IPL 2026: பெரும் எதிர்பார்ப்பு! ஐபிஎல் 2026ல் அறிமுகமாக வாய்ப்புள்ள 5 வீரர்கள்..!
IPL High Expectations Players: ஒவ்வொரு சீசனையும் போலவே, இந்த முறையும் சில வீரர்கள் இந்த லீக்கில் அறிமுகமாகி, வந்தவுடனேயே வலுவான தாக்கத்தை ஏற்படுத்துவார்கள் என்று நம்பப்படுகிறது. இவர்களில் உள்ளூர் கிரிக்கெட்டின் ஜொலிக்கும் நட்சத்திரங்களும், சர்வதேச அரங்கின் (International Cricket) அபாயகரமான வீரர்களும் அடங்குவர்.
ஆகிப் நபி - ஃபின் ஆலன் - கார்த்திக் சர்மா
ஐபிஎல் 2026 (IPL 2026) தொடங்குவதற்கு முன்னதாக, பல புதிய வீரர்கள் மீது அதிக எதிர்பார்ப்புகள் நிலவி வருகிறது. ஒவ்வொரு சீசனையும் போலவே, இந்த முறையும் சில வீரர்கள் இந்த லீக்கில் அறிமுகமாகி, வந்தவுடனேயே வலுவான தாக்கத்தை ஏற்படுத்துவார்கள் என்று நம்பப்படுகிறது. இவர்களில் உள்ளூர் கிரிக்கெட்டின் ஜொலிக்கும் நட்சத்திரங்களும், சர்வதேச அரங்கின் (International Cricket) அபாயகரமான வீரர்களும் அடங்குவர். இந்தநிலையில், ஐபிஎல் 2026 சீசனில் அதிக எதிர்பார்ப்புக்கு மத்தியில் அறிமுகமாக இருக்கும் 5 கிரிக்கெட் வீரர்களை பற்றி தெரிந்து கொள்வோம்.
ALSO READ: இல்லாத அதிர்ஷ்டம்! ஐபிஎல்லில் இதுவரை எந்த அணிகள் கோப்பையை வெல்லவில்லை!
கார்த்திக் சர்மா:
19 வயதான விக்கெட் கீப்பர்-பேட்ஸ்மேன் கார்த்திக் சர்மா மீது சென்னை சூப்பர் கிங்ஸ் அணி மிகுந்த நம்பிக்கை வைத்துள்ளது. ராஜஸ்தானைச் சேர்ந்த கார்த்திக் சர்மாவை, ஐபிஎல் 2026 ஏலத்தில் சென்னை சூப்பர் கிங்ஸ் அணி ரூ. 14.2 கோடிக்கு வாங்கியது. உள்ளூர் கிரிக்கெட்டில் கார்த்திக் சர்மா தனது ஆக்ரோஷமான பேட்டிங்கால் ஒரு அசைக்க முடியாத சக்தியாக விளங்கி அனைவரின் கவனத்தையும் ஈர்த்துள்ளார். தொடக்க ஆட்டக்காரராகக் களமிறங்கி அதிவேகமாக ரன்களைக் குவிக்கும் அவரது திறன், சிஎஸ்கே அணிக்குப் பயனுள்ளதாக அமையக்கூடும்.
ஆகிப் நபி:
டெல்லி கேப்பிடல்ஸ் அணி, ஜம்மு காஷ்மீர் வேகப்பந்து வீச்சாளர் ஆகிப் நபி தாரை தங்களது அணியில் சேர்த்துள்ளது. நபி உள்ளூர் கிரிக்கெட்டில் தனது வேகம் மற்றும் ஸ்விங்கால் அனைவரையும் கவர்ந்துள்ளார். மணிக்கு 135 முதல் 140 கி.மீ. வேகத்தில் பந்து வீசக்கூடிய வேகப்பந்து வீச்சாளர், சமீபத்திய ரஞ்சு டிராபியில் சிறப்பாகச் செயல்பட்டு ஜம்மு காஷ்மீர் சாம்பியன் பட்டத்தை வெல்ல காரணமாக இருந்தார். ஐபிஎல் 2026ல் ஆகிப் நபிக்கு வாய்ப்பு கிடைத்தால், எதிரணி பேட்ஸ்மேன்களுக்குச் சிக்கலை ஏற்படுத்தலாம்.
ஃபின் ஆலன்:
நியூசிலாந்தின் அதிரடி தொடக்க ஆட்டக்காரரான ஃபின் ஆலனும் இந்தப் பட்டியலில் உள்ளார். கடந்த காலத்தில் அவர் ஐபிஎல் அணியான ராயல் சேலஞ்சர்ஸ் பெங்களூரு அணியில் இடம் பிடிந்திருந்தாலும், இதுவரை ஆலன் ஒரு போட்டியில் கூட விளையாடியதில்லை. இந்த முறை, கொல்கத்தா நைட் ரைடர்ஸ் அணி அவரை ரூ. 2 கோடிக்கு வாங்கியுள்ளது. சமீபத்தில் நடந்த டி20 உலகக் கோப்பையில் அவரது அதிரடி பேட்டிங் காரணமாக, நியூசிலாந்து அணி இறுதிப் போட்டி வரை சென்றது குறிப்பிடத்தக்கது. எனவே, ஐபிஎல் 2026ல் ஃபின் ஆலன் எதிரணிக்கு சிம்மசொப்பனமாக திகழ்வார்.
சலில் அரோரா:
சன்ரைசர்ஸ் ஹைதராபாத் அணியில் பஞ்சாபைச் சேர்ந்த இந்த விக்கெட் கீப்பர்-பேட்ஸ்மேன் சலில் அரோரா இடம் பெற்றுள்ளார். உள்ளூர் டி20 கிரிக்கெட்டில் தனது அபாரமான பேட்டிங்கால் அனைவரையும் கவர்ந்துள்ளார். ஜார்கண்ட் அணிக்கு எதிராக சலில் அரோரா அடித்த அதிவேக சதமும் பெரிதும் பேசப்பட்டது. ஹைதராபாத் போன்ற ஒரு ஆக்ரோஷமான அணியில் சலில் அரோரா வாய்ப்பு கிடைத்தால், அடுத்தடுத்து ரன்களைக் குவித்து போட்டியின் போக்கையே மாற்றும் திறமை உண்டு.
ALSO READ: 14 லீக் போட்டிகள்.. ஐபிஎல் 2026ல் சிஎஸ்கே எப்போது, யாருடன் மோதுகிறது?
அல்லா கசன்ஃபர்:
மும்பை இந்தியன்ஸ் அணியில், இளம் ஆப்கானிஸ்தான் சுழற்பந்து வீச்சாளரான அல்லா கசன்ஃபர் ஒரு மர்மமான பந்துவீச்சாளராக உள்ளார். காயம் காரணமாக கடந்த சீசனில் அவர் விளையாடவில்லை, ஆனால் இந்த சீசனில் அவர் மீது பெரும் எதிர்பார்ப்புகள் உள்ளன. இளம் வயதிலேயே, டி20 கிரிக்கெட்டில் விக்கெட்டுகளை வீழ்த்தும் திறன் மும்பை அணியில் வாய்ப்பை பெற்று தந்தது. மும்பை போன்ற ஒரு அணியில் சரியான வாய்ப்புகள் வழங்கப்பட்டால், மிடில் ஓவர்களில் அவரால் போட்டிகளின் போக்கையே மாற்ற முடியும்.
