தமிழகத்தில் இடியுடன் மழை பெய்ய வாய்ப்பு.. எத்தனை நாட்கள் தெரியுமா?
Tamil Nadu Weather Forecast:தமிழகத்தில் 2025 ஜூன் 1 முதல் 7 வரை இடியுடன் கூடிய மழை பெய்ய வாய்ப்புள்ளது. சென்னையில் லேசான மழை மற்றும் மேகமூட்டம் இருக்கும். வேலூரில் அதிகபட்ச வெப்பம் 37.7°C பதிவாகியுள்ளது. கடலோர மீனவர்களுக்கு 2025 ஜூன் 1-5 வரை சூறாவளி எச்சரிக்கை விடப்பட்டுள்ளது.
சென்னை ஜூன் 01: தமிழகத்தில் (Tamilnadu Weather Update) சில இடங்களில் மழை பெய்தது; திருநெல்வேலி நாலுமுக்கில் அதிகபட்சமாக 2 செ.மீ. மழை பதிவானது. புதுச்சேரி, காரைக்கால் பகுதியில் வறண்ட வானிலை நிலவியது. வேலூரில் 37.7°C ஆக அதிகபட்ச வெப்பம் பதிவானது. 2025 ஜூன் 1-7 வரை தமிழகம், புதுச்சேரியில் இடியுடன் மழை பெய்ய வாய்ப்பு உள்ளது. சென்னையில் மேகமூட்டம் மற்றும் லேசான மழைக்கு வாய்ப்புள்ளது; வெப்பநிலை 37-38°C ஆக இருக்கலாம். 2025 ஜூன் 1-5 வரை கடலோரங்களில் சூறாவளிக்காற்று வீசுவதால் மீனவர்கள் கடலுக்குச் செல்ல வேண்டாம் (Warning of Fisherman) என எச்சரிக்கை விடுக்கப்பட்டுள்ளது.
பதிவான மழை அளவுகள்:
தமிழகம் மற்றும் அதன் அண்டைப்பகுதிகளில் கடந்த 24 மணி நேரத்தில் சில இடங்களில் மழை பதிவாகியிருக்கிறது. புதுச்சேரி மற்றும் காரைக்கால் பகுதிகளில் வறண்ட வானிலை நிலவியது.
திருநெல்வேலியின் நாலுமுக்கு பகுதியில் 2 செ.மீ மழை பதிவாகியுள்ளது. நெய்யூர் (கன்னியாகுமரி), ஊத்து மற்றும் மணிமுத்தாறு (திருநெல்வேலி), சின்னக்கல்லார் மற்றும் வால்பாறை PTO (கோயம்புத்தூர்) ஆகிய இடங்களில் தலா 1 செ.மீ மழை பதிவாகியுள்ளன.
வெப்பநிலை விவரம்:
வெப்பம் அதிகமாக பதிவானது வேலூரில் 37.7° செல்சியசாகும். சமவெளிப் பகுதிகளில் குறைந்தபட்சமாக கரூர் பரமத்தியில் 22.0° செல்சியசாக பதிவானது.
அடுத்த 7 நாட்களுக்கு வானிலை முன்னறிவிப்பு:
மேற்கு திசையிலிருந்து வீசும் காற்றின் வேக மாற்றத்தால், வரும் நாட்களில் தமிழகம், புதுச்சேரி மற்றும் காரைக்கால் பகுதிகளில் இடியுடன் கூடிய லேசான முதல் மிதமான மழை பெய்யக்கூடும்.
01 மற்றும் 02 ஜூன் 2025: சில இடங்களில் இடியுடன் மழை வாய்ப்பு.
03 முதல் 07 ஜூன் 2025 வரை: தொடர்ச்சியாக சில இடங்களில் லேசான முதல் மிதமான மழை ஏற்படக்கூடும்.
சென்னை மற்றும் புறநகர் பகுதிகளுக்கான வானிலை:
01-06-2025: வானம் ஓரளவு மேகமூட்டத்துடன் காணப்படும். நகரின் சில பகுதிகளில் லேசான மழை பெய்யக்கூடும். அதிகபட்ச வெப்பநிலை 37-38°C, குறைந்தபட்சம் 28-29°C வரை இருக்கலாம்.
02-06-2025: இதேபோன்று வானம் மேகமூட்டத்துடன் காணப்படும். சில இடங்களில் லேசான மழை வாய்ப்பு உள்ளது.
தமிழகத்தில் இடியுடன் மழை பெய்ய வாய்ப்பு
தமிழகம், புதுவை மற்றும் காரைக்கால் பகுதிகளுக்கான
தினசரி வானிலை அறிக்கை pic.twitter.com/3qXulFWXyJ— IMD-Tamilnadu Weather (@ChennaiRmc) June 1, 2025
மீனவர்களுக்கான முக்கிய எச்சரிக்கை:
தமிழக கடலோரம், மன்னார் வளைகுடா மற்றும் குமரிக்கடல்:
ஜூன் 1 முதல் 5 வரை சூறாவளிக்காற்று மணிக்கு 40-50 கிமீ வேகத்திலும், இடையே 60 கிமீ வரை வீசும். மீனவர்கள் கடலுக்கு செல்ல வேண்டாம் என அறிவுறுத்தப்படுகிறது.
வங்கக்கடல் பகுதிகள்:
01 ஜூன்: மத்திய-தெற்கு வங்கக்கடல் மற்றும் வடகிழக்கு வங்கக்கடலில் சூறாவளிக்காற்று.
02-05 ஜூன்: மத்திய மற்றும் அதனை ஒட்டிய பகுதிகளில் தொடர்ந்து சூறாவளிக்காற்று வீசக்கூடும்.
அரபிக்கடல் பகுதிகள்:
01-05 ஜூன்: தென்மேற்கு மற்றும் மத்தியமேற்கு அரபிக்கடல், வடகிழக்கு பகுதிகளில் மணிக்கு 45-55 கிமீ வேகத்திலும், இடையிடையே 65 கிமீ வேகத்திலும் சூறாவளிக்காற்று வீசும். இதனால், தமிழக, கேரளா, கர்நாடகா கடலோர மீனவர்களுக்கு கடலில் செல்ல வேண்டாம் என எச்சரிக்கை வழங்கப்படுகிறது.
