L.K சுதீஷ் – பழனிசாமி சந்திப்பு: தேமுதிகவிற்கு ஒரு இடம் உறுதி?

சென்னை மே 31: தமிழக மாநிலங்களவை தேர்தல் 2025 ஜூன் 19-ம் தேதி நடைபெற உள்ளது. திராவிட முன்னேற்ற கழகம் 4 இடங்கள் கிடைக்கும் நிலையில், 3 பேர் அறிவிக்கப்பட்டு, ஒரு இடம் மக்கள் நீதி மய்யத்திற்கு ஒதுக்கப்பட்டுள்ளது. அண்ணா திராவிட முன்னேற்ற கழகத்துக்கு 2 இடங்கள் வாய்ப்பு இருந்தாலும், வேட்பாளர் பட்டியல் இதுவரை வெளியாகவில்லை. தேசிய முற்போக்கு திராவிட முன்னேற்ற கழகம், பாட்டாளி மக்கள் கட்சி ஆகியவை ஒரு இடம் கேட்டும் அதிமுக மவுனம் காத்துவருகிறது. 2025 மே 30-ம் தேதி எடப்பாடி பழனிசாமியை தேமுதிக பொருளாளர் சுதீஷ் சந்தித்து பேசினார். இதன்பேரில், தேமுதிகவிற்கு ஒரு இடம், வழங்க அதிமுக முடிவெடுத்துள்ளதாக தகவல் வெளியாகியுள்ளது.

மாநிலங்களவை தேர்தல் ஜூன் 19: தமிழகத்தில் 6 இடங்களுக்கு போட்டி

இந்திய தேர்தல் ஆணையம் அறிவித்துள்ளதின்படி, தமிழ்நாட்டைச் சேர்ந்த 6 மாநிலங்களவை எம்.பி.க்களின் பதவிக்காலம் ஜூலை மாதத்தில் முடிவடைகிறது. இதையடுத்து அந்த 6 இடங்களுக்கு 2025 ஜூன் 19-ஆம் தேதி தேர்தல் நடைபெற உள்ளது. போட்டியிடும் ஒரு வேட்பாளர் வெற்றி பெற 34 எம்.எல்.ஏ.க்களின் ஆதரவு தேவைப்படுகிறது.

இதையும் படியுங்கள்

நீலகிரி டூ நெல்லை.. பிச்சு உதறபோகும் கனமழை.. சென்னையில் எப்படி? வானிலை அப்டேட்

Face mask mandate Tamil Nadu: நாளுக்கு நாள் அதிகரிக்கும் கொரோனா தொற்று.. மாஸ்க் அணிய தமிழ்நாடு சுகாதாரத்துறை அறிவுறுத்தல்..!

அரசு பள்ளி மற்றும் கல்லூரி மாணவர்களுக்கு பஸ் பாஸ் அட்டை குறித்து முக்கிய அறிவிப்பு!

வைகாசி விசாகத் திருவிழா: தூத்துக்குடி மாவட்டத்திற்கு ஜூன் 9ஆம் தேதி உள்ளூர் விடுமுறை அறிவிப்பு

திமுக வேட்பாளர்கள் அறிவிப்பு – மக்கள் நீதி மய்யத்திற்கு ஒரு இடம் ஒதுக்கீடு

திமுகவின் எம்எல்‌ஏ எண்ணிக்கை அடிப்படையில் அந்த கட்சிக்கு 4 இடங்கள் கிடைக்கும் வாய்ப்பு உள்ளது. இதில் திமுக சார்பில் வில்சன், கவிஞர் சல்மா மற்றும் சிவலிங்கம் ஆகிய மூவரும் மாநிலங்களவை வேட்பாளர்களாக அறிவிக்கப்பட்டுள்ளனர். மீதமுள்ள ஒரு இடத்தை மக்கள் நீதி மய்யத்திற்கு ஒதுக்கியுள்ளதாக திமுக அறிவித்துள்ளது. இதில் கட்சித் தலைவர் கமல்ஹாசன் போட்டியிட உள்ளார்.

அதிமுக ஆலோசனை கூட்டம்

மாண்புமிகு கழகப் பொதுச் செயலாளர், மாண்புமிகு சட்டமன்ற எதிர்க்கட்சித் தலைவர், தமிழ் நாடு முன்னாள் முதலமைச்சர் ‘புரட்சித் தமிழர்’ திரு. எடப்பாடி K. பழனிசாமி அவர்கள் தலைமையில்

திருப்பூர் மாநகர், திருப்பூர் புறநகர் கிழக்கு, திருப்பூர் புறநகர் மேற்கு, கோவை மாநகர், கோவை புறநகர்… pic.twitter.com/eysNzNRzYQ

— AIADMK – -SayYesToWomenSafety&AIADMK (@AIADMKOfficial) May 30, 2025

 அதிமுக – வேட்பாளர் அறிவிப்பு தாமதம்; கூட்டணிக் கட்சிகளின் அழுத்தம்

அதிமுகவிற்கு 2 மாநிலங்களவை இடங்கள் கிடைக்கும் நிலையில், அந்த கட்சி இந்நிலையில் எவரையும் வேட்பாளராக அறிவிக்காமல் காலம் தாழ்த்தி வருகிறது. இதனால் கூட்டணிக் கட்சிகள் ஆகிய தேமுதிக மற்றும் பாமகவின் அழுத்தம் அதிகரித்துள்ளது. வேட்பாளர் தேர்வை மையமாகக் கொண்டு அதிமுக பொதுச் செயலாளர் எடப்பாடி பழனிசாமி கட்சியின் மாவட்ட செயலாளர்கள், பொறுப்பாளர்களுடன் ஆலோசனையில் ஈடுபட்டுள்ளார்.

சுதீஷ் – பழனிசாமி சந்திப்பு: தேமுதிகவிற்கு ஒரு இடம் உறுதி?

2025 மே 30 அன்று இரவு 8.30 மணியளவில், அதிமுக பொதுச்செயலாளர் எடப்பாடி பழனிசாமியின் கிரீன்வேஸ் சாலையில் உள்ள இல்லத்தில் தேமுதிக பொருளாளர் எல்.கே. சுதீஷ் திடீரென சந்திக்க வருகை தந்தார். சுமார் ஒன்றரை மணி நேரம் நீண்ட இந்தச் சந்திப்பின் போது, 2021 சட்டமன்ற தேர்தலில் கொடுக்கப்பட்ட வாக்குறுதியின் அடிப்படையில் தேமுதிகவிற்கு ஒரு மாநிலங்களவை இடம் ஒதுக்கப்படும் என எடப்பாடி பழனிசாமி உறுதியளித்ததாக தகவல் வெளியாகியுள்ளது. இதற்கான அதிகாரப்பூர்வ அறிவிப்பு மே 31 அன்று வெளியிடப்படும் எனவும் கூறப்படுகிறது.

பரமக்குடி முன்னாள் எம்எல்ஏ சதர்ன் பிரபாகருக்கு மற்றொரு இடம்?

அதிமுக சார்பில் மற்றொரு மாநிலங்களவை இடத்திற்கு, 2019 இல் பரமக்குடி தொகுதியில் இடைத்தேர்தலில் போட்டியிட்ட சதர்ன் பிரபாகருக்கு வாய்ப்பு அளிக்கப்பட உள்ளதாகவும் கூறப்படுகிறது. முன்னாள் அமைச்சர்கள் ஜெயக்குமார், செம்மலை, அதிமுக ஐடி அணித் தலைவர் ராஜ் சத்யன் மற்றும் நடிகை விந்தியா ஆகியோர் கடுமையாக முயற்சித்த நிலையில், சதர்ன் பிரபாகருக்கும், தேமுதிகவுக்கும் ஒரு இடம் ஒதுக்கப்பட்டிருப்பதாக தெரிகிறது.

இந்தச் சூழலில், அதிமுக-தேமுதிக கூட்டணி நிலைத்திருக்கும் வகையில் ஏற்பட்ட அரசியல் சமயோசிதமான நகர்வுகள், எதிர்காலத்தில் அரசியல் நிலைமைக்கு முக்கியமான பாதிப்பை ஏற்படுத்தக்கூடியதாக இருக்கலாம்.