பிரதமர் மோடிக்கு ஸ்லோவாக் குடியரசின் உயரிய தேசிய விருது – மேலும் ஒரு கௌரவம்!

ஸ்லோவாக்கியாவுக்கான பயணத்தின்போது பிரதமர் நரேந்திர மோடிக்கு மற்றொரு அரிய கௌரவம் கிடைத்தது. ஸ்லோவாக் குடியரசின் உயரிய தேசிய விருதான ‘தி ஆர்டர் ஆஃப் தி வைட் டபுள் கிராஸ் (The Order of the White Double Cross – First Class) விருதை ஸ்லோவாக் அதிபர் பீட்டர் பெல்லெக்ரினி பிரதமர் மோடிக்கு வழங்கினார். இந்த கௌரவத்துடன், பிரதமர் மோடி பெற்ற சர்வதேச விருதுகளின் மொத்த எண்ணிக்கை 33 ஆக உயர்ந்துள்ளது . ஸ்லோவாக் பிரதமர் ராபர்ட் ஃபிகோ முன்னிலையில் நடைபெற்ற இருதரப்பு பேச்சுவார்த்தைகளின்போது பாதுகாப்பு, இணையப் பாதுகாப்பு, டிஜிட்டல் தொழில்நுட்பம் மற்றும் அணுசக்தி ஆகிய துறைகளில் முக்கிய ஒப்பந்தங்கள் மேற்கொள்ளப்பட்டன. ஸ்லோவாக்கியாவிற்கு வருகை தந்த முதல் இந்தியப் பிரதமர் என்ற பெருமையை மோடி பெற்றார்.

ஸ்லோவாக் குடியரசின் உயரிய தேசிய விருது

பிரதமர் நரேந்திர மோடியின் ஸ்லோவாக்கியா பயணம் விறுவிறுப்பாக நடைபெற்று வருகிறது. ஸ்லோவாக்கியாவின் தலைநகரான பிராட்டிஸ்லாவாவில் பிரதமர் மோடிக்கு சிறப்பான வரவேற்பு அளிக்கப்பட்டதுடன், ஸ்லோவாக் ராணுவத்தின் அணிவகுப்பு மரியாதையையும் அவர் ஏற்றுக்கொண்டார். இந்தியா மற்றும் ஸ்லோவாக்கியா இடையே பல்வேறு துறைகளில் முக்கிய ஒப்பந்தங்கள் எட்டப்பட்டன. பிரதமர் மோடி மற்றும் ஸ்லோவாக் பிரதமர் ராபர்ட் ஃபிகோ முன்னிலையில் இருதரப்பு ஒப்பந்தங்கள் கையெழுத்தாகின. இந்தியா மற்றும் ஸ்லோவாக்கியா இடையிலான பல தசாப்த கால நல்லுறவைச் சுட்டிக்காட்டிய மோடி, பாதுகாப்பு, இணையப் பாதுகாப்பு, டிஜிட்டல் தொழில்நுட்பம் மற்றும் அணுசக்தி ஆகிய துறைகளில் ஒப்பந்தங்கள் இறுதி செய்யப்பட்டுள்ளதாக அறிவித்தார். ஸ்லோவாக் பிரதமர் ராபர்ட் ஃபிகோவை இந்தியாவிற்கு வருகை தருமாறு மோடி அழைப்பு விடுத்தார். இதற்கிடையில், இப்பயணத்தின்போது ஒரு முக்கிய நிகழ்வு நடைபெற்றது: ஸ்லோவாக்கியா தனது உயரிய விருதான “தி ஆர்டர் ஆஃப் தி வைட் டபுள் கிராஸ் (முதல் வகுப்பு)” விருதை பிரதமர் மோடிக்கு வழங்கியது. இதன் மூலம், பல்வேறு நாடுகளிடமிருந்து பிரதமர் மோடி பெற்ற சர்வதேச விருதுகளின் மொத்த எண்ணிக்கை 33-ஐ எட்டியுள்ளது; இதற்கு முன் அவர் 32 விருதுகளைப் பெற்றிருந்தார். மேலும், ஸ்லோவாக்கியாவிற்கு வருகை தந்த முதல் இந்தியப் பிரதமர் என்ற சாதனையையும் மோடி படைத்தார்.

பிரதமர் மோடியின் பதிவு

Honoured to receive The Order of the White Double Cross (1st Class) in Bratislava this evening. My gratitude to the people and Government of Slovakia for this honour, which belongs to the 140 crore people of India. I dedicate this award to the enduring friendship between India… pic.twitter.com/FXs96XremQ

— Narendra Modi (@narendramodi) June 15, 2026

பிராட்டிஸ்லாவாவில் நடைபெற்ற சிறப்பு விழாவில், ஸ்லோவாக் குடியரசின் அதிபர் பீட்டர் பெல்லெக்ரினி, அந்நாட்டின் உயரிய அரசு விருதான “தி ஆர்டர் ஆஃப் தி வைட் டபுள் கிராஸ் விருதை பிரதமர் நரேந்திர மோடிக்கு வழங்கினார். இந்தச் சிறப்பான கௌரவத்திற்காக ஸ்லோவாக்கியாவின் அதிபர், அரசு மற்றும் மக்களுக்குப் பிரதமர் தனது மனமார்ந்த நன்றியைத் தெரிவித்தார். விருதைப் பெற்றுக்கொண்டபோது, ​​இந்தக் கௌரவமானது இந்தியாவின் 140 கோடி மக்களுக்கும், இந்தியா மற்றும் ஸ்லோவாக்கியா இடையிலான நீடித்த நட்புறவுக்கும் ஒரு சான்றாகத் திகழ்கிறது என்று அவர் குறிப்பிட்டார். இந்தியா மற்றும் ஸ்லோவாக்கியா நாட்டு மக்களை ஒன்றிணைக்கும் அன்பு, நம்பிக்கை மற்றும் பாசத்தின் சான்றாக இந்த விருதைக் குறிப்பிட்ட பிரதமர், இவ்விரு நாடுகளின் எதிர்காலத் தலைமுறையினரும் தங்கள் சிறப்பான நட்பைத் தொடர்ந்து பேணிக்காக்க இந்த கௌரவம் ஊக்கமளிக்கும் என்று நம்பிக்கை தெரிவித்தார்.