கரூர் வழக்கு… சிபிஐ விசாரணைக்காக டெல்லி செல்லும் விஜய் – வெளியான விவரம்

சிபிஐ விசாரணை, ஜனநாயகன் பட சென்சார் விவகாரம் என தமிழக வெற்றிக் கழகம் தலைவர் விஜய்க்கு சவாலாக மாறியுள்ள நிலையில், 2026 சட்டமன்றத் தேர்தலை முன்னிட்டு கட்சியின் தேர்தல் அறிக்கையை தயாரிக்க 12 உறுப்பினர்களைக் கொண்ட சிறப்பு குழுவை அவர் அறிவித்துள்ளார். தமிழ்நாட்டு மக்களின் முன்னேற்றம் மற்றும் மாநிலத்தின் ஒட்டுமொத்த வளர்ச்சியை இலக்காகக் கொண்டு இந்த தேர்தல் அறிக்கை உருவாக்கப்படுவதாக விஜய் வெளியிட்டுள்ள அறிக்கையில் தெரிவித்துள்ளார்.

இதையும் படிக்க : எடப்பாடியுடன் சந்திப்பு…உறுதி செய்யப்பட்டதா அதிமுக-பாஜக தொகுதி பங்கீடு…நயினார் கூறுவது என்ன!

இது தொடர்பாக அவர் தனது அறிக்கையில், இந்த குழு பொதுமக்கள், சிறு மற்றும் நடுத்தர தொழில் நிறுவனங்கள், தொழிலாளர் அமைப்புகள், பொருளாதாரம் மற்றும் தொழில் நிபுணர்கள், வர்த்தக சங்கங்கள், ஊழியர் சங்கங்கள், விவசாயிகள் அமைப்புகள், கல்வியாளர்கள், மருத்துவர்கள், செவிலியர்கள், இளைஞர் மற்றும் மகளிர் அமைப்புகள் உள்ளிட்ட பல்வேறு தரப்பினரிடமிருந்து கருத்துகள் மற்றும் தகவல்களை சேகரித்து தேர்தல் அறிக்கையை தயார் செய்யவுள்ளனர். இந்த சிறப்பு குழுவில் அருண் ராஜ், பிரபாகர், ராஜ்மோகன், மயூரி, சம்பத்குமார், அருள் பிரகாசம், பரணி பாலாஜி, முகம்மது பர்வேஸ், பிரபு, கிறிஸ்டி பிரித்வி, தேன்மொழி பிரசன்னா மற்றும் சத்யகுமார் ஆகியோர் இடம்பெற்றுள்ளனர்.