கோடைகாலத்தை விட குளிர்காலத்திலேயே ஏசியினால் மின் கட்டணம் அதிகரிக்குமா? – காரணம் என்ன?

மாதிரி புகைப்படம்

கோடைக்காலங்களில் வந்ததும், வீடுகளில் ஏசிகளின் பயன்பாடு பெருமளவில் அதிகரிக்கிறது. இதனால் மின் கட்டணம் அதிக அளவில் இருக்கும். குறிப்பாக வறண்ட வானிலை மற்றும் ஈரப்பதம் கொண்ட வானிலை மாறி மாறி வரும்போது நம் வீட்டு மின் கட்டணத்தை கடுமையாக பாதிக்கும். இத்தகைய சூழ்நிலைகளில் உண்மையில் எந்த வகையான வானிலையில் ஏசி அதிக மின்சாரம் செலவாகிறது என்ற கேள்வி நம்மில் பலருக்கும் தோன்றும். ஆனால், ஏசி பயன்பாட்டை நேரடியாக பாதிக்கும் காரணி காற்றில் உள்ள ஈரப்பதமே ஆகும். ஈரப்பதம் நிறைந்த வானிலையின்போது, ​​ஏசியின் பயன்பாடு அதிகரிக்கிறது. இதுவே, மின் நுகர்வு அதிகரிக்கக் காரணமாக அமைகிறது.

ஈரப்பதமான வானிலை நிலவும் போது ஏசி பயன்பாடு அதிகரிப்பதற்கான காரணம் என்ன?

காற்றில் ஈரப்பதத்தின் அளவு அதிகமாக இருக்கும்போது, ​​ஏசி அறையின் வெப்பநிலையைக் குறைப்பதுடன் மட்டும் நின்றுவிடாமல், கூடுதல் பணியையும் செய்ய வேண்டியுள்ளது. அதாவது, காற்றில் உள்ள அதிகப்படியான ஈரப்பதத்தையும் அது வெளியேற்ற வேண்டும். இந்தச் செயல்முறை டிஹூமிடிஃபிகேஷன் (Dehumidification) என்று அழைக்கப்படுகிறது. ஈரப்பதத்தை வெளியேற்றுவதற்கு, ஏசியின் கம்ப்ரஸர் நீண்ட நேரம் இயங்க வேண்டியுள்ளது; இதன் விளைவாக மின் நுகர்வு அதிகரிக்கிறது.

இதையும் படிக்க : உங்கள் போனை வேறு யாரும் கண்காணிக்கிறார்களா? எப்படி தெரிந்துகொள்வது?

இதனால்தான், கடலோரப் பகுதிகளில் அல்லது பருவமழைக்காலத்தின்போது ஏசிகள் அதிக மின்சாரத்தைச் செலவிடுகின்றன. அறையை குளிர்ச்சியாகவும் வசதியாகவும் உணரச் செய்வதற்கு, ஏசி தொடர்ந்து இயங்க வேண்டிய கட்டாயம் ஏற்படுகிறது. இதன் விளைவாக, ஈரப்பதம் நிறைந்த வானிலையின்போது உண்மையான வெப்பநிலை ஒப்பீட்டளவில் குறைவாகவே இருந்தாலும், அதற்கான மின்சாரக் கட்டணம் பெரும்பாலும் அதிகமாகவே வருகிறது.

வறண்ட வானிலையின்போது மின் நுகர்வு எவ்வாறு மாறுபடுகிறது?

வறண்ட வானிலை நிலவும் காலங்களில், காற்றில் உள்ள ஈரப்பதத்தின் அளவு மிகக் குறைவாக இருக்கும். இத்தகைய வானிலைச் சூழல்களில், அறையின் வெப்பநிலையைக் குறைப்பது மட்டுமே ஏசியின் ஒரே பணியாக இருக்கும். ஈரப்பதத்தை வெளியேற்றுவது தொடர்பான கூடுதல் பணிச்சுமை ஏதும் இல்லாததால், கம்ப்ரஸர் குறைவான அழுத்தத்தையே எதிர்கொள்கிறது. இதன் விளைவாக, ஏசி நிர்ணயிக்கப்பட்ட வெப்பநிலையை மிக விரைவாகவே அடைந்துவிடுகிறது.

இதையும் படிக்க : ஏஐ மனிதர்களின் சிந்திக்கும் திறனை குறைத்துவிடும்.. ஆய்வில் வெளியான அதிர்ச்சி தகவல்!

மேலும், அது அடிக்கடி ஆன் மற்றும் ஆஃப் என மாறி மாறி இயங்குகிறது. இதனால்தான் ராஜஸ்தான், ஹரியானா மற்றும் டெல்லி போன்ற வட இந்தியப் பகுதிகளில் கடுமையான வெப்பம் நிலவினாலும் கூட ஏசிக்கான மின் நுகர்வு ஒப்பீட்டளவில் கட்டுப்பாட்டிற்குள் இருக்கிறது. வெப்பநிலை மிக அதிக அளவை எட்டும்போது மின் நுகர்வு சற்று அதிகரிக்கக்கூடும் என்றாலும், பொதுவாக ஈரப்பதம் நிறைந்த வானிலையின்போது ஏற்படும் நுகர்வை ஒப்பிடும்போது இது குறைவாகவே இருக்கும்.