Vaa Vaathiyaar: சூப்பர் பீட்.. யூடியூப்பில் 3 மில்லியன் பார்வைகளை கடந்த கார்த்தியின் வா வாத்தியார் பட 2வது பாடல்!
Aalapikkey Ummak Song: தமிழில் பிரபல நடிகர்களில் ஒருவர்தான் கார்த்தி. இவரின் நடிப்பில் தமிழில் வெளியீட்டிற்கு தயாராகிவரும் திரைப்படம் வா வாத்தியார். இப்படத்திலிருந்து ஆலாபிக்கி உம்மக் என்ற பாடல் சமீபத்தில் வெளியான நிலையில், யூடியூப்பில் 3 மில்லியன் பார்வைகளை கடந்துள்ளதாம். இது குறித்து படக்குழு அறிவிப்பு வீடியோ வெளியிட்டுள்ளது.
நடிகர் கார்த்தியின் (Karthi) நடிப்பில் ஆண்டுதோறும் நிச்சயம் ஒரு படமாவது வெளியாகி மக்களிடையே நல்ல வரவேற்பை பெற்றுவருவது வழக்கம். அந்த வகையில் இவரின் நடிப்பில் 2025ம் ஆண்டில் வெளியாக காத்திருக்கும் படம்தான் வா வாத்தியார் (Vaa Vaathiyaar). இந்த படத்தில் நடிகர் கார்த்தி நாயகனாக நடிக்க, நடிகை க்ரித்தி ஷெட்டி (Krithi Shetty) கதாநாயகியாக நடித்துள்ளார். இவர்கள் இருவருக்கும் கிட்டத்தட்ட 23 வயது வித்தியாசம் இருப்பதாக கூறப்படுகிறது. இந்த வா வாத்தியார் படத்தை பிரபல இயக்குநர் நலன் குமாரசாமி (Nalan Kumaraswamy) இயக்க, ட்ரீம் வாரியர் பிக்ச்சர்ஸ் நிறுவனத்தின் கீழ் தயாரிப்பாளர் ஞானவேல் ராஜா தயாரித்துவருகிறார். இந்த படத்திற்கு இசையமைப்பாளர் சந்தோஷ் நாராயணன் (Santhosh Narayanan) இசையமைத்துள்ள நிலையில், கிட்டத்தட்ட இப்படத்திலிரு 2 பாடல்கள் வெளியாகியுள்ளது. அதில் சமீபத்தில் வெளியாகி ரசிகர்கள் மத்தியில் வரவேற்கப்படும் பாடல்தான் ஆலாபிக்கி உம்மக் (Aalapikkey Ummak).
இந்த பாடலானது 2 நாட்களுக்கு முன் வெளியான நிலையில், இதுவரை யூடியூப்பில் சுமார் 3 மில்லியன் பார்வைகளை கடந்துள்ளதாம். இது தொடர்பான ஸ்பெஷல் வீடியோ ஒன்றை படக்குழு வெளியிட்டுள்ளது. இது தற்போது ரசிகர்களிடையே வைரலாகிவருகிறது.
இதையும் படிங்க: வாத்தி பட ஷூட்டிங்கில் அகாண்டா படத்தை புகழ்ந்து பேசிய தனுஷ் – நடிகை சம்யுக்தா மேனன் ஓபன் டாக்
யூடியூப் பார்வைகளை குறித்து படக்குழு வெளியிட்டுள்ள வீடியோ பதிவு :
Vibes Viral. Views Massive 3M+#AalapikkeyUmmak from #VaaVaathiyaar is creating waves 😉🕺
Streaming Now 🔗https://t.co/2QdZm4cml8
🎤 #Kelithee #SanthoshNarayanan
📝 Kelithee
🕺 @iamSandy_offA #NalanKumarasamy Entertainer
A @Music_Santhosh Musical ft#VaathiyaarVaraar… pic.twitter.com/CWMYtjGY1x— Studio Green (@StudioGreen2) November 29, 2025
வா வாத்தியார் பட ரிலீஸ் தேதியில் மாற்றம் :
கார்த்தியின் நடிப்பில் கடந்த 2024ம் ஆண்டுல் மெய்யழகன் என்ற படம் வெளியானது. அதை தொடர்ந்து இந்த 2025ம் ஆண்டும் இறுதிக்கட்டத்தில் உள்ளது. இன்னும் மீதம் 1 மாதம் மட்டுமே இருக்கும் நிலையில், இதுவரை கார்த்தியின் எந்த படங்களும் வெளியாகவில்லை. அந்த வகையில் இந்த 2025 டிசம்பர் 5ம் தேதியில் கார்த்தியின் வா வாத்தியார் படம் வெளியாகும் என அறிவிக்கப்பட்டிருந்தது.
இதையும் படிங்க: ‘பெரும் சேனை ஒன்று தேவை’… பராசக்தி பட டப்பிங் பணியை தொடங்கிய சிவகார்த்திகேயன்!
ஆனால் இந்த படத்தின் இறுதிக்கட்ட வேலைகள் இன்னும் நிறைவடையாத காரணத்தினாலே ரிலீஸ் தேதி தள்ளிப்போவதாக தகவல்கள் வெளியாகிவருகிறது. இன்னும் இப்படத்தின் ரிலீசிற்கு சில நாட்கள் மட்டும் இருக்கும் நிலையில் ட்ரெய்லர் மற்றும் இசை வெளியீட்டுவிழா தொடர்பான எந்த அறிவிப்பும் வெளியாகவில்லை. இதன் காரணமாக இப்படத்தின் ரிலீஸ் தள்ளிப்போகும் என வட்டாரங்கள் தெரிவிக்கிறது. ஆனால் இது குறித்து படக்குழு எந்த அறிவிப்புகளையும் வெளியிடவில்லை என்பது குறிப்பிடத்தக்கது.
