விநாயகர் சதுர்த்தி விடுமுறை.. சிறப்பு பேருந்துகள் இயக்கம்.. எங்கெல்லாம் தெரியுமா?
Ganesh Chaturthi Special Buses : விநாயகர் சதுர்த்தி கொண்டாட்டத்தையொட்டி, சென்னையில் இருந்து பல்வேறு மாவட்டங்களுக்கு தமிழக போக்குவரத்து கழகம் சிறப்பு பேருந்துகள் இயக்கப்படுகிறது. 2025 ஆகஸ்ட் 26ஆம் தேதி முதல் 31ஆம் தேதி வரை 3,519 சிறப்பு பேருந்துகள் இயக்கப்பட உள்ளதாக அறிவிக்கப்பட்டுள்ளது.
சென்னை, ஆகஸ்ட் 26 : விநாயகர் சதுர்த்தி விடுமுறை (Ganesh Chaturthi), வார இறுதி நாட்கள், முகூர்த்த நாளையொட்டி (TNSTC Special Buses) தமிழக போக்குவரத்து கழகம் சார்பில் சென்னையில் 2025 ஆகஸ்ட் 26ஆம் தேதியான இன்று முதல் சிறப்பு பேருந்துகள் இயக்கப்பட உள்ளது. 2025 ஆகஸ்ட் 26ஆம் தேதி முதல் 31ஆம் தேதி வரை 3,519 சிறப்பு பேருந்துகள் இயக்கப்படுவதாக போக்குவரத்து கழகம் அறிவித்துள்ளது. இதன் மூலம் பயணிகள் கூட்ட நெரிசலின்றி பயணிக்க முடியும். தமிழகத்தில் பெரும்பாலானோர் பேருந்துகளை பயன்படுத்தி வருகின்றனர். வெளியூர் செல்வதற்காக ரயில்களை காட்டிலும் பேருந்துகளை மக்கள் பயன்படுத்தி வருகின்றனர். இதனால், பேருந்துகளின் எப்போதுமே கூட்டம் அதிமாகவே இருக்கும். குறிப்பாக, வார இறுதி நாட்கள், பண்டிகை காலங்களில் பேருந்துகளில் மக்கள் கூட்டம் அலைமோதும்.
இதனால், தமிழக போக்குவரத்து கழகம் சார்பில் சிறப்பு பேருந்துகள் இயக்கப்பட்டு வருகிறது. அந்த வகையில், 2025 ஆகஸ்ட் 27ஆம் தேதி(நாளை) விநாயகர் சதுர்த்தி கொண்டாடப்படுகிறது. அதோடு, முகூர்த்த நாள் மற்றும் வார இறுதி விடுமுறையும் வருகிறது. இதனையொட்டி, மக்கள் அதிக அளவில் சொந்த ஊர்களுக்கு பயணம் மேற்கொள்வார்கள். இதனை கருத்தில் கொண்டு போக்குவரத்து கழகம் சார்பில் சிறப்பு பேருந்துகள் அறிவிக்கப்பட்டுள்ளது. 2025 ஆகஸ்ட் 26ஆம் தேதி முதல் 31ஆம் தேதி வரை 3,519 சிறப்பு பேருந்துகள் இயக்கப்படுவதாக போக்குவரத்து கழகம் அறிவித்துள்ளது.
Also Read : மும்பையில் விநாயகரச் சதுர்த்தி கொண்டாட்டம்…ரூ.474 கோடிக்கு இன்சூரன்ஸ் பாதுகாப்பு
சிறப்பு பேருந்துகள் இயக்கம்
தொடர் விடுமுறை, முகூர்த்தம், விநாயக சதுர்த்தி மற்றும் வார இறுதி நாட்களை முன்னிட்டு தமிழ்நாடு அரசு போக்குவரத்துக் கழகங்கள் மூலம் சிறப்பு பேருந்துகள் இயக்கம். -அரசு விரைவுப் போக்குவரத்துக் கழக மேலாண் இயக்குநர் அவர்களின் தகவல்.#ArasuBus | #TamilNadu | #TransportDepartment |… pic.twitter.com/7PFw9k0LFh
— ArasuBus (@arasubus) August 25, 2025
அதன்படி, சென்னை கிளாம்பாக்கம் பேருந்து நிலையத்தில் இருந்து திருவண்ணாமலை, திருச்சி, கும்பகோணம், மதுரை, திருநெல்வேலி, தூத்துக்குடி, கும்பகோணம், கன்னியாகுமரி, சேலம், ஈரோடு, திருப்பூர் ஆகிய இடங்களுக்கு 2025 ஆகஸ்ட் 26ஆம் தேதி 675 பேருந்துகளும், ஆகஸ்ட் 28ஆம் தேதி 610 பேருந்துகளும், 2025 ஆகஸ்ட் 29ஆம் தேதி 405 பேருந்துகளும், ஆகஸ்ட் 30ஆம் தேதி 380 பேருந்துகளும், 2025 ஆகஸ்ட் 31ஆம் தேதி 875 பேருந்துகளும் இயக்கப்பட உள்ளது.
கோயம்பேட்டில் இருந்து திருவண்ணாமலை, நாகை, வேளாங்கண்ணி, ஓசூர், பெங்களூரு ஆகிய இடங்களுக்கு 2025 ஆகஸ்ட் 26ஆம் தேதி 110 பேருந்துகளும், 2025 ஆகஸ்ட் 28,29ஆம் தேதிகளில் 90 பேருந்துகளும் இயக்கப்பட உள்ளது. மாதாவரம் பேருந்து முனையத்தில் இருந்து ஆகஸ்ட் 26,28,29ஆம் தேதிகிள்ல 24 சிறப்பு பேருந்துகள் இயக்கப்பட உள்ளது.
Also Read : தடைகளை நீக்கும் ஈச்சனாரி விநாயகர் கோயில்.. மிஸ் பண்ணாதீங்க
மேலும், பெங்களூரு, திருப்பூர், ஈரோடு, கோவை ஆகிய இடங்களில் இருந்து பல்வேறு இடங்களுக்கு 350 பேருந்துகளும் இயக்கப்பட உ ள்ளது. அதோடு, ஞாயிறு அன்று சொந்த ஊர்களில் இருந்து சென்னை மற்றும் பெங்களூரு திரும்ப வசதியாக அனைத்து இடங்களில் இருந்து சிறப்பு பேருந்துகள் இயக்கப்படும் என அறிவிக்கப்பட்டுள்ளது.
