IND vs NZ 2nd ODI: இன்று இந்தியா – நியூசிலாந்து இடையேயான 2வது ஒருநாள் போட்டி.. பிட்ச் யாருக்கு சாதகம்..?
India vs New Zealand 2nd ODI Pitch Report: ராஜ்கோட்டில் உள்ள நிரஞ்சன் ஷா ஸ்டேடியத்தில் உள்ள பிட்ச் பேட்ஸ்மேன்களுக்கு சாதகமாக இருக்கும் என்று எதிர்பார்க்கப்படுகிறது. அதிக ஸ்கோர் கொண்ட போட்டியாக இந்த போட்டி இருக்கும் என்றும் ரசிகர்கள் விரும்புகின்றனர். இருப்பினும், வானிலை காரணமாக, பனி குறிப்பிடத்தக்க பங்கை வகிக்கும்.
இந்தியா மற்றும் நியூசிலாந்து (IND vs NZ 2nd Odi) அணிகளுக்கு இடையிலான இரண்டாவது ஒருநாள் போட்டி இன்று அதாவது 2026ம் ஆண்டு ஜனவரி 14ம் தேதி ராஜ்கோட்டில் நடைபெறுகிறது. மூன்று போட்டிகள் கொண்ட தொடரில் இந்திய அணி 1-0 என முன்னிலை வகிக்கிறது. வதோதராவில் நடந்த முதல் போட்டியில் இந்திய அணி (Indian Cricket Team) 4 விக்கெட் வித்தியாசத்தில் வெற்றி பெற்றது. இரு அணிகளுக்கு இடையிலான 2வது போட்டியில் ராஜ்கோட்டில் உள்ள நிரஞ்சன் ஷா மைதானத்தில் மோதுகின்றன. காயம் காரணமாக இந்தியாவின் சுழற்பந்து வீச்சாளர் வாஷிங்டன் சுந்தர் தொடரின் மீதமுள்ள போட்டிகளில் இருந்து விலகியுள்ளார். முதல் ஒருநாள் போட்டியில் பந்துவீசும்போது இடுப்பில் அவருக்கு காயம் ஏற்பட்டது. இந்தநிலையில், இரண்டாவது ஒருநாள் போட்டியும் மதியம் 1:30 மணிக்கு தொடங்கும். டாஸ் மதியம் 1 மணிக்கு நடைபெறும்.
ALSO READ: இடமாற்ற சர்ச்சைக்கு ஐசிசி முற்றுப்புள்ளி.. இந்தியாவில் விளையாடும் வங்கதேச அணி..!
இந்தியாவிற்கும் நியூசிலாந்திற்கும் இடையிலான ஹெட் டூ ஹெட் விவரம்:
இந்தியா மற்றும் நியூசிலாந்து அணிகள் இதுவரை 121 ஒருநாள் போட்டிகளில் நேருக்குநேர் மோதியுள்ளது. அதில் இந்திய அணி 63 போட்டிகளில் வெற்றி பெற்று முன்னிலை வகிக்கிறது. அதேநேரத்தி, நியூசிலாந்து 50 போட்டிகளில் வெற்றி பெற்றுள்ளது. ஏழு போட்டிகள் எந்த முடிவும் இல்லாமல் முடிந்துள்ள நிலையில், ஒரு போட்டி டையில் முடிந்தது. இருப்பினும், ராஜ்கோட்டின் நிரஞ்சன் ஷா ஸ்டேடியத்தில் இந்திய அணியின் சாதனை சிறப்பாக இல்லை. அதாவது, இந்திய அணி ராஜ்கோட்டில் நான்கு ஒருநாள் போட்டிகளில் விளையாடியுள்ளது, அவற்றில் மூன்றில் தோல்வியடைந்துள்ளது.
நிரஞ்சன் ஷா மைதானத்தின் பிட்ச் ரிப்போர்ட்:
ராஜ்கோட்டில் உள்ள நிரஞ்சன் ஷா ஸ்டேடியத்தில் உள்ள பிட்ச் பேட்ஸ்மேன்களுக்கு சாதகமாக இருக்கும் என்று எதிர்பார்க்கப்படுகிறது. அதிக ஸ்கோர் கொண்ட போட்டியாக இந்த போட்டி இருக்கும் என்றும் ரசிகர்கள் விரும்புகின்றனர். இருப்பினும், வானிலை காரணமாக, பனி குறிப்பிடத்தக்க பங்கை வகிக்கும். அத்தகைய சூழ்நிலையில், டாஸ் வெல்லும் அணி முதலில் பந்து வீச முடிவு செய்யலாம். வதோதராவில், இந்திய கேப்டன் சுப்மன் கில் டாஸ் வென்று முதலில் பந்து வீசத் தேர்வு செய்தார் என்பது குறிப்பிடத்தக்கது.
ALSO READ: ராஜ்கோட்டில் மோசமான ரெக்கார்ட்! வெற்றியை பதிவு செய்யுமா இந்திய அணி..?
இரண்டாவது ஒருநாள் போட்டிக்கான கணிக்கப்பட்ட இந்திய அணி:
சுப்மன் கில் (கேப்டன்), ரோஹித் சர்மா, விராட் கோலி , ஷ்ரேயாஸ் ஐயர், கே.எல். ராகுல் (விக்கெட் கீப்பர்), ரவீந்திர ஜடேஜா, நிதிஷ் குமார் ரெட்டி, ஹர்ஷித் ராணா, குல்தீப் யாதவ், முகமது சிராஜ் மற்றும் பிரசித் கிருஷ்ணா.
இரண்டாவது ஒருநாள் போட்டிக்கான கணிக்கப்பட்ட நியூசிலாந்து அணி:
டெவன் கான்வே, ஹென்றி நிக்கோல்ஸ், வில் யங், டேரில் மிட்செல், க்ளென் பிலிப்ஸ், மிட்செல் ஹே (விக்கெட் கீப்பர்), மைக்கேல் பிரேஸ்வெல் (கேப்டன்), ஜாக்குலின் ஃபோல்க்ஸ், கிறிஸ்டியன் கிளார்க், கைல் ஜேமிசன், மற்றும் ஆதித்யா அசோக்.
