிசலில் பயணிக்கும்போது, ​​இது பெரிதும் கைகொடுக்கும்.

இதற்கு நேர்மாறாக, Pulsar 125 இன்னும் அதிக ஆற்றல் வாய்ந்ததாக உள்ளது; இது 11.8 PS பவரை வழங்குகிறது. இதன் மூலம் இப்பிரிவிலேயே மிகவும் சக்திவாய்ந்த பைக்குகளில் ஒன்றாக இது திகழ்கிறது. இந்தப் பைக் ஓட்டுவதற்கு இன்னும் விரைவானதாகவும், துரிதமாகச் செயல்படக்கூடியதாகவும்  அறியப்படுகிறது. அதாவது, நீங்கள் ‘க்சிலரேட்டரை முறுக்கும்போது என்ஜின் விரைவாக செயல்படும்.

மைலேஜ்

தினசரி அலுவலகப் பயணத்தைப் பொறுத்தவரை, மைலேஜ் என்பது மிக முக்கியமான ஒன்றாகும்; இந்த விஷயத்தில் ஹோண்டா எஸ்பி 125 மிகச்சிறந்த செயல்திறனை வெளிப்படுத்துகிறது. இது ஒரு லிட்டருக்கு சுமார் 60 முதல் 65 கி.மீ மைலேஜ் தருகிறது. இது 125சிசி  பைக் பிரிவில் மிகவும் எரிபொருள் சிக்கனமான பைக்குகளில் ஒன்றாக விளங்குகிறது. அதே நேரம் பல்சர் 125சிசி பைக் மைலேஜ் விஷயத்தில்  செயல்திறனுக்கு அதிக முக்கியத்துவம் கொடுப்பதால், எரிபொருள் சிக்கனம் சற்றுக் குறைவாக உள்ளது. ஹோண்டா SP 125-ன் மற்றொரு நன்மை அதன் சுமார் 116 முதல் 117 கிலோ எடை ஆகும், இது போக்குவரத்து நெரிசலில் எளிதாகக் கையாள உதவுகிறது. அதே நேரம் 140 கிலோவுக்கு மேல் எடையுள்ள பல்சர் குறுகிய வழிகளில் செல்லும் சற்று சிரமமாக இருக்கும்.

இதையும் படிக்க : 70 கி.மீ மைலேஜ்… ரூ.70,000க்கும் குறைவான விலையில் 4 சூப்பர் பைக்குகள் இதோ

ஹோண்டா நிறுவனம் எஸ்பி 125 பைக்கில் முழுமையான டிஜிட்டல் கன்சோல், சத்தமில்லாத ஏசிஜி ஸ்டார்ட், யுஎஸ்பி-சி சார்ஜிங் மற்றும் சைடு ஸ்டாண்ட் கட்-ஆஃப் சுவிட்ச் போன்ற சிறப்பம்சங்களுடன் வழங்கியுள்ளது. இது தினசரி பயணத்தை சிரமமின்றி மேற்கொள்ளும் வகையில் வடிவமைக்கப்பட்டுள்ளது. பல்சர் 125 பைக்கில்புளூடூத் இணைப்பு, LED விளக்குகள், பேக் லைட் சுவிட்சுகள் மற்றும் ஸ்போர்ட்டியான இன்ஸ்ட்ரூமென்டேஷன் போன்ற அம்சங்களுடன் ஒரு படி மேலே செல்கிறது.

பாதுகாப்பு அம்சங்கள் மற்றும் விலை

இரண்டு பைக்குகளிலும் காம்பி பிரேக்கிங் சிஸ்டம் (CBS) மற்றும் முன்பக்க டிஸ்க் பிரேக் தேர்வு ஆகியவை உள்ளன. ஹோண்டா எஸ்பி 125 பிரேக்கிங் திறனுக்கு முன்னுரிமை அளிக்கிறது, அதேசமயம் பல்சர் அதன் அகலமான டயர்கள் மற்றும் உறுதியான சஸ்பென்ஷன் அமைப்பு காரணமாக மிகவும் நிலையான ஓட்டுநர் அனுபவத்தை வழங்குகிறது. ஹோண்டா எஸ்பி 125ன் எக்ஸ் ஷோரூம் விலை ரூ.87,878 , பஜாஜ் பல்சர் 125 பைக்கின்  எக்ஸ் ஷோரூம் விலை  ரூ. 90,028 ஆகவும் உள்ளது. விலையில் உள்ள வித்தியாசம் மிகக் குறைவு, ஆனால் அவற்றின் செயல்பாடுகளில் குறிப்பிடத்தக்க வேறுபாடு உள்ளது.