30 ஆண்டுகள் கடனை வெறும் 17 ஆண்டுகளில் அடைக்கலாம்.. எப்படி?

Pay 30 Years Home Loan In 17 Years | இந்தியாவில் பெரும்பாலானவர்கள் வங்கியில் வீட்டு கடனை வாங்கி சொந்த வீடு கனவை நினைவாக்குகின்றனர். இந்த நிலையில், 30 ஆண்டுகள் கால அளவீடு கொண்ட வீட்டு கடனை வெறும் 17 ஆண்டுகளில் அடைப்பது எப்படி என்பது குறித்து பார்க்கலாம்.

மாதிரி புகைப்படம்

Vinalin Sweety | Updated On: 30 Apr 2026 00:25 AM IST

: சொந்த வீடு கனவை நிறைவேற்ற வேண்டும் என்பதற்காக பலரும் வங்கியில் வீட்டு கடன் வாங்கி வீடு கட்டுவது, வீடு வாங்குவது உள்ளிட்டவற்றை செய்கின்றனர். ஆனால், கடனை திருப்பி செலுத்தும்போது தான் அதன் சுமை தெரியும். பலரும் கடனை எப்படி விரைவாகவும் எளிதாகவும் அடைப்பது என தெரியாமல் தவிப்பர்.

: பொதுவாக வங்கிகள் வழங்கும் வீட்டு கடனுக்கு அதிக வட்டி விதிக்கப்படும். இதன் காரணமாக கடனை அடைக்க பல வருடங்கள் தேவைப்படும். இந்த நிலையில், 30 வருட கடனை 17 ஆண்டுகளில் அடைப்பது எப்படி, வட்டியை குறைத்து குறைவான தொகையை திருப்பி செலுத்துவது எப்படி என்பது குறித்து பார்க்கலாம்.

: உதாரணமாக ஒருவர் ரூ.50 லட்சத்திற்கு வீட்டு கடன் வாங்கியுள்ளார் என்று வைத்துக்கொள்வோம். அந்த கடன் 8 சதவீதம் வட்டி மற்றும் 30 ஆண்டுகள் திருப்பி செலுத்தும் கால அளவை கொண்டு இருக்கிறது என்று வைத்துக்கொள்வோம். இந்த நிலையில், ஒவ்வொரு மாதமும் ரூ.36,688 தவணை செலுத்த வேண்டும்.

: இதுவே அந்த நபர் 20 ஆண்டுகளில் கடனை திருப்பி செலுத்த முடிவு செய்தால் மாத தவணையாக ரூ.41,822 செலுத்த நேரிடும். 30 ஆண்டுகளை 20 ஆண்டுகளாக குறைப்பதன் மூலம் திருப்பி செலுத்தும் காலம் குறைவது மட்டுமன்றி, வட்டியும் கனிசமாக குறையும். இதனுடன் சேர்த்து ஒவ்வொரு மாதமும் கூடுதலாக ஒரு தவணை செலுத்துவது மேலும் சிறப்புகளை கொடுக்கும்.

: ஒரு ஆண்டில் 12 மாத தவணைகள் உடன் கூடுதலாக ஒரு மாத தவணை சேர்த்து செலுத்துவது கடனை விரைவாக அடைக்க உதவும். அதாவது ஆண்டுக்கு 12 மாத தவணைகளுக்கு பதிலாக 13 மாத தவணை செலுத்துவது 30 ஆண்டுகள் கடனை 17 ஆண்டுகளிலேயே திருப்பி செலுத்த உதவும் என்பது குறிப்பிடத்தக்கது.