கலைஞர் மகளிர் உரிமை தொகை: விண்ணப்பிக்க யாரெல்லாம் தகுதி உடையவர்கள்..?
Kalaignar Women's Welfare Scheme: தமிழக அரசின் கலைஞர் மகளிர் உரிமைத் தொகை திட்டத்தின் புதிய விவரங்கள் வெளியாகியுள்ளன. ரூ.1000 மாதாந்திர உதவித்தொகை பெற குடும்பத்தலைவியாக இருப்பது அவசியம். ரூ.2.5 லட்சத்திற்கு மேல் வருமானம் உள்ளோர் தகுதி இல்லை என சில நிபந்தனைகள் விதிக்கப்பட்டுள்ளது.
தமிழ்நாடு ஜூன் 02: தமிழகத்தின் மகளிர் உரிமை தொகைக்கு குடும்பத்தலைவியாக இருப்பது முக்கிய நிபந்தனையாக உள்ளது. வருமான வரி கட்டும் மற்றும் ரூ.2.5 லட்சத்திற்கு மேல் வருட வருமானம் உள்ளவர்கள் தகுதி பெற முடியாது. வங்கி கணக்கு, ஆதார், மொபைல் இணைப்பு அவசியம். ஒரே வீட்டில் ஒரு பெண்ணுக்கே உதவித் தொகை வழங்கப்படும். அரசு ஊழியர் அல்லாத கணவர்களின் மனைவிகள், விவாகரத்து பெற்று தனி ரேஷன் கார்டு வைத்துள்ள பெண்கள் தகுதி பெறலாம். 2025 ஜூலை மாதம் திட்டம் விரிவாக்கப்படும் போது கூடுதல் தளர்வுகள் வரக்கூடும் என எதிர்பார்க்கப்படுகிறது.
கலைஞர் மகளிர் உரிமை தொகை
தமிழக அரசு வழங்கி வரும் “கலைஞர் மகளிர் உரிமை தொகை” ரூ.1000 மாதாந்திர உதவித்தொகை பெறுவதற்கான தகுதி மற்றும் தேவையான நிபந்தனைகள் குறித்து புதிய விளக்கங்கள் வெளியாகியுள்ளன. இந்தத் தொகையை பெற விண்ணப்பிப்பவர்கள் பின்வரும் முக்கிய அம்சங்களை கவனிக்க வேண்டும்:
யாரெல்லாம் தகுதி உடையவர்கள்..?
- விநியோகப்பட்டியலில் (ரேஷன் கார்டு) “தலைவி” என பெயர் பதிவு செய்யப்பட்டவர்களின் மனைவிகள், அல்லது கணவரில்லாத வீட்டில் மூத்த பெண் இந்தத் தொகைக்கு தகுதியானவர் எனத் திட்டம் கூறுகிறது. பெண்கள் மட்டுமே உள்ள குடும்பங்களில் முதிய பெண் பணம் பெறலாம்.
- வங்கி கணக்கு ஆதார் கார்டுடன் இணைந்திருக்க வேண்டும். மேலும், அந்த ஆதார் பான் எண்ணுடன் இணைக்கப்பட்டு இருக்க வேண்டும் என்பது அவசியமாக்கப்பட்டுள்ளது.
- வருமான வரி கட்டும் நிலைக்கு உட்பட்டவர்கள், வருடாந்தம் ரூ.2.5 லட்சத்திற்கு மேல் வருமானம் உள்ளவர்கள் இந்தத் திட்டத்திற்கு தகுதியில்லை. மேலும், ஒரே குடும்பத்தில் ஒரு பெண்ணுக்கு மட்டுமே இந்த உதவித்தொகை வழங்கப்படும். இரண்டாவது பெண் தனி ரேஷன் கார்டு வைத்திருந்தாலும் ஒரே வீட்டு முகவரியாக இருந்தால் தொகை வழங்கப்படாது.
- இதேபோல், அரசு ஓய்வூதியம் பெறுபவர்கள் மற்றும் அரசின் வேறு நிதி உதவிகளைப் பெறுபவர்களும் இந்தத் தொகைக்குத் தகுதியற்றவர்களாக மதிக்கப்படுவார்கள். ஆனால் அரசு ஊழியர் அல்லாத கணவர்களின் மனைவிகள், புதிதாக திருமணம் செய்து ரேஷன் கார்டு பெற்ற பெண்கள் இந்தத் திட்டத்திற்கு தகுதியுடையவர்களாக கருதப்படுகிறார்கள்.
தற்போதுள்ள விதிகள் படி, குடும்பத் தலைவி அல்லாதவர்களுக்கும் சில சந்தர்ப்பங்களில் உதவித்தொகை வழங்கப்படுகிறது. உதாரணமாக, ஒரு வீட்டில் தாய் இல்லாமல், திருமணம் ஆகாத மகள்கள் மட்டும் இருந்தால், 21 வயதைக் கடந்த முதல்வர் மகளுக்கு தொகை வழங்கப்படும்.
கலைஞர் மகளிர் உரிமைத் திட்டம்
*🔴கலைஞர் மகளிர் உரிமைத் திட்ட விண்ணப்பம் நிராகரித்தால்*
*🔴 மேல்முறையீடு செய்வது எப்படி Kalaignar Urimai Thittam* https://t.co/PmGpLWxmTL
— admin media (@adminmedia1) May 31, 2025
துணை வாய்ப்புகள் மற்றும் மாற்றங்கள்
தகுதியில்லையென நிராகரிக்கப்பட்ட விண்ணப்பங்கள் மீண்டும் பரிசீலிக்கப்படும் என்றும், தகுதி உள்ளவர்கள் பெறும் வாய்ப்பு தொடரும் என்றும் தமிழக அரசு தெரிவித்துள்ளது. விவாகரத்து பெற்றவர்களும் தனி ரேஷன் கார்டு வைத்திருக்கும் பட்சத்தில் இந்தத் தொகைக்கு தகுதியுள்ளவர்களாக இருக்கலாம்.
கட்டுப்பாடுகளில் தளர்வு ஏற்படலாம்
மேலும், ஜூலை மாதம் திட்ட விரிவாக்கம் செய்யப்பட்ட பின் புதிய பயனாளிகள் சேர்க்கப்படும் போது, தற்போதுள்ள கட்டுப்பாடுகளில் தளர்வு ஏற்படலாம் என எதிர்பார்க்கப்படுகிறது. எதிர்வரும் சட்டசபைத் தேர்தலை முன்னிட்டு முக்கியமான தளர்வுகள் கொண்டு வரப்படும் என அரசியல் வட்டாரங்களில் கூறப்படுகிறது. இதனால் கடந்த முறை ஆவணக் குறைவால் உதவித்தொகை பெற முடியாதவர்களுக்கும் இனி வாய்ப்பு கிடைக்கும் என எதிர்பார்க்கப்படுகிறது.
