நியாபக மறதி பிரச்னை இருக்கா? புத்திக் கூர்மையை அதிகரிக்க வேண்டுமா? இந்த உணவுகளை டிரை பண்ணுங்க

நமது உடலில் மூளையின் (Brain) எடை சுமார் 1.4 கிலோ மட்டுமே என்றாலும், அது உடலில் நிகழும் பல செயல்பாடுகளை மூளை தான் கட்டுப்படுத்துகிறது. மூளை மிகவும் சிக்கலான உறுப்பு. உடலில் பல்வேறு உறுப்புகளில் பிரச்னை ஏற்பட்டால் அதனை சரி செய்ய நவீன மருத்துவ முறைகள் வந்து விட்டன. ஆனால் மூளைக்கு ஏற்படும் பாதிப்புகளை அவ்வளவு எளிதில் சரி செய்ய முடியாது. எனவே மூளைை மிகவும் கவனமாக கையாள வேண்டும். அதற்கு அடிக்கடி மூளைக்கான பயிற்சிகளை (Brain Exercise) மேற்கொள்ள  வேண்டும். புதிதாக ஏதாவது கற்கும்போது நம் மூளை சுறுசுறுப்பாக இயங்கு. குறிப்பாக  நாம் உட்கொள்ளும் உணவில் உள்ள மொத்த ஆற்றலில் தோராயமாக முப்பது சதவீதம் மூளைக்குச் செல்கிறது. எனவே மூளையை ஆரோக்கியமாக வைத்திருக்க நல்ல உணவு அவசியம். இந்த கட்டுரையில் மூளையை ஆரோக்கியமாக வைத்திருக்க எடுத்துக்கொள்ள வேண்டிய உணவுகள் குறித்து விரிவாக பார்க்கலாம்.

குழந்தைகளின் புத்திசாலித்தனத்தை அதிகரிக்கவும், பெரியவர்களின் நினைவாற்றலை மேம்படுத்தவும், டிமென்ஷியா மற்றும் அல்சைமர் போன்ற பிரச்சனைகளைக் குறைக்கவும் சில முக்கியமான உணவுகளை உங்கள் அன்றாட உணவில் சேர்ப்பது அவசியம். இப்போது மூளைக்கு நல்லது செய்யும் உணவுகள் பற்றி அறிந்து கொள்வோம்.

மூளையை ஆரோக்கியமாக வைத்திருக்க எடுத்துக்கொள்ள வேண்டிய உணவுகள்

• ஆயுர்வேதத்தில் பிரபலமான நெல்லிக்காய், மூளை சக்திக்கு மிகவும் நன்மை பயக்கும். இதில் உள்ள ஆக்ஸிஜனேற்றிகள் மற்றும் முக்கியமான ஊட்டச்சத்துக்கள் மூளையை சுறுசுறுப்பாக வைத்திருக்க உதவுகின்றன.
• ப்ரோக்கோலி போன்ற காய்கறிகள் மூளையில் லேசான ஆக்ஸிஜன் அழுத்தத்தைக் குறைத்து நினைவாற்றலை மேம்படுத்துகின்றன. இவை நரம்பு மண்டலம் தொடர்பான நோய்களைத் தடுக்க உதவுகின்றன, குறிப்பாக அல்சைமர் நோயைத் தடுக்கின்றன.
• வைட்டமின் ஈ அதிகம் உள்ள உணவுகள், குறிப்பாக வால்நட்ஸ் போன்ற பருப்பு வகைகள் மற்றும் தேன் ஆகியவை மூளைக்கு நல்ல வலிமையை அளிக்கின்றன. இது மூளை நரம்பு செல்களைப் பாதுகாக்கிறது.
• மூளையின் செயல்பாட்டை மேம்படுத்த ஒமேகா 3 கொழுப்பு அமிலங்கள் மிகவும் முக்கியம். மீன் மற்றும் எண்ணெய்கள் (ஆலிவ் எண்ணெய் மற்றும் தேங்காய் எண்ணெய் போன்றவை) இந்த ஊட்டச்சத்துக்களின் நல்ல ஆதாரங்கள். இவை மூளையை சுறுசுறுப்பாக வைத்திருக்கவும், மன ஆற்றலை அதிகரிக்கவும் உதவுகின்றன.
• சிட்ரஸ் பழங்கள் ஃப்ரீ ரேடிக்கல்களைக் குறைத்து மூளை செல்களைப் பாதுகாக்கின்றன. இது மூளை ஆரோக்கியத்தை மேம்படுத்துகிறது.
• காபி குடிப்பது மூளையைத் தூண்டுகிறது. இது மன சோர்வைக் குறைத்து கவனத்தை மேம்படுத்த உதவுகிறது. காபியில் உள்ள சிறப்பு இரசாயனங்கள் மூளையில் சோர்வை ஏற்படுத்தும் பொருட்களின் செயல்பாட்டைக் குறைத்து மனதை சுறுசுறுப்பாக வைத்திருக்கின்றன.
• டார்க் சாக்லேட்டில் உள்ள கோகோவில் உள்ள ஃபிளாவனாய்டுகள் மூளைக்கு ஆற்றலை வழங்குகின்றன. இவை ஞாபக சக்தியை அதிகரிக்க உதவுகின்றன. இருப்பினும், டார்க் சாக்லேட்டை குறைந்த அளவிலேயே உட்கொள்ள வேண்டும்.