AQI
TV9 NETWORK LOGO
Default Image
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Latest Newsதமிழ்நாடுகிரிக்கெட்பொழுதுபோக்குவெப் ஸ்டோரிஸ்லைஃப்ஸ்டைல்வணிகம்டெக்னாலஜிஇந்தியாஆன்மீகம்உலகம்ஹெஃல்த்வைரல்போட்டோ கேலரி

“ராமேஸ்வரம் அருகே வீட்டிலேயே நடந்த பிரசவம்!”.. குழந்தை உயிரிழப்பு; தந்தை மற்றும் தாத்தா கைது!!

Newborn Dies After Home Delivery Near Rameswaram: ராமேஸ்வரம் அருகே தம்பை கிராமத்தில் வீட்டிலேயே பிரசவம் பார்க்கப்பட்ட நிலையில் குழந்தை உயிரிழந்த சம்பவம் பெரும் பரபரப்பை ஏற்படுத்தியுள்ளது. மருத்துவமனைக்கு அழைத்துச் செல்லப்பட்ட தாயிடம் மருத்துவர்கள் விசாரித்ததைத் தொடர்ந்து, குழந்தையின் தந்தை நாகபாண்டி மற்றும் தாத்தா கிருஷ்ணன் ஆகியோரை போலீசார் கைது செய்து விசாரித்து வருகின்றனர்.

“ராமேஸ்வரம் அருகே வீட்டிலேயே நடந்த பிரசவம்!”.. குழந்தை உயிரிழப்பு; தந்தை மற்றும் தாத்தா கைது!!
கைதான கணவர்
Esakkiraja Selvarathinam
Esakkiraja Selvarathinam | Updated On: 19 Nov 2026 13:03 PM IST

ராமநாதபுரம், நவ.19: பாதுகாப்பான மருத்துவ வசதிகள் இருந்தபோதிலும், சில இடங்களில் முறையான மருத்துவக் கண்காணிப்பின்றி வீட்டிலேயே பிரசவம் பார்க்கப்படும் சம்பவங்கள் உயிருக்கு ஆபத்தான விளைவுகளையும் சட்டச் சிக்கல்களையும் உருவாக்கி வருகின்றன. அந்த வகையில், ராமேஸ்வரம் அடுத்துள்ள தம்பை கிராமத்தைச் சேர்ந்த கர்ப்பிணிப் பெண்ணிற்கு நேற்றிரவு வீட்டிலேயே பிரசவம் பார்க்கப்பட்ட நிலையில், குழந்தை உயிரிழந்த சம்பவம் அப்பகுதியில் பெரும் பரபரப்பையும் அதிர்ச்சியையும் ஏற்படுத்தியுள்ளது. தம்பை கிராமத்தைச் சேர்ந்த நாகபாண்டியின் மனைவி யோகநந்தினி கர்ப்பமாக இருந்த நிலையில், வீட்டிலேயே பிரசவம் பார்க்கப்பட்டபோது குழந்தை இறந்த நிலையில் பிறந்ததாகத் தெரிவிக்கப்படுகிறது.

இதையும் படிக்க: மதுரை நகைக்கடை கொள்ளை வழக்கு.. வெளிவராத பல ரகசியங்கள்.. நிஷாந்தை 5 நாள் காவலில் எடுத்து விசாரிக்க காவல்துறை மனு தாக்கல்!

மருத்துவமனையில் வெளிப்பட்ட தகவல்:

குழந்தை இறந்த நிலையில் பிறந்ததைத் தொடர்ந்து, அந்தக் குழந்தையை நாகபாண்டி வீட்டிற்கு அருகிலுள்ள மண்ணில் புதைத்ததாகக் கூறப்படுகிறது. அதன் பின்னர், சிகிச்சைக்காக யோகநந்தினியை ராமேஸ்வரம் அரசு மருத்துவமனைக்கு அழைத்துச் சென்றுள்ளனர். அங்கு அவரைப் பரிசோதித்த மருத்துவர்கள் பிரசவம் நடந்ததைக் கண்டறிந்த நிலையில், யோகநந்தினி தனது குழந்தை எங்கே என்று கேட்டுள்ளார். முதலில் குழந்தை பிறக்கவில்லை என்று கூறிய நிலையில், மருத்துவர்கள் பின்னர் பிரசவம் நடந்திருப்பதை உறுதி செய்து குழந்தையைக் கொண்டு வருமாறு தெரிவித்துள்ளனர்.

பாதிக்கப்பட்ட பெண்ணின் வாக்குமூலம்:

மருத்துவர்களின் அறிவுறுத்தலைத் தொடர்ந்து, வீட்டில் மண்ணில் புதைத்து வைக்கப்பட்டிருந்ததாகக் கூறப்படும் குழந்தை ராமேஸ்வரம் அரசு மருத்துவமனைக்குக் கொண்டு வரப்பட்டது. அதனைப் பரிசோதித்த மருத்துவர்கள் குழந்தை ஏற்கனவே உயிரிழந்திருப்பதை உறுதி செய்ததுடன், இது குறித்து உடனடியாகக் காவல்துறையினருக்குத் தகவல் தெரிவித்துள்ளனர். இதற்கிடையில், பிரசவத்தின் போது ஏற்பட்ட நிகழ்வுகள், ரத்தப்போக்கு, நாத்தனார் மற்றும் மாமனாரின் நடவடிக்கைகள் குறித்து யோகநந்தினி பல்வேறு விவரங்களைத் தெரிவித்துள்ளார்.

இதையும் படிக்க: இனி காவல் நிலையங்களுக்கு அலைய வேண்டியதில்லை.. “மொபைலில் புகார்.. உடனே e-CSR எண்!”.. டிஜிபி வெளியிட்ட அறிவிப்பு!

இருவர் கைது, காவல்துறையின் விசாரணை:

மருத்துவர்கள் அளித்த தகவலின் அடிப்படையில் விரைந்து செயல்பட்ட காவல்துறையினர், இறந்த குழந்தையின் தந்தை நாகபாண்டி மற்றும் தாத்தா கிருஷ்ணன் ஆகிய இருவரையும் கைது செய்துள்ளனர். முறையான மருத்துவ வசதியின்றி வீட்டிலேயே பிரசவம் பார்க்கப்பட்டது ஏன், குழந்தை பிறந்த சூழல் மற்றும் அதனைத் தொடர்ந்து நடந்த நிகழ்வுகள் குறித்துக் கைது செய்யப்பட்ட இருவரிடமும் போலீசார் தீவிர விசாரணை மேற்கொண்டு வருகின்றனர். ராமேஸ்வரம் பகுதியில் நிகழ்ந்த இந்தச் சம்பவம் தொடர்பான முழுமையான விவரங்கள் விசாரணையில் வெளிவரும் என எதிர்பார்க்கப்படுகிறது.

Follow Us