ரயில்வேயில் 3,548 காலியிடங்கள் பட்டதாரிகளுக்கு அரிய வாய்ப்பு
NTPC Recruitment: ரயில்வே துறையில் காலியாக உள்ள 3,548 பட்டதாரி நிலை பணியிடங்களை நிரப்புவதற்கான அதிகாரப்பூர்வ அறிவிப்பு வெளியாகியுள்ளது. இதில் சரக்குத் தொடர்வண்டி மேலாளர் பதவிக்கு 2,750 இடங்கள் உட்பட பல்வேறு பணிகளுக்குத் தகுதியானவர்களிடமிருந்து விண்ணப்பங்கள் வரவேற்கப்படுகின்றன. விருப்பமுள்ள பட்டதாரிகள் நவம்பர் 6, 2026-க்குள் ஆன்லைன் வழியாகத் தங்களது விண்ணப்பங்களைச் சமர்ப்பிக்க வேண்டும்.
மத்திய அரசு வேலைக்காகக் காத்திருக்கும் பட்டதாரிகளுக்காக இந்திய ரயில்வே புதிய ஆட்சேர்ப்பு அறிவிப்பை வெளியிட்டுள்ளது. ரயில்வே ஆட்சேர்ப்பு வாரியங்களின் CEN 06/2026 அறிவிப்பின்படி, நாடு முழுவதும் மொத்தம் 3,548 காலி இடங்கள் நிரப்பப்படவுள்ளன. இதில் அதிகபட்சமாக 2,750 இடங்கள் சரக்குத் தொடர்வண்டி மேலாளர் (Goods Train Manager) பணிக்கு ஒதுக்கப்பட்டுள்ளன. மேலும் தலைமை வணிகம் மற்றும் பயணச்சீட்டு மேற்பார்வையாளர், இளநிலை கணக்கு உதவியாளர் மற்றும் மூத்த எழுத்தர் போன்ற பதவிகளும் இடம்பெற்றுள்ளன. இப்பணிகளுக்குத் தகுதியானவர்கள் அங்கீகாரம் பெற்ற பல்கலைக்கழகத்தில் பட்டப்படிப்பு முடித்திருக்க வேண்டும். ஜனவரி 1, 2027 நிலவரப்படி விண்ணப்பதாரர்களின் வயது 18 முதல் 33 அதற்குள் இருக்க வேண்டும். தகுதியுள்ளவர்கள் நவம்பர் 6, 2026-க்குள் www.rrbapply.gov.in என்ற இணையதளம் மூலமாக ஆன்லைனில் விண்ணப்பிக்கலாம்.
ரயில்வேயில் 3,548 காலியிடங்கள்
மத்திய அரசு நிறுவனங்களில் பணிபுரியும் கனவுடன் காத்திருக்கும் பட்டதாரிகளுக்கு இந்திய ரயில்வே துறையிலிருந்து புதிய வேலைவாய்ப்பு அறிவிப்பு வெளியிடப்பட்டுள்ளது. ரயில்வே ஆட்சேர்ப்பு வாரியங்களின் மூலமாக அறிவிக்கப்பட்டுள்ள இந்த வேலைவாய்ப்பில், பட்டதாரி நிலை தொழில்நுட்பம் சாராத பல்வேறு பணிகளுக்காக மொத்தம் 3,548 காலி இடங்கள் நிரப்பப்படவுள்ளதாகத் தெரிவிக்கப்பட்டுள்ளது.
Also Read: பைக் வாங்க போறீங்களா? இதை கவனிங்க.. டார்க் மற்றும் பிஹெச்பி வித்தியாசம் என்ன?
பட்டதாரிகளுக்கு அரசு வேலை
இந்தப் பணிகளுக்கான தொடக்க அடிப்படைச் சம்பளம் ஏழாவது மத்திய ஊதியக் குழுவின் விதிகளின்படி நிர்ணயிக்கப்பட்டுள்ளது. தகுதியுடைய விண்ணப்பதாரர்கள் அரசு அங்கீகாரம் பெற்ற பல்கலைக்கழகத்தில் பட்டப்படிப்பை முடித்திருக்க வேண்டும். மேலும், 2027 ஜனவரி 1-ஆம் தேதியின்படி 18 முதல் 33 வயது வரை உள்ளவர்கள் விண்ணப்பிக்கத் தகுதியுடையவர்கள் ஆவர்.
ரயில்வே காலியிடங்கள்
இந்த அறிவிப்பின்படி, ஆன்லைன் மூலமாக விண்ணப்பிக்கும் செயல்முறை அக்டோபர் 8-ஆம் தேதி தொடங்கப்பட்டுள்ளது. விருப்பமும் தகுதியும் உள்ளவர்கள் நவம்பர் 6-ஆம் தேதி இரவு 11:59 மணி வரை தங்களது விண்ணப்பங்களை இணையவழியில் சமர்ப்பிக்கலாம். மேலும் விவரங்களுக்கு www.rrbapply.gov.in என்ற அதிகாரப்பூர்வ வலைத்தளத்தைப் பயன்படுத்தலாம்.
குட்ஸ் ரயில் மேலாளர் வேலை
அறிவிக்கப்பட்ட மொத்த காலி இடங்களில் அதிகபட்சமாக 2,750 இடங்கள் சரக்குத் தொடர்வண்டி மேலாளர் (Goods Train Manager) பணிக்கு ஒதுக்கப்பட்டுள்ளது. இது தவிர, மூத்த எழுத்தர், இளநிலை கணக்கு உதவியாளர் மற்றும் தலைமை வணிகப் பயணச்சீட்டு மேற்பார்வையாளர் போன்ற பணிகளுக்கும் காலியிடங்கள் அறிவிக்கப்பட்டுள்ளன.
