மேற்கு இந்தியத் தீவுகள் தொடருக்கான இந்திய அணி அறிவிப்பு: ரோஹித் சர்மா, விராட் கோலி மீண்டும் வாய்ப்பு..

செப்டம்பர் 16, 2026: மேற்கு இந்தியத் தீவுகள் அணிக்கு எதிரான 3 போட்டிகள் கொண்ட ஒருநாள் கிரிக்கெட் தொடருக்கான 15 பேர் கொண்ட இந்திய அணி அறிவிக்கப்பட்டுள்ளது. இரண்டு மாத இடைவெளிக்குப் பிறகு ரோஹித் சர்மா மற்றும் விராட் கோலி மீண்டும் ஒருநாள் அணியில் இடம்பிடித்துள்ளனர். இங்கிலாந்து சுற்றுப்பயணத்தின்போது ஒருநாள் கிரிக்கெட்டில் ரோஹித் சர்மாவின் எதிர்காலம் குறித்து பல்வேறு விவாதங்கள் எழுந்திருந்த நிலையில், அவர் மீண்டும் அணியில் சேர்க்கப்பட்டுள்ளார். கேப்டன் ஷுப்மன் கில் மற்றும் விராட் கோலியுடன் இணைந்து இந்திய அணியின் டாப் ஆர்டரில் ரோஹித் சர்மா தொடர உள்ளார்.

இங்கிலாந்துக்கு எதிரான முதல் இரண்டு ஒருநாள் போட்டிகளில் ரோஹித் சர்மா முறையே 11 மற்றும் 26 ரன்கள் எடுத்திருந்தார். தொடரைத் தீர்மானிக்கும் 3-வது போட்டியில், 388 ரன்கள் என்ற கடினமான இலக்கை துரத்திய இந்திய அணிக்காக லார்ட்ஸ் மைதானத்தில் ரோஹித் சர்மா 137 ரன்கள் விளாசினார். எனினும், அந்தப் போட்டியில் இந்திய அணி தோல்வியடைந்தது.

மேலும் படிக்க: வெஸ்ட் இண்டீஸ் அணிக்கு எதிரான ஒருநாள் தொடர்.. இந்திய அணியில் யார் யாருக்கு வாய்ப்பு?

இருவருக்கு முதல் முறையாக வாய்ப்பு:

🚨 News 🚨#TeamIndia ODI & T20I squads announced for West Indies tour of India 2026, along with updated squad for Japan T20I & Asian Games.

More Details ▶️https://t.co/Lxx3Bz8Q14 pic.twitter.com/Y9RGlQ09XK

— BCCI (@BCCI) September 16, 2026

ஆல்-ரவுண்டர் நமன் தர் மற்றும் வேகப்பந்து வீச்சாளர் அவ்கிப் நபி ஆகியோருக்கு முதல் முறையாக இந்திய ஒருநாள் அணியில் இடம் கிடைத்துள்ளது. ஆசிய விளையாட்டுப் போட்டிகளுக்கான அணியில் இடம்பெற்றிருந்த நிதிஷ் குமார் ரெட்டி, மேற்கு இந்தியத் தீவுகளுக்கு எதிரான ஒருநாள் தொடரில் விளையாடுவதற்காக அந்த அணியில் இருந்து விடுவிக்கப்பட்டுள்ளார்.

அதேபோல், அனுபவம் வாய்ந்த ஆல்-ரவுண்டர் ரவீந்திர ஜடேஜாவும் ஒருநாள் தொடருக்கான அணியில் சேர்க்கப்பட்டுள்ளார்.

ஆசிய விளையாட்டுப் போட்டிகள் காரணமாக மாற்று ஏற்பாடுகள்:

மேற்கு இந்தியத் தீவுகள் அணிக்கு எதிரான உள்நாட்டு தொடரின்போது இந்திய அணியில் சில மாற்று ஏற்பாடுகள் செய்யப்பட்டுள்ளன. வெள்ளைப் பந்து கிரிக்கெட்டில் விளையாடும் சில முக்கிய வீரர்கள், மேற்கு இந்தியத் தீவுகள் தொடருக்கு இடையே ஜப்பானில் நடைபெறும் ஆசிய விளையாட்டுப் போட்டிகளுக்கான இந்திய டி20 அணியில் பங்கேற்க உள்ளனர்.

ஒருநாள் அணியை தலைமைப் பயிற்சியாளர் கவுதம் கம்பீர் கவனிக்க உள்ளார். அதே நேரத்தில், பிசிசிஐ-யின் Centre of Excellence (CoE) தலைவரான வி.வி.எஸ். லட்சுமண், டி20 அணியுடன் ஜப்பான் செல்ல உள்ளார்.

இந்தியா – மேற்கு இந்தியத் தீவுகள் அணிகளுக்கு இடையிலான முதல் ஒருநாள் போட்டி செப்டம்பர் 27ஆம் தேதி திருவனந்தபுரத்திலும், 2-வது ஒருநாள் போட்டி செப்டம்பர் 30ஆம் தேதி கவுகாத்தியிலும், 3-வது ஒருநாள் போட்டி அக்டோபர் 3ஆம் தேதி நியூ சண்டிகரிலும் நடைபெற உள்ளன.

மேலும் படிக்க: ​ஐபிஎல் 2027 ஏலம் எப்போது? இந்தியாவில் இந்த முறை.. நடக்கப்போவது என்ன?

ஒருநாள் தொடருக்கான இந்திய அணி:

ஷுப்மன் கில் (கேப்டன்), ரோஹித் சர்மா, விராட் கோலி, ருதுராஜ் கெய்க்வாட், கே.எல். ராகுல் (துணைக் கேப்டன்), துருவ் ஜுரெல், நிதிஷ் குமார் ரெட்டி, ரவீந்திர ஜடேஜா, குல்தீப் யாதவ், பிரசித் கிருஷ்ணா, குர்னூர் பிரார், முகமது சிராஜ், அவ்கிப் நபி, யஷஸ்வி ஜெய்ஸ்வால், நமன் தர்.

இந்தியா – மேற்கு இந்தியத் தீவுகள் தொடர் அட்டவணை:

இரானி கோப்பைக்கான Rest of India அணி:

ஒருநாள் மற்றும் டி20 அணிகளில் இடம்பெறாத ரிஷப் பந்த், இரானி கோப்பை போட்டியில் Rest of India அணிக்கு கேப்டனாக செயல்பட உள்ளார். ரிஷப் பந்த் (கேப்டன், விக்கெட் கீப்பர்), சனத் சங்வான், ஷிகர் மோகன், சுதிப் கராமி, சர்ஃபராஸ் கான் (துணைக் கேப்டன்), ஸ்மரண் ரவிச்சந்திரன், மானவ் சுதார், சாரன்ஷ் ஜெயின், ஆகாஷ் தீப், முகேஷ் குமார், முகேஷ் சவுத்ரி, ஆர்யன் ஜுயல் (விக்கெட் கீப்பர்), ஆர்யன் பாண்டே, அனுகுல் ராய், ஆயுஷ் தோசேஜா.*

இதற்கிடையில், அனுபவம் வாய்ந்த ஆல்-ரவுண்டர் ஹர்திக் பாண்டியா இந்திய அணிகளில் இடம்பெறவில்லை. நான்கு மாதங்களுக்கும் மேலான இடைவெளிக்குப் பிறகு, அக்டோபர் 6, 9 மற்றும் 11ஆம் தேதிகளில் புதுச்சேரியில் ஆஸ்திரேலியா ஏ அணிக்கு எதிரான போட்டிகளில் அவர் மீண்டும் போட்டி கிரிக்கெட்டுக்கு திரும்ப உள்ளார். எனினும், அவரது உடற்தகுதி அனுமதியைப் பொறுத்தே இது அமையும்.