வீட்டில் செல்வச் செழிப்பை ஈர்க்கும் வாஸ்து ஓவியங்கள் இதான்.!
வீட்டின் அழகை கூட்டுவதோடு நேர்மறை ஆற்றலையும் நிதி வளர்ச்சியையும் ஈர்ப்பதில் வாஸ்து ஓவியங்களுக்கு முக்கியப் பங்கு உண்டு. வீட்டில் தடையற்ற பணப்புழக்கம் அதிகரிக்க நீர்வீழ்ச்சி ஓவியங்களை வடக்கு அல்லது வடகிழக்கு திசையில் மாட்டி வைக்கலாம். தொழில் வளர்ச்சி மற்றும் விரைவான வெற்றியைப் பெற 7 ஓடும் குதிரைகளின் புகைப்படத்தை கிழக்கு அல்லது வடக்கு திசையில் வைப்பது சிறந்தது. நிதிப் பாதுகாப்பையும் சேமிப்பையும் உயர்த்த மணி ட்ரீ அல்லது தங்க நாணயப் படங்களை வீட்டின் தெற்கு அல்லது கிழக்கு […]
வீட்டின் அழகை கூட்டுவதோடு நேர்மறை ஆற்றலையும் நிதி வளர்ச்சியையும் ஈர்ப்பதில் வாஸ்து ஓவியங்களுக்கு முக்கியப் பங்கு உண்டு. வீட்டில் தடையற்ற பணப்புழக்கம் அதிகரிக்க நீர்வீழ்ச்சி ஓவியங்களை வடக்கு அல்லது வடகிழக்கு திசையில் மாட்டி வைக்கலாம். தொழில் வளர்ச்சி மற்றும் விரைவான வெற்றியைப் பெற 7 ஓடும் குதிரைகளின் புகைப்படத்தை கிழக்கு அல்லது வடக்கு திசையில் வைப்பது சிறந்தது. நிதிப் பாதுகாப்பையும் சேமிப்பையும் உயர்த்த மணி ட்ரீ அல்லது தங்க நாணயப் படங்களை வீட்டின் தெற்கு அல்லது கிழக்கு திசையில் அமைக்கலாம். புதுத் தொடக்கம் மற்றும் உத்தியோக முன்னேற்றத்திற்கு உதிக்கும் சூரியன் படமும், அதிர்ஷ்டத்திற்கு கொய் மீன் மற்றும் மயில் ஓவியங்களும் உதவுகின்றன. நீண்ட கால பொருளாதார ஸ்திரத்தன்மைக்கு மூங்கில் காடு மற்றும் யானை ஓவியங்களை சரியான திசையில் வைப்பது நல்ல பலனைத் தரும். அதேவேளையில் எதிர்மறை அதிர்வுகளைத் தவிர்க்க வன்முறை, சோகம் மற்றும் வறண்ட மரங்கள் போன்ற ஓவியங்களை வீட்டில் வைப்பதை முற்றிலுமாகத் தவிர்க்க வேண்டும்.
பணப் புழக்கத்தை அதிகரிக்கும் நீர்வீழ்ச்சி மற்றும் 7 குதிரைகள் ஓவியங்கள்
வீட்டில் எப்போதும் தடையற்ற தனவரவு இருக்க நீர்வீழ்ச்சி அல்லது ஓடும் நீர் சார்ந்த ஓவியங்களை வடக்கு அல்லது வடகிழக்கு திசையில் மாட்டுவது சிறந்தது. இது தடைகளற்ற பொருளாதார சுபிட்சத்தைக் குறிக்கிறது. அதேபோல, தொழில் வளர்ச்சி மற்றும் வேகமான வெற்றியை விரும்புபவர்கள் 7 ஓடும் குதிரைகள் அடங்கிய புகைப்படத்தை கிழக்கு அல்லது வடக்கு திசையில் வைக்கலாம். இது காரிய தடைகளை நீக்கி முன்னேற்றத்தைத் தரும்.
சேமிப்பையும் புதிய தொடக்கத்தையும் ஊக்குவிக்கும் பட அமைப்புகள்
நிதிப் பாதுகாப்பையும் சேமிப்பையும் உயர்த்த நினைப்பவர்கள் தங்க நாணயங்கள் அல்லது மணி ட்ரீ (Money Tree) படங்களை தெற்கு அல்லது கிழக்கு திசையில் தொங்கவிடலாம். மேலும், வியாபாரம் மற்றும் உத்தியோகத்தில் புதிய வாய்ப்புகளையும் நம்பிக்கையையும் பெற உதிக்கும் சூரியனின் ஓவியத்தை வீட்டின் கிழக்கு பகுதியில் மாட்டுவது நேர்மறை அதிர்வுகளை உண்டாக்கும்.
அதிர்ஷ்டம் மற்றும் நேர்மறை ஆற்றலை தரும் கொய் மீன், மயில் ஓவியங்கள்
வாஸ்து சாஸ்திரத்தின்படி, கொய் மீன் ஓவியங்கள் நிதி ஸ்திரத்தன்மையையும் அதிர்ஷ்டத்தையும் ஈர்க்கவல்லவை; இவற்றை வடக்கு அல்லது வடகிழக்கு திசையில் அமைக்க வேண்டும். வீட்டின் அழகை கூட்டுவதோடு நெகட்டிவ் எனர்ஜியை நீக்கி அமைதியைத் தர மயில் ஓவியங்களை கிழக்கு அல்லது வடகிழக்கு திசையில் மாட்டலாம்.
நிலையான வளர்ச்சியும் ஆற்றலும் தரும் மூங்கில் மற்றும் யானை படங்கள்
நீண்ட கால பொருளாதார வளர்ச்சிக்கு பசுமையான மூங்கில் காடு ஓவியங்கள் மிகவும் ஏற்றவை. அதேவேளையில், அறிவு கூர்மை, அதிகாரம் மற்றும் ஸ்திரமான நிதி நிலையைப் பெற யானை ஓவியங்களை வடக்கு திசையில் வைப்பது நல்லது.
வீட்டில் தவிர்க்க வேண்டிய ஓவிய அமைப்புகள்
வாஸ்து முறைப்படி வீட்டில் எதிர்மறை எண்ணங்களை உருவாக்கும் வன்முறை, போர் காட்சிகள், சோகமான முகங்கள் மற்றும் வறண்ட மரங்கள் போன்ற ஓவியங்களை தவிர்க்க வேண்டும். இத்தகைய படங்கள் வீட்டில் அமைதியின்மையையும் நிதி நெருக்கடியையும் ஏற்படுத்தக்கூடும் என்பதால் நேர்மறையான ஓவியங்களை மட்டுமே தேர்வு செய்ய நிபுணர்கள் பரிந்துரைக்கின்றனர்.
பொறுப்புத்துறப்பு: இந்தக்கட்டுரை வாஸ்து நம்பிக்கையின்படி எழுதப்பட்டது. இது அறிவியல் பூர்வமாக நிரூபணம் ஆனது அல்ல.
