2026-ல் ஒரு சவரன் தங்கம் ரூ.1,14,000 ஆக இருக்கும்.. பேங்க் ஆஃப் அமெரிக்கா சொன்ன ஷாக் தகவல்!
Gold Price Will Cross 1,14,000 Rupees | தங்கம் சற்று விலை குறைந்த நிலையில், தற்போது மீண்டும் விலை உயர்வை சந்தித்து வருகிறது. இந்த நிலையில், 2026-ல் ஒரு சவரன் தங்கம் ரூ.1,14,000 ஆக விற்பனை செய்யப்படும் என்று பேங்க் ஆஃப் அமெரிக்கா தெரிவித்துள்ளது.
2025, அக்டோபர் மாத இறுதியில் சர்வதேச சந்தையில் தங்கம் கடுமையான விலை சரிவை சந்தித்தது. அதனை தொடர்ந்து தங்கம் சற்று விலை குறைவாக விற்பனை செய்யப்பட்டு வந்தது. இந்த நிலையில், கடந்த சில நாட்களாக தங்கம் மீண்டும் விலை உயர்வை சந்தித்து வருகிறது. இந்த நிலையில், தங்கம் விலை (Gold Price) குறையுமா அல்லது மேலும் விலை உயர்வை சந்திக்குமா என்ற குழப்பம் எழுந்துள்ளது. இந்த குழப்பங்களுக்கு மத்தியில் தான் பேங்க் ஆஃப் அமெரிக்கா (Bank of America) அதிர்ச்சியூட்டும் சில தகவல்களை வெளியிட்டுள்ளது. அது குறித்து விரிவாக பார்க்கலாம்.
தங்கம் குறித்து பேங்க் ஆஃப் அமெரிக்கா வெளியிட்ட முக்கிய தகவல்
2025-ல் தங்கம் 50 சதவீதத்திற்கும் மேல் வளர்ச்சி அடைந்து வரலாற்று சாதனை படைத்தது. இந்த நிலையில், 2026 ஆம் ஆண்டும் தங்கம் இத்தகைய கடுமையான விலை உயர்வை சந்திக்குமா அல்லது விலை குறையுமா என்ற சந்தேகங்கள் எழ தொடங்கியுள்ளது. இந்த நிலையில் தான், சர்வதேச சந்தையில் ஒரு அவுன்ஸ் தங்கத்தின் விலை ரூ.4,385 டாலர்களில் இருந்து 5,000 டாலர்கள் வரை உயரக்கூடும் என்று பேங்க் ஆஃப் அமெரிக்கா தெரிவித்துள்ளது.
இதையும் படிங்க : உலகின் இரண்டாவது பணக்காரராக முன்னேறினார் லாரி பேஜ்.. லாரி எலிசனை முந்தினார்!
தங்கத்தின் விலை தொடர்ந்து உயரும் – பேங்க் ஆஃப் அமெரிக்கா
மேக்ரோ பொருளாதார சூழல் மற்றும் பாதுகாப்பான முதலீடாக தங்கம் உள்ள நிலையில், தங்கத்தின் விலை தொடர்ந்து உயரும் என்று பேங்க் ஆஃப் அமெரிக்கா தெரிவித்துள்ளது. 2025, டிசம்பர் மாதத்தில் அமெரிக்க மத்திய வங்கி (America Central Bank) வட்டி குறைப்பு நடவடிக்கையை கையில் எடுக்க உள்ளதாக தகவல் வெளியாகியுள்ள நிலையில், அதன் எதிரொலியாக தற்போது தங்கம் மிக வேகமாக உயர்ந்து வருவதாக கூறப்பட்டுகிறது.
இதையும் படிங்க : இனி 7 நாட்களுக்கு ஒருமுறை கிரெடிட் ஸ்கோர் அப்டேட்.. ஆர்பிஐ-ன் அசத்தல் திட்டம்!
ஒரு சவரன் தங்கத்தின் விலை ரூ.1,14,000-த்தை தாண்டும்
2026 ஆம் ஆண்டு தற்போதுள்ள நிலையை விட தங்கம் 21.42 சதவீதம் உயர்வை சந்திக்கும் என்று பேங்க் ஆஃப் அமெரிக்கா தெரிவித்துள்ளது. அதனை மதிப்பிட்டு பார்க்கும் நிலையில், ஒரு சவரன் தங்கம் ரூ.1,14,000 எட்ட வாய்ப்புள்ளது. பேங்க் ஆஃப் அமெரிக்காவின் இந்த கணிப்பு சாமானிய மக்கள் மற்றும் நகை பிரியர்கள் மத்தியில் கடும் அதிர்ச்சியை ஏற்படுத்தியுள்ளது.
