திருப்பத்தூரில் எல்இடி டிவி வெடித்து தீ விபத்து – நடந்தது என்ன?

LED TV Explosion: திருப்பத்தூர் அருகே ஒரு வீட்டில் டிவி வெடித்து தீவிபத்து ஏற்பட்டது. மின் கசிவால் ஏற்பட்ட தீயில் ரூ.3 லட்சம் மதிப்பிலான பொருட்கள் எரிந்தன. அரசு இழப்பீடு வழங்க வேண்டும் என பாதிக்கப்பட்டவர் கோரிக்கை வைத்துள்ளார். தீ விபத்து ஏற்பட்டால் மின்சாரம் துண்டித்து, 101 என்ற எண்ணுக்கு அழைத்து தீயணைப்பு உதவியை பெற வேண்டும்.

எல்இடி டிவி வெடிப்புImage Source: social media

Sivasankari Bose | Published: 26 Jul 2025 07:21 AM

திருப்பத்தூர் ஜூலை 26: திருப்பத்தூர் (Tirupattur) அருகே சிட்டு (Situ) என்பவர் வீட்டில் எல்இடி டிவி திடீரென வெடித்து தீவிபத்து (LED TV suddenly explodes and causes fire) ஏற்பட்டது. தீயணைப்பு துறை தீயை கட்டுப்படுத்தினாலும், சுமார் ₹3 லட்சம் மதிப்புள்ள பொருட்கள் எரிந்தன. மின் கசிவே டிவி வெடிப்பிற்கான காரணமாக கூறப்படுகிறது. சிட்டு தனிமையாகக் குழந்தைகளை வளர்த்து வருகிறார். மாத தவணையில் வாங்கிய டிவி (TV purchased on monthly installments) வெடித்து, மாற்று துணி கூட இல்லாத நிலை ஏற்பட்டுள்ளது. இழப்பீடு வழங்கி அரசு உதவ வேண்டும் எனக் கோரிக்கை விடுக்கப்பட்டுள்ளது. தீ விபத்து ஏற்பட்டால் அருகிலுள்ள நபர்களை எச்சரித்து, பாதுகாப்பான வழியாக உடனடியாக வெளியேற வேண்டும். மின்சாரம் துண்டித்து, 101 என்ற எண்ணுக்கு அழைத்து தீயணைப்பு உதவியை பெற வேண்டும்.

திருப்பத்தூர் அருகே பரபரப்பு சம்பவம்

சிவகங்கை மாவட்டம் திருப்பத்தூர் அருகேயுள்ள ஒழுகமங்கலம் கிராமத்தில் சிட்டு என்ற பெண் தனது இரண்டு குழந்தைகளுடன் வசித்து வருகிறார். இவர் கணவன் காலமான நிலையில் தனியாக குடும்பத்தை நடத்தி வருகிறார். சில நாட்களுக்கு முன்பு மாத தவணையில் வாங்கப்பட்ட எல்இடி டிவி திடீரென வெடித்து தீவிபத்து ஏற்பட்டது.

மின்கசிவால் ஏற்பட்ட தீ விபத்து

மின் கசிவே டிவி வெடிப்பிற்கு காரணமாக இருக்கலாம் என கூறப்படுகிறது. சம்பவ இடத்துக்கு விரைந்து வந்த தீயணைப்பு துறையினர் தீயை கட்டுப்படுத்தினர். ஆனால், அந்த நேரத்தில் வீட்டில் இருந்த துணிகள், அலமாரி, மற்றும் பிற வீட்டுப் பொருட்கள் உட்பட சுமார் மூன்று லட்சம் ரூபாய் மதிப்புள்ளவை எரிந்து சேதமடைந்தன.

இதையும் படியுங்கள்

பொது இடங்களில் மருத்துவ கழிவுகளை கொட்டினால் இனி குண்டாஸ்… தமிழக அரசு அதிரடி நடவடிக்கை

திருவண்ணாமலையில் நடமாடும் வினோத விலங்கு? இது உண்மையா? தமிழக அரசு விளக்கம்

கிண்டியில் பசுமை பூங்கா அமைக்க தடை.. விரிவான அறிக்கை தாக்கல் செய்ய பசுமை தீர்ப்பாயம் உத்தரவு..

உங்களுடன் ஸ்டாலின் திட்டம் துவக்கம்.. என்னென்ன சேவைக்கு மனு அளிக்கலாம்? முழு விவரம்!

இழப்பீடு கோரி ஆவேசம்

இந்த நிகழ்வால் மாற்று துணி கூட இல்லாமல் சிரமப்படுவதாக சிட்டு கூறியுள்ளார். ஏற்கனவே கணவரை இழந்து வருமான ஆதாரம் இல்லாத நிலையில், இந்த தீவிபத்து அவரது வாழ்க்கையை மேலும் சிரமப்படுத்தியுள்ளது. எனவே, இழப்பீடு வழங்கி, வாழ்வாதாரத்தை மீட்டெடுக்க தமிழக அரசு உடனடியாக உதவி செய்ய வேண்டும் என அவர் கோரிக்கை விடுத்துள்ளார்.

Also Read: புதுக்கோட்டையில் இரட்டை கொலை.. உயிரிழந்த சகோதரர்கள்.. நடந்தது என்ன?