Health Tips: கோடைக்காலத்தில் நீர்ச்சத்து வறட்சியா..? போக்க உதவும் உணவுகள்..!
Summer Hydrating Foods: கோடையில் எவ்வளவு அதிகமாகத் தண்ணீர் குடிக்கிறீர்களோ, அவ்வளவு அதிகமாக உங்களுக்குத் தாகம் எடுக்கும். இது மேலும் பல உடல்நலப் பிரச்சனைகளுக்கு வழிவகுக்கிறது. எனவே, கோடையில் நீர்ச்சத்து (Hydration) குறைவதைத் தவிர்க்க நீங்கள் என்ன செய்ய வேண்டும் என்பதை தெரிந்து கொள்வது முக்கியம்.
மே மாதம் வந்தவுடன், கோடையில் (Summer) நாளுக்கு நாள் வெப்பம் அதிகரிக்கிறது. இந்த பருவத்தின்போது அதீத சோர்வும் களைப்பும் பொதுவாகவே ஏற்படும். நீங்கள் எவ்வளவு அதிகமாகத் தண்ணீர் குடிக்கிறீர்களோ, அவ்வளவு அதிகமாக உங்களுக்குத் தாகம் எடுக்கும். இது மேலும் பல உடல்நலப் பிரச்சனைகளுக்கு வழிவகுக்கிறது. எனவே, கோடையில் நீர்ச்சத்து (Hydration) குறைவதைத் தவிர்க்க நீங்கள் என்ன செய்ய வேண்டும் என்பதை தெரிந்து கொள்வது முக்கியம். கோடையில் உடலை நீரேற்றத்துடன் வைத்திருக்க உதவும் உணவுகள் குறித்த விஷயங்களை இங்கே தெரிந்து கொள்வோம்.
ALSO READ: கோடையில் சிறுவர்களுக்கு நீரிழப்பு பயமா..? இந்த அறிகுறிகளை ஏன் புறக்கணிக்கக்கூடாது?
தர்பூசணி:
கோடைக்காலத்தில் ஆரோக்கியத்திற்கு தர்பூசணி ஒரு சிறந்த தேர்வாகும். இது மிகவும் சத்தான மற்றும் உடலுக்கு நீர்ச்சத்தை அளிக்கக்கூடிய ஒரு உணவாகும். அதிக நீர்ச்சத்து இருப்பதால், தர்பூசணியில் கலோரிகளின் அடர்த்தி குறைவாக உள்ளது. இதன் பொருள், அதிக அளவு தர்பூசணி சாப்பிடுவது உங்கள் உடலை நீரேற்றத்துடன் வைத்திருக்கும். மதிய வெயிலின்போது உடலை புத்துணர்ச்சியாக வைக்க தர்பூசணியை தினசரி எடுத்துக்கொள்ளலாம்.
வெள்ளரிக்காய்:
அதிக நீர்ச்சத்து இருப்பதால், கோடைக்காலத்தில் தாகத்தைத் தணிக்க வெள்ளரிக்காய் பயனுள்ளதாக இருக்கும். உங்களுக்கு வெறுமனே சாப்பிட பிடிக்கவில்லை என்றால், இதை சாலட்கள் மற்றும் சாண்ட்விச்களாக சாப்பிடலாம். கோடையில் எவ்வளவு வெள்ளரிக்காயை சாப்பிடுகிறமோ, உடலுக்கு அவ்வளவு நீர்ச்சத்தை தரும். வெள்ளரிக்காயைப் பச்சையாகச் சாப்பிடுவது பல ஆரோக்கிய நன்மைகளை வழங்குகிறது.
பால்:
ஒரு டம்ளர் பாலில் புரதம், கார்போஹைட்ரேட்டுகள் மற்றும் கொழுப்பு ஆகியவை உள்ளன. இது கோடை காலத்தில் ஆரோக்கியமாக இருக்க உதவுகிறது. மேலும், உடலுக்கு நீர்ச்சத்தை மீண்டும் அளிக்க இது ஒரு சிறந்த வழியாகும். ஆனால், பாலை முடிந்தவரை ஆறவிட்ட பிறகு குடிப்பது சிறந்தது.
தயிர்:
சாதாரண விஷயமாக பார்க்கப்படும் தயிரில் அதிக நீர்ச்சத்தும் ஊட்டச்சத்துக்களும் உள்ளன. அது பல்வேறு வழிகளில் ஆரோக்கியத்திற்கு நன்மை அளிக்கிறது. ஆனால், சுவையூட்டப்பட்ட தயிரைத் தேர்ந்தெடுக்க வேண்டாம். ஏனெனில், இனிப்புத் தயிரில் பொதுவாக உடலுக்குத் தீங்கு விளைவிக்கும் அளவுக்கு ஆரோக்கியமற்ற சர்க்கரை உள்ளது. தயிரின் முழு நன்மையை பெற உணவுக்குப் பிறகோ அல்லது காலை உணவாகவோ ஒரு கிண்ணம் தயிர் உட்கொள்ளலாம் அல்லது வேகவைத்த சாதத்துடன் தயிர் கலந்து சாப்பிடலாம்.
ALSO READ: கோடை காலத்தில் புளிக்க வைக்கப்பட்ட உணவுகளில் கூடுதல் கவனம் தேவை: ஏன் தெரியுமா?
தக்காளி:
கோடை காலத்தில் தக்காளி மிகவும் சத்து நிறைந்தது. அவற்றில் கணிசமான அளவு வைட்டமின்களும் கனிமங்களும் உள்ளன. அவற்றை பச்சையாகவோ அல்லது சமைத்தோ சாப்பிடலாம். மேலும், அவற்றை சாலடுகள் மற்றும் சூப்களிலும் பயன்படுத்தலாம்.
