மறதி, கவனக்குறைவுக்கு குட்பை? மூளைக்கு தேவையான இதை சாப்பிடுங்கள்!
Brain Needs for Healthy: மூளையின் ஆரோக்கியத்திற்கு ஒமேகா-3, கோலின், பி வைட்டமின்கள், இரும்பு, மெக்னீசியம் மற்றும் துத்தநாகம் போன்ற ஊட்டச்சத்துகள் முக்கியத்துவம் பெறுகின்றன. மீன், முட்டை, பருப்பு வகைகள், கீரைகள், முழுதானியங்கள், கொட்டைகள் மற்றும் விதைகள் போன்ற உணவுகள் இந்த சத்துகளை வழங்கக்கூடும். ஒரே உணவைச் சார்ந்திருப்பதைவிட பல்வேறு ஊட்டச்சத்துகள் கிடைக்கும் வகையில் சமச்சீர் உணவைத் தேர்வு செய்வது மூளை செயல்பாட்டை ஆதரிக்க உதவும்.
மூளையின் செயல்பாடு மற்றும் நினைவாற்றலை சீராக வைத்திருக்க சமச்சீர் உணவு முக்கியமானது. ஒமேகா-3 கொழுப்பு அமிலங்கள் மூளை செல்களின் அமைப்பு மற்றும் தகவல் பரிமாற்றத்திற்கு உதவக்கூடும். முட்டை, சோயா, பால், வேர்க்கடலை போன்ற கோலின் சத்து நிறைந்த உணவுகளையும் உணவில் சேர்க்கலாம். பி வைட்டமின்கள் நரம்பியல் செயல்பாடுகள் மற்றும் உடலின் ஆற்றல் உற்பத்தியில் முக்கிய பங்கு வகிக்கின்றன. இரும்புச்சத்து மூளைக்கு ஆக்சிஜன் செல்வதற்கு உதவுவதுடன், மெக்னீசியம் நரம்புகளின் இயல்பான செயல்பாட்டிற்கு துணைபுரிகிறது. துத்தநாகம் மூளை செல்களுக்கு இடையேயான தகவல் பரிமாற்றத்தில் பங்களிக்கிறது. எனவே, பல்வேறு காய்கறிகள், கீரைகள், முழுதானியங்கள், பருப்பு வகைகள், கொட்டைகள், விதைகள் மற்றும் புரத உணவுகளை உள்ளடக்கிய மாறுபட்ட உணவுமுறை மூளை ஆரோக்கியத்திற்கு உதவக்கூடும்.
மூளையின் ஆரோக்கியத்துக்கு உணவு ஏன் முக்கியம்?
நமது உடலின் அனைத்து செயல்பாடுகளுக்கும் மூளை முக்கிய பங்கு வகிக்கிறது. சிந்தனை, நினைவாற்றல், கவனம், நரம்புகளின் செயல்பாடு உள்ளிட்ட பல பணிகள் தொடர்ந்து நடைபெறுவதால், மூளைக்கும் போதுமான ஊட்டச்சத்துகள் அவசியம். இதற்காக தனிப்பட்ட ஒரு உணவை மட்டும் நம்புவதற்குப் பதிலாக, பல்வேறு வகையான காய்கறிகள், பருப்பு வகைகள், முழுதானியங்கள், கொட்டைகள், விதைகள் மற்றும் புரத உணவுகளை உணவில் சேர்ப்பது பயனுள்ளதாக இருக்கலாம் என ஊட்டச்சத்து நிபுணர் அஞ்சலி முகர்ஜி தெரிவித்துள்ளார்.
ஒமேகா-3 கொழுப்பு அமிலங்கள்
மூளை செல்களின் அமைப்பு மற்றும் அவற்றுக்கிடையேயான தகவல் தொடர்பில் ஒமேகா-3 கொழுப்பு அமிலங்கள் முக்கியத்துவம் பெறுகின்றன. கொழுப்பு நிறைந்த மீன், ஆளி விதை, சியா விதை மற்றும் வால்நட் போன்ற உணவுகளில் இந்த ஊட்டச்சத்து கிடைக்கிறது. எனவே, உணவுத் தேவைகளுக்கு ஏற்ப இத்தகைய உணவுகளை அன்றாட உணவில் சேர்த்துக் கொள்ளலாம்.
Also Read: டாய்லெட் சீட்டை விட அதிக கிருமிகள் இருக்கும் வீட்டு பொருட்கள் இவைதான்!
கோலின் சத்து
நினைவாற்றல் மற்றும் நரம்புகளுக்கு இடையேயான தகவல் பரிமாற்றத்தில் உதவும் அசிடைல்கோலின் என்ற வேதிப்பொருளை உருவாக்குவதற்கு கோலின் சத்து தேவைப்படுகிறது. முட்டை, சோயாபீன்ஸ், டோஃபு, பால் மற்றும் வேர்க்கடலை போன்ற உணவுகள் கோலின் சத்துக்கான ஆதாரங்களாக குறிப்பிடப்படுகின்றன.
பி வைட்டமின்கள்
உடலில் ஆற்றல் உற்பத்தி, நரம்பியல் செயல்பாடு மற்றும் நரம்பியக்கடத்திகளின் உருவாக்கம் போன்ற செயல்களில் பி வைட்டமின்கள் பங்களிக்கின்றன. பருப்பு வகைகள், கீரைகள், முழுதானியங்கள், முட்டை, பால் சார்ந்த உணவுகள் மற்றும் பி வைட்டமின்கள் சேர்க்கப்பட்ட உணவுகள் மூலம் இவற்றைப் பெற முடியும்.
இரும்பு மற்றும் மெக்னீசியம்
மூளைக்கு ஆக்சிஜன் எடுத்துச் செல்வதிலும் நரம்பியல் செயல்பாடுகளிலும் இரும்புச்சத்து முக்கிய பங்கு வகிக்கிறது. பருப்பு, பீன்ஸ், எள், கீரைகள் மற்றும் இறைச்சி போன்றவற்றில் இரும்புச்சத்து காணப்படுகிறது. அதேபோல், நரம்பு தகவல் பரிமாற்றம் மற்றும் மூளை செல்களின் இயல்பான செயல்பாட்டுக்கு மெக்னீசியமும் உதவுகிறது; கொட்டைகள், விதைகள், பருப்பு வகைகள், முழுதானியங்கள் மற்றும் கீரைகள் இதற்கான உணவு ஆதாரங்களாக உள்ளன.
பொறுப்புத் துறப்பு: இத்தளத்தில் உள்ள லைப்ஸ்டைல், ஆரோக்கியம் மற்றும் உணவு சார்ந்த தகவல்கள் பொதுவான விழிப்புணர்விற்காக மட்டுமே; இவை மருத்துவ ஆலோசனையல்ல. இதில் உள்ள குறிப்புகளைப் பின்பற்றும் முன் தகுந்த நிபுணர் அல்லது மருத்துவரின் ஆலோசனையைப் பெறுவது அவசியமாகும்.
