15 ஆண்டுகளாக மெனுவில் மாற்றமில்லை! சுந்தர் பிச்சை தினமும் சாப்பிடுவது என்ன?

கூகுள் சிஇஓ சுந்தர் பிச்சை கடந்த 15 ஆண்டுகளாக ஒரே மாதிரியான காலை உணவைப் பின்பற்றி வருகிறார். அவரது காலை உணவில் முட்டை, டோஸ்ட் செய்யப்பட்ட பிரெட் மற்றும் தேநீர் இடம்பெறுகின்றன. தினமும் உணவைத் தேர்வு செய்வதில் நேரத்தைச் செலவிடாமல் பணிகளில் கவனம் செலுத்துவதே இதன் முக்கிய நோக்கமாகும். காலையில் நாளிதழ்கள் வாசிப்பதையும் வழக்கமாகக் கொண்டுள்ளார். தினமும் சுமார் 6.5 முதல் 7 மணி நேரம் வரை தூங்குவதற்கு முக்கியத்துவம் அளிக்கிறார். வார இறுதி நாட்களில் உடற்பயிற்சி மற்றும் நடைப்பயிற்சியில் ஈடுபடுகிறார். சைக்கிள் ஓட்டுதல் உள்ளிட்ட பயிற்சிகள் மூலம் தனது உடல் ஆரோக்கியத்தையும் சுறுசுறுப்பையும் பராமரித்து வருகிறார். உலகின் முன்னணி தொழில்நுட்ப நிறுவனமான கூகுளின் தலைமைச் செயல் அதிகாரி சுந்தர் பிச்சை, (Google’s CEO Sundar Pichai) தனது எளிமையான வாழ்க்கை முறையால் பலரது கவனத்தையும் ஈர்த்து வருகிறார். குறிப்பாக, கடந்த 15 ஆண்டுகளாக காலை உணவில் பெரிய மாற்றமின்றி ஒரே மாதிரியான உணவுகளைச் சாப்பிட்டு வருவதாக அவர் தெரிவித்துள்ளார். தினமும் காலை என்ன சாப்பிடுவது என்று யோசித்து நேரத்தைச் செலவிடாமல், முக்கியமான பணிகளில் கவனம் செலுத்துவதற்கு இந்த வழக்கம் உதவுவதாகக் கூறப்படுகிறது.

Also Read: பரோட்டா பிரியர்களின் கவனத்திற்கு: ருசிமிக்க இந்த உணவின் மறுபக்கம்!

சுந்தர் பிச்சையின் காலை உணவு என்ன?

சுந்தர் பிச்சையின் தினசரி காலை உணவில் முட்டை, டோஸ்ட் செய்யப்பட்ட பிரெட் மற்றும் ஒரு கப் சூடான தேநீர் ஆகியவை இடம்பெறுகின்றன. எளிமையான இந்த உணவுக் கலவையை அவர் பல ஆண்டுகளாகப் பின்பற்றி வருகிறார். காலையில் உணவு தேர்வு செய்வதற்கான நேரத்தைக் குறைத்து, அன்றைய நாளின் பணிகளைத் திட்டமிடுவதற்கு இந்த வழக்கம் உதவுகிறது. மேலும், காலைப் பொழுதை அமைதியாகச் செலவிடுவதையும், அன்றைய முக்கியச் செய்திகளை நாளிதழ்கள் வாயிலாகத் தெரிந்துகொள்வதையும் அவர் விரும்புகிறார். குறிப்பாக, வால் ஸ்ட்ரீட் ஜர்னல் உள்ளிட்ட நாளிதழ்களை வாசிப்பது அவரது காலை வழக்கத்தில் முக்கிய இடம் பிடித்துள்ளது.

தூக்கத்திற்கும் முக்கியத்துவம் அளிக்கும் சுந்தர் பிச்சை

சுந்தர் பிச்சை பொதுவாக காலை 6.45 மணி முதல் 7.30 மணிக்குள் எழுந்திருப்பதை வழக்கமாகக் கொண்டுள்ளார். இரவு நேரங்களில் பணிகளில் அதிக சுறுசுறுப்புடன் செயல்படும் அவர், போதுமான ஓய்வு கிடைப்பதற்காக தினமும் சுமார் 6.5 முதல் 7 மணி நேரம் வரை தூங்க இலக்கு நிர்ணயித்துள்ளார். வேலைப்பளு அதிகமாக இருந்தாலும் தூக்கத்திற்கான நேரத்தை ஒதுக்குவது அவரது அன்றாட வாழ்க்கை முறையின் ஒரு பகுதியாக உள்ளது.

Also Read: பரோட்டா பிரியர்களின் கவனத்திற்கு: ருசிமிக்க இந்த உணவின் மறுபக்கம்!

உடற்பயிற்சியிலும் தனிக் கவனம்

பரபரப்பான தொழில் வாழ்க்கைக்கு இடையிலும் உடற்பயிற்சியைத் தவிர்க்காமல் தொடர்ந்து மேற்கொண்டு வருகிறார் சுந்தர் பிச்சை. வார இறுதி நாட்களில் உடற்பயிற்சிக்கு அதிக முக்கியத்துவம் அளிப்பதுடன், நடைப்பயிற்சி மற்றும் மலைப்பகுதிகளில் நடைபயணம் மேற்கொள்வதையும் விரும்புகிறார். வெள்ளிக்கிழமை மாலை பிரத்யேகமாக உடற்பயிற்சி செய்வதுடன், திங்கள் முதல் வியாழன் வரையிலான நாட்களில் கிடைக்கும் நேரத்திற்கு ஏற்ப உடற்பயிற்சிகளைச் செய்கிறார். தினமும் ஒரே பயிற்சியை மேற்கொள்ளாமல், மனநிலை மற்றும் நேரத்திற்கு ஏற்ப சைக்கிள் ஓட்டுதல் உள்ளிட்ட பயிற்சிகளையும் தேர்வு செய்கிறார்.