தூக்கம் முதல் இதய ஆரோக்கியம் வரை…. இரவில் பல் துலக்காமல் இருந்தால் என்ன நடக்கும் தெரியுமா?
Teeth Care Improves Rest : இரவில் பல் துலக்கும் பழக்கம் பலருக்கும் இருக்கும். இரவில் பல் துலக்குவது நல்ல தூக்கத்தை வழங்குவது முதல் இதய ஆரோக்கியம் வரை பல நன்மைகளை வழங்குகிறது என மருத்துவர்கள் அறிவுறுத்துகின்றனர். அது குறித்து இந்த கட்டுரையில் விரிவாக பார்க்கலாம்.
இரவு உணவிற்குப் பிறகு பல் துலக்கும் பழக்கம் பலருக்கு உண்டு. ஆனால் அது வெறும் பழக்கம் மட்டுமல்ல. இது உங்கள் தூக்கத்தையும் (Sleep) ஒட்டுமொத்த ஆரோக்கியத்தையும் பாதிக்கும் ஒரு முக்கிய காரணியாகும். நீங்கள் படுக்கைக்கு முன் பல் துலக்காவிட்டால், அது உங்கள் புன்னகையையும் உங்கள் நிம்மதியான தூக்கத்தையும் கெடுத்துவிடும். நாம் தூங்கும்போது, நம் வாய்க்கு ஓய்வு கிடைக்கும் என்று நினைக்கிறோம். ஆனால் மருத்துவ நிபுணர்கள் வாய்வழி சூழலில் பெரிய மாற்றங்கள் ஏற்படுவதாகக் கூறுகிறார்கள். இரவில் உமிழ்நீர் உற்பத்தி கிட்டத்தட்ட பாதியாகக் குறைகிறது. உமிழ்நீர் வாய்க்கு இயற்கையான பாதுகாப்பு அமைப்பு போன்றது. இது அமிலங்களைக் கட்டுக்குள் வைத்திருக்கிறது மற்றும் பற்களில் உள்ள எனாமலை சரிசெய்கிறது.
உமிழ்நீர் குறைவதால் பாக்டீரியாக்கள் வேகமாக வளருகின்றன. இது பற்களில் பிளேக் உருவாகி ஈறுகளை பலவீனப்படுத்துகிறது. நம் உடல் இரவில் தன்னைத்தானே சரிசெய்து கொள்கிறது. ஆனால் வாயில் அதிக பாக்டீரியா செயல்பாடு இருந்தால், இந்த குணப்படுத்தும் செயல்முறை நின்றுவிடுகிறது, வீக்கம் தொடங்குகிறது. அதனால்தான் இரவில் பல் துலக்காமல் இருப்பது காலையில் பல் துலக்குவதை விட தீங்கு விளைவிக்கும் என்று மருத்துவர்கள் எச்சரிக்கின்றனர்.
இதையும் படிக்க : பல் துலக்கிய பின் தண்ணீர் குடிக்கக் கூடாதா? ஃப்ளூரைடின் ரகசிய பலன் தடைப்படுமா?
வாய் ஆரோக்கியம்
சரியாகத் தூங்கவில்லை என்றால், உங்கள் நோய் எதிர்ப்பு சக்தி குறைந்து ஈறு பிரச்சினைகள் அதிகரிக்கும். அதேபோல், பற்கள் சிதைவு, ஈறு தொற்று அல்லது தூக்கத்தில் பற்களை கடிப்பது போன்ற பிரச்னைகள் உங்கள் தூக்கத்தின் தரத்தை பாதிக்கும். இரவில் உங்கள் வாயை கவனித்துக் கொள்ளாவிட்டால், அது உங்கள் புன்னகையையும் தூக்கத்தையும் கெடுத்துவிடும் என்று மருத்துவர்கள் தெளிவுபடுத்துகிறார்கள்.
நிம்மதியான தூக்கத்திற்கான சில குறிப்புகள்
இரவு உணவுக்கு பின், தூங்க செல்வதற்கு முன்குறைந்தது 60-90 நிமிடங்களுக்கு முன்பு எதையும் சாப்பிட வேண்டாம். இரவில் உண்ணும் உணவு பாக்டீரியாக்களுக்கு உணவாகிறது.
ஒவ்வொரு இரவும் பல் துலக்குதல் மற்றும் நாக்கை சுத்தம் செய்தல் அவசியம்.
வலுவான மெந்தோல் பேஸ்ட்களுக்கு பதிலாக, புதினா அல்லது கிராம்பு எண்ணெயைக் கொண்டு மவுத்வாஷராக பயன்படுத்துவது நல்லது. இது வாயின் pH சமநிலையை பராமரிக்க உதவுகிறது.
இதையும் படிக்க : மலச்சிக்கல் முதல் புற்றுநோய் வரை… தூக்கமின்மையால் ஏற்படும் விளைவுகள் – எச்சரிக்கும் மருத்துவர்கள்
குறட்டை மற்றும் பல் கடித்தல் போன்ற பிரச்சினைகள் உள்ளவர்கள் மருத்துவர்கள் பரிந்துரைக்கும் நைட் கார்டுகளைப் பயன்படுத்த வேண்டும். இவை தாடை தசைகளை தளர்த்தி காற்று சுழற்சியை மேம்படுத்துகின்றன. மேலும், இரவில் ஈறுகளில் வீக்கம் ஏற்படுவது இதய நோய் மற்றும் நீரிழிவு நோயின் அபாயத்தை அதிகரிக்கிறது, ஏனெனில் இது இரத்த உறைவு அபாயத்தை அதிகரிக்கிறது. குழந்தைகள், பல் பிரேஸ்கள் உள்ள டீனேஜர்கள், மருந்துகளைப் பயன்படுத்தும் முதியவர்கள் மற்றும் மன அழுத்தத்தால் அவதிப்படுபவர்கள் இரவில் தங்கள் வாய்வழி ஆரோக்கியத்தில் அதிக கவனம் செலுத்த வேண்டும் என்று நிபுணர்கள் பரிந்துரைக்கின்றனர். படுக்கைக்கு மூன்று முதல் நான்கு மணி நேரத்திற்கு முன்பு சர்க்கரை பானங்கள், காஃபின் மற்றும் மதுவைத் தவிர்ப்பது தூக்கத்தையும் வாய்வழி ஆரோக்கியத்தையும் மேம்படுத்தும்.
