நாமக்கல்: கெட்டுப்போன கேக் விற்பனை: பெண் வாடிக்கையாளர் செய்த செயல்…

கெட்டுப்போன கேக் விற்பனை:

நாமக்கல் ஜூன் 20: நாமக்கல் மாவட்டம் (Namakkal) புதுச்சத்திரம் அருகே உள்ள பேக்கரியில் கெட்டுப்போன கேக் விற்பனை (Selling spoiled cake at the bakery) செய்ததாக வீடியோ சமூக வலைதளங்களில் வைரலானது. ஒரு பெண் வாடிக்கையாளர் கேக்கை ஓனருக்கு ஊட்ட முயற்சிக்கும் காட்சி பரவியது. இதையடுத்து உணவு பாதுகாப்பு அலுவலர்கள் (Food Safety Officers) பேக்கரியில் ஆய்வு நடத்தினர். அதில் தடைசெய்யப்பட்ட பிளாஸ்டிக் மற்றும் தேதியில்லா உணவுப் பொருட்கள் கண்டுபிடிக்கப்பட்டன. பேக்கரிக்கு ரூ.4,000 அபராதம் விதிக்கப்பட்டது. வீடியோ 6 மாத பழையதென தெரியவந்த நிலையில், மேலதிக விசாரணை நடைபெற்று வருகிறது.

கெட்டுப்போன கேக் விற்பனை: வைரல் வீடியோ

நாமக்கல் மாவட்டம் புதுச்சத்திரம் அருகே உள்ள பாச்சல் பஸ் நிலையத்தில் இயங்கி வரும் பேக்கரி ஒன்றில் கெட்டுப்போன கேக் விற்பனை செய்ததாக சமூக வலைதளங்களில் வீடியோ ஒன்று பரவியதைத் தொடர்ந்து, விவகாரம் பெரிதாகியுள்ளது. அந்த வீடியோவில், ஒரு பெண் வாடிக்கையாளர், “கெட்டுப் போன கேக் எதற்காக விற்பனை செய்கிறீர்கள்?” என்று கேட்டதுடன், பேக்கரியின் உரிமையாளர் மனைவி தனலட்சுமிக்கு அதே கேக்கை ஊட்ட முற்பட்ட காட்சியும் இடம்பெற்றது.

பேக்கரி கடையில் நேரில் ஆய்வு

வீடியோ பரவியதையடுத்து, நாமக்கல் மற்றும் புதுச்சத்திரம் வட்டார உணவு பாதுகாப்பு அலுவலர் ரமேஷ் தலைமையில் அதிகாரிகள் அங்கு சென்றடைந்து பேக்கரி கடையில் நேரில் ஆய்வு மேற்கொண்டனர். இதன் மூலம் உணவுப் பொருட்களின் தரம், பாதுகாப்பு விதிகள் மீறப்பட்டுள்ளதா என்பதற்கான தொடக்கவட்ட விசாரணை ஆரம்பிக்கப்பட்டது. இந்த சம்பவம் உணவுப் பாதுகாப்பு குறித்து பொதுமக்கள் விழிப்புணர்வு தேவை என்பதை மீண்டும் உணர்த்தி உள்ளது.

கெட்டுப்போன கேக் விற்ற பேக்கரி

காலாவதி தேதிகளை குறிப்பிடாமல் உணவுப் பொருட்கள் விற்பனை

ஆய்வில், அரசால் தடை செய்யப்பட்ட பிளாஸ்டிக் பொருட்கள் பயன்படுத்தப்பட்டுள்ளதும், தயாரிப்பு மற்றும் காலாவதி தேதிகளை குறிப்பிடாமல் உணவுப் பொருட்கள் விற்பனை செய்யப்பட்டதும் தெரியவந்தது. இதற்காக உரிமையாளருக்கு ரூ.4,000 அபராதம் விதிக்கப்பட்டது.

மேலும் விசாரணையில், குறித்த வீடியோ சுமார் 6 மாதங்களுக்கு முன்பு நடந்த சம்பவம் என்பது உறுதி செய்யப்பட்டது. இந்நிலையில், தற்போது அந்த வீடியோ ஏன் மீண்டும் பரப்பப்படுகிறது? பாதிக்கப்பட்ட பெண் யார்? என்ற கேள்விகளுக்கு பதில் காண, அதிகாரிகள் தீவிர விசாரணை நடத்தி வருகின்றனர்.