Mushrooms Health Benefits: அட! காளான் சாப்பிடுவதால் உடலுக்கு இவ்வளவு நன்மைகளா?

மாறி வரும் உணவு பழக்க வழக்கத்தின் காரணமாக பலரும் இளம் வயதிலேயே பல்வேறு உடல் நலப் பிரச்னைகளுக்கு ஆளாகின்றனர். உணவு முறைகளை மாற்றி அமைத்துக்கொள்வதன் மூலமே ஒருவர் தான் இழந்த ஆரோக்கியத்தை மீட்க முடியும். குறிப்பாக நாம் அன்றாட உணவுகளில் என்ன சாப்பிட வேண்டும் என்பதில் கவனமாக இருக்க வேண்டும். அந்த வகையில் காளான் நம் உடலுக்கு பல நன்மைகளை வழங்குின்றன. குறிப்பாக காளான்களில் (Mushroom) உள்ள ஆக்ஸிஜனேற்றிகள் நமது நோய் எதிர்ப்பு சக்தியை பலப்படுத்துகின்றன. அவை உடலை தீங்கு விளைவிக்கும் விஷயங்களில் இருந்து பாதுகாத்து, நோய்களை எதிர்க்கும் வலிமையை நமக்கு கொடுக்கின்றன. காளானில் உள்ள இயற்கை ஊட்டச்சத்துக்கள் உடலில் உள்ள கொழுப்பின் அளவைக் குறைக்க உதவுகின்றன. இதனால் இதய நோய்கள் வருவதற்கான வாய்ப்புகள் குறைகின்றன.

எடை குறைக்க விரும்புபவர்களுக்கு காளான் ஏற்ற உணவு

• எடை குறைக்க விரும்புவோருக்கு காளான்கள் மிகவும் நல்லது. காளான்களில் கலோரிகள் குறைவு என்பதால் டயட்டில் இருப்பவர்கள் அவற்றைச் சாப்பிடுவது எந்த பாதிப்பையும் ஏற்படுத்தாது. மேலும் காளான் சாப்பிட்ட பிறகு உங்களுக்கு விரைவில் பசி எடுக்காது. பெரும்பாலும் வைட்டமின் டி அதிகமாக உள்ள உணவுகள் மிகக் குறைவு. காளான்கள் அவற்றில் ஒன்று. இது எலும்பு ஆரோக்கியத்திற்கு அவசியம்.
• காளான்களில் வைட்டமின்கள் பி1, பி2, பி3, பி5 மற்றும் பி6 ஆகியவை நிறைந்துள்ளன. இது உடல் சக்தியை அதிகரித்து சோர்வைக் குறைகிறது. சில ஆராய்ச்சிகளின்படி, காளான்கள் புற்றுநோய் எதிர்ப்பு பண்புகளைக் கொண்டிருப்பதாக நம்பப்படுகிறது. இவை உடல் செல்களைப் பாதுகாத்து புற்றுநோயைத் தடுக்கும்.
• காளான்கள் மன அழுத்தத்தைக் குறைக்க உதவுகின்றன. இவற்றில் மூளை ஆரோக்கியத்திற்கு நல்ல ஊட்டச்சத்துக்கள் உள்ளன. இவை செரிமான அமைப்பை வலுப்படுத்துவதில் குறிப்பாக பயனுள்ளதாக இருக்கும். நார்ச்சத்து அதிகமாக இருப்பதால் மலச்சிக்கல் போன்ற பிரச்னைகள் குறையும். இவை குறைந்த கிளைசெமிக் குறியீட்டைக் கொண்டுள்ளன. அதனால்தான் அவை நீரிழிவு நோயாளிகளுக்கு நல்லது. இரத்த சர்க்கரை அளவைக் கட்டுப்படுத்த உதவுகிறது.
• காளான்களில் நார்ச்சத்து மற்றும் செலினியம் போன்ற முக்கியமான தாதுக்கள் இருப்பதால், அவை உடலில் உள்ள நச்சுக்களை நீக்க உதவுகின்றன. காளான்களில் உள்ள வைட்டமின்கள் மற்றும் தாதுக்கள் சருமத்தை ஆரோக்கியமாகவும், முடியை அடர்த்தியாகவும் ஆரோக்கியமாகவும் வளர உதவும்.
• உங்கள் உணவில் காளான்களைத் தொடர்ந்து சேர்த்துக் கொள்வது உங்களுக்கு ஆற்றலைத் தரும், உங்கள் மனதை அமைதிப்படுத்தும், மேலும் உங்கள் உடலைச் சுத்தமாக வைத்திருக்கும். இருப்பினும், சுத்தமாகவும் சரியாகவும் சமைக்கப்பட்ட காளான்களை சாப்பிடுவது சிறந்தது.

(Disclaimer : இணையத்தில் இருந்து சேகரிக்கப்பட்ட தகவல்களின் அடிப்படையில் இந்த விவரங்கள் கொடுக்கப்பட்டுள்ளன. உள்ளடக்கங்கள் தகவலுக்காக மட்டுமே. முயற்சிக்கும் முன் தொடர்புடைய நிபுணர்களின் ஆலோசனையைப் பெறவும். எந்த விளைவுகளுக்கும் TV9Tamil பொறுப்பேற்காது.)