Jana Nayagan : தளபதி விஜய்யின் ஜன நாயகனின் இசை வெளியீட்டு விழா எப்போது ? எங்கே தெரியுமா?

தளபதி விஜய்

தளபதி விஜய்யின் (Thalapathy Vijay) நடிப்பில் கடைசியாக வெளியான திரைப்படம் தி கோட் (The GOAT). இயக்குநர் வெங்கட் பிரபுவின் இயக்கத்தில் வெளியான இப்படமானது ரசிகர்கள் மத்தியில் நல்ல வரவேற்பைப் பெற்று சுமார் ரூ 450 கோடிகளுக்கு மேல் வசூல் செய்தது. இந்த படத்தை அடுத்து விஜய்யின் 69வது படமாக உருவாகியிருப்பது ஜனநாயகன் (Jana Nayagan). இந்த படத்தைத் துணிவு மற்றும் தீரன் அதிகாரம் ஒன்று போன்ற படங்களை இயக்கிய, ஹெச். வினோத் (H. Vinotha) இயக்கியுள்ளார். இவர் தளபதி விஜய்யுடன் இணையும் முதல் திரைப்படமாகும். இந்த படமானது தளபதி விஜய்யின் கடைசி திரைப்படமாக இருக்கலாம் எனக் கூறப்படும் நிலையில், இப்படத்தின் மீது பெரும் எதிர்பார்ப்புகள் இருந்து வருகிறது.

இந்த படமானது வரும் 2026, ஜனவரி 09ம் தேதியில் உலகமெங்கும் வெளியாகவுள்ளது. இந்நிலையில், இப்படத்தின் வெளியீட்டை முன்னிட்டு, படத்தின் இசை வெளியீட்டு விழா (Audio launch event) எப்போது என்பதைப் பற்றிய தகவல்களும் இணையத்தில் வைரலாகி வருகிறது. ஜன நாயகன் படத்தின் இசை வெளியீட்டு விழா, மலேசியாவில் மிகப் பிரம்மாண்டமாக நடைபெறவுள்ளதாம். வரும் 2025, டிசம்பர் மாதம் 27 ஆம் தேதியில் நடைபெறவிருப்பதாகத் தகவல்கள் வெளியாகி வருகிறது. தற்போது, இசை வெளியீட்டு விழாவிற்கான பணிகளும் துவங்கியுள்ளதாகவும் கூறப்படுகிறது.

இதையும் படிங்க : கூலி பட டிக்கெட் வாங்க முந்தியடித்த கேரள ரசிகர்கள்.. வைரலாகும் வீடியோ!

ஜன நாயகன் படக்குழு வெளியிட்ட லேட்டஸ்ட் எக்ஸ் பதிவு :

ஜன நாயகன் படத்தில் தளபதி விஜய்க்கு ஜோடியாக நடிகை பூஜா ஹெக்டே நடித்துள்ளார். இந்த படத்தின் மூலம் தளபதி விஜய்யுடன் இரண்டாவது முறையாக நடிக்கிறார் என்பது குறிப்பிடத்தக்கது. மேலும் இப்படத்தில் நடிகர்கள் நரேன், பிரியாமணி, மமிதா பைஜூ, வரலட்சுமி சரத்குமார், ரேவதி, ஸ்ருதி ஹாசன், பாபி தியோல் மற்றும் பல்வேறு பிரபலங்கள் இணைந்து நடித்துள்ளனர்.

இதையும் படிங்க : ‘காந்தாரா 2’ படத்தில் ருக்மிணி வசந்த்.. படக்குழு வெளியிட்ட போஸ்டர்!

இந்த படத்தில் நடிகர் நரேன், அறிவியல் ஆராய்ச்சியாளர் வேடத்தில் நடித்துள்ளதாகக் கூறியுள்ளார். இந்த படத்தின் ஷூட்டிங் முழுமையாக நிறைவடைந்திருக்கும் நிலையில், போஸ்ட் ப்ரொடக்ஷன் பணிகளில் தீவிரமாக இருந்து வருகிறது. இந்த படத்தின் வெளியீட்டிற்கு இன்னும் 4 மாதங்களுக்கும் மேல் இருக்கும் நிலையில், படத்தின் அப்டேட்டுகள் மாதம் ஒன்று வெளியாகும் எனக் கூறப்படுகிறது.

தளபதி விஜய்யின் பிறந்தநாளை முன்னிட்டு, ஜன நாயகன் படத்தின் க்ளிம்ப்ஸ் வீடியோ வெளியாகி ரசிகர்கள் மத்தியில் வரவேற்பைப் பெற்றிருந்தது. இந்த படத்திற்கு அனிருத் இசையமைத்து வரும் நிலையில், இப்படத்தின் முதல் பாடல் குறித்த அறிவிப்புகளும் விரைவில் வெளியாகவும் என எதிர்பார்க்கப்படுகிறது.