Ditwah Cylone: சென்னைக்கு 220 கி.மீ தொலைவில் டிட்வா புயல்..எங்கே அதிகனமழை இருக்கும்? வானிலை ரிப்போர்ட்..
Red Alert Issue: நவம்பர் 30, 2025 தேதியான இன்று திருவள்ளூர் மற்றும் ராணிப்பேட்டை ஆகிய இரண்டு மாவட்டங்களுக்கு மட்டும் ரெட் அலர்ட் எச்சரிக்கை விடுக்கப்பட்டுள்ளது. இந்த மாவட்டங்களில் சில இடங்களில் அதிக கனமழை பதிவாகக்கூடும் என தெரிவிக்கப்பட்டுள்ள நிலையில் இந்த எச்சரிக்கை விடுக்கப்பட்டுள்ளது.
வானிலை நிலவரம், நவம்பர் 30, 2025: தென்மேற்கு வங்கக்கடல் மற்றும் அதனை ஒட்டிய வடதமிழக – புதுச்சேரி கடலோரப்பகுதிகளில் நிலவிய “டிட்வா” புயலானது, வடதிசையில் நகர்ந்து, இன்று காலை 05:30 மணி அளவில், வேதாரண்யத்துக்கு வடகிழக்கே 120 கிலோ மீட்டர் தொலைவிலும் , காரைக்காலுக்கு கிழக்கு – வடகிழக்கே 90 கிலோ மீட்டர் தொலைவிலும், புதுச்சேரிக்கு தென்கிழக்கே 130 கிலோ மீட்டர் தொலைவிலும், சென்னைக்கு தெற்கு – தென்கிழக்கே 220 கிலோ மீட்டர் தொலைவிலும் நிலை கொண்டிருந்தது. இது அடுத்த 24 மணி நேரத்துக்கு வடதமிழகம் – புதுச்சேரி கடலோர பகுதிகளுக்கு இணையாக வடதிசையில் நகரக்கூடும்.
மேலும் படிக்க: ‘தித்வா புயல்’ எதிரொலி: தென் தமிழகத்தில் 100 ஆண்டுகளில் இல்லாத அளவு குளிர்!!
அப்படி நகரும் பொழுது, வடதமிழகம் மற்றும் புதுச்சேரி கடலோரப் பகுதிகளிலிருந்து , குறைந்தபட்ச தூரமாக, இன்று 30ம் தேதி நண்பகல் 70 கிலோ மீட்டர் தொலைவிலும், மாலை 30 கிலோமீட்டர் தொலைவிலும் நிலவக்கூடும் என தெரிவிக்கப்பட்டுள்ளது.
டிட்வா புயலால் எந்தெந்த மாவட்டங்களுக்கு ரெட் அலர்ட்?
நவம்பர் 30, 2025 தேதியான இன்று திருவள்ளூர் மற்றும் ராணிப்பேட்டை ஆகிய இரண்டு மாவட்டங்களுக்கு மட்டும் ரெட் அலர்ட் எச்சரிக்கை விடுக்கப்பட்டுள்ளது. இந்த மாவட்டங்களில் சில இடங்களில் அதிக கனமழை பதிவாகக்கூடும் என எதிர்பார்க்கப்படுகிறது.
அதே சமயத்தில் காஞ்சிபுரம், சென்னை, செங்கல்பட்டு, வேலூர், திருப்பத்தூர், கிருஷ்ணகிரி, தர்மபுரி, திருவண்ணாமலை மற்றும் விழுப்புரம் ஆகிய மாவட்டங்களில் சில இடங்களில் மிக கனமழை பதிவாகக்கூடும் என கூறப்பட்டுள்ளதால் இந்த மாவட்டங்களுக்கு ஆரஞ்ச் அலர்ட் விடுக்கப்பட்டுள்ளது. மேலும் சேலம், கள்ளக்குறிச்சி, கடலூர் ஆகிய மாவட்டங்களில் கனமழை பதிவாகக்கூடும் என குறிப்பிடப்பட்டுள்ளது.
மேலும் படிக்க: முன்னாள் அமைச்சர் செங்கோட்டையன் த.வெ.கவில் இணைந்தது பாஜகவின் சித்து விளையாட்டி – திருமாவளவன் விமர்சனம்..
மழையின் தீவிரம் நாளை குறையும்:
இன்று இரவு முதல் டிட்வா புயல் மெல்ல மெல்ல வட தமிழகத்தை விட்டு தெற்கு ஆந்திரா நோக்கி நகரும் நிலையில், நாளை முதல் மழையின் தீவிரம் குறையும் என எதிர்பார்க்கப்படுகிறது. டிசம்பர் 1, 2025 தேதியான நாளை திருவள்ளூர் மாவட்டத்தில் மட்டும் சில இடங்களில் கனமழை பதிவாகக்கூடும் என தெரிவிக்கப்பட்டுள்ளது.
80 கி.மீ வெகத்தில் வீசும் காற்று:
இந்த புயல் வட தமிழகத்தை நெருங்கும் சூழலில், திடீர் காற்று வேகம் அதிகரிக்கக்கூடும் என எச்சரிக்கை விடுக்கப்பட்டுள்ளது. குறிப்பாக வட கடலோர தமிழக மற்றும் புதுவை பகுதிகளில் தரைக்காற்று மணிக்கு 60 முதல் 70 கிலோமீட்டர் வேகத்திலும், சமயங்களில் 80 கிலோமீட்டர் வேகத்திலும் வீசக்கூடும் என எச்சரிக்கப்பட்டுள்ளது.
