AQI
TV9 NETWORK LOGO
Default Image
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Latest Newsதமிழ்நாடுகிரிக்கெட்பொழுதுபோக்குவெப் ஸ்டோரிஸ்லைஃப்ஸ்டைல்வணிகம்டெக்னாலஜிஇந்தியாஆன்மீகம்உலகம்ஹெஃல்த்வைரல்போட்டோ கேலரி

காவிரி விவகாரம்.. தமிழக அரசுக்கு எதிராக உச்சநீதிமன்றத்தில் வந்த முக்கிய தீர்ப்பு.. அடுத்து நடப்பது என்ன?

Supreme Court Dismisses Tamil Nadu's Plea: காவிரியிலிருந்து ஜூலை முதல் நிலுவையில் உள்ள 11 டிஎம்சி தண்ணீரைத் திறந்துவிடக் கோரி தமிழ்நாடு அரசு தாக்கல் செய்த மனுவை உச்சநீதிமன்றம் தள்ளுபடி செய்துள்ளது. நிபுணத்துவம் பெற்ற காவிரி நீர் மேலாண்மை ஆணையம் செயல்பட்டு வரும் சூழலில் இந்த உத்தரவு வந்துள்ள நிலையில், தீர்ப்புக்கான காரணங்கள் பிற்பகலில் வெளியாகவுள்ளன.

காவிரி விவகாரம்.. தமிழக அரசுக்கு எதிராக உச்சநீதிமன்றத்தில் வந்த முக்கிய தீர்ப்பு.. அடுத்து நடப்பது என்ன?
உச்சநீதிமன்றம்
Esakkiraja Selvarathinam
Esakkiraja Selvarathinam | Updated On: 20 Nov 2026 11:48 AM IST

நவம்பர், 20: காவிரி ஆற்றிலிருந்து தமிழ்நாட்டிற்கு உரிய தண்ணீரைத் திறந்துவிடக் கோரி தமிழ்நாடு அரசு தாக்கல் செய்த மனுவை உச்சநீதிமன்றம் தள்ளுபடி செய்து முக்கிய உத்தரவு பிறப்பித்துள்ளது. காவிரி நீர் மேலாண்மை ஆணையம் மற்றும் காவிரி நீர் ஒழுங்காற்றுக் குழு போன்ற நிபுணத்துவம் பெற்ற தொழில்நுட்ப அமைப்புகள் ஏற்கனவே செயல்பட்டு வருவதால், இந்த விவகாரத்தில் உச்சநீதிமன்றம் நேரடியாகத் தலையிடுவதற்கான வாய்ப்பு குறைவாக இருப்பதாகக் கருதப்பட்டு வந்த நிலையில் இந்தத் தள்ளுபடி உத்தரவு வெளியாகியுள்ளது. உச்சநீதிமன்ற நீதிபதிகள் விக்ரம் நாத் மற்றும் சபரேஷ் குமார் ஆகியோர் அடங்கிய அமர்வு கடந்த அக்டோபர் 12-ஆம் தேதி இந்த வழக்கை விசாரித்திருந்த நிலையில், தற்போது மனு தள்ளுபடி செய்யப்பட்டுள்ளது.

இதையும் படிக்க: ஆந்திராவுக்கு தமிழக முதலீட்டு ரகசியங்கள் கசிந்ததா?.. முன்னாள் ‘கைடன்ஸ்’ ஊழியர்களால் வெடித்த பரபரப்பு!

11 டிஎம்சி நிலுவை நீருக்கான தமிழ்நாடு அரசின் வாதம்:

கடந்த அக்டோபர் 12-ஆம் தேதி நடைபெற்ற விசாரணையின் போது, ஜூலை மாதம் தொடங்கி நிலுவையில் உள்ள 11 டிஎம்சி தண்ணீரைக் கர்நாடகம் விடுவிக்க வேண்டியுள்ளது எனத் தமிழ்நாடு அரசு தரப்பில் தெளிவாக எடுத்துரைக்கப்பட்டது. நாள்தோறும் ஒரு டிஎம்சி தண்ணீரைத் திறந்துவிட்டால் கூட நிலுவைத் தண்ணீரை ஈடு செய்ய முடியும் என்றும், வினாடிக்கு 3,000 கன அடி தண்ணீர் திறப்பதில் எவ்விதப் பிரச்சனையும் இல்லை என்றும் தமிழ்நாடு தரப்பு வாதிட்டிருந்தது. அப்போது, கூடுதல் மழைப்பொழிவு இருந்தால்தான் நிலுவைத் தண்ணீரைக் கர்நாடகாவால் திறந்துவிட முடியுமா என்ற கேள்வியை நீதிபதிகள் எழுப்பியிருந்தனர்.

கர்நாடகாவின் வாதமும் ஆணையத்தின் செயல்பாடும்:

கர்நாடக அரசின் சார்பில் முன்வைக்கப்பட்ட வாதத்தில், அம்மாநிலத்தின் பல மாவட்டங்கள் வறட்சியால் பாதிக்கப்பட்டுள்ளதாகவும், கர்நாடக அணைகளில் உள்ள நீர் பெங்களூரு மற்றும் மைசூரு மாநகரங்களின் குடிநீர்த் தேவைக்காக இருப்பதால் கூடுதல் நீரைத் திறக்க இயலாத நிலை உள்ளதாகவும் தெரிவிக்கப்பட்டது. மேலும், இயன்றவரை தண்ணீர் திறக்க முயற்சிகள் மேற்கொள்ளப்படுவதாகவும், நிபுணத்துவம் பெற்ற காவிரி நீர் மேலாண்மை ஆணையம் 15 நாட்களுக்கு ஒருமுறை கூடி உரிய உத்தரவுகளைப் பிறப்பித்து வருவதால் உச்சநீதிமன்றம் தலையிட வேண்டிய அவசியம் இல்லை என்றும் வாதிடப்பட்டது. இந்த வாதங்களின் அடிப்படையில் தற்போது மனு தள்ளுபடி செய்யப்பட்டதாகவும், அதற்கான விரிவான காரணங்கள் பிற்பகலில் தெரியவரும் என்றும் கூறப்படுகிறது.

இதையும் படிக்க: செஞ்சி சிறுமி காணாமல் போன வழக்கு.. அன்று கதவு பூட்டவில்லையா? குடும்பத்தினரிடம் துருவி துருவி கேள்விகளை கேட்கும் சிபிசிஐடி அதிகாரிகள்..

சட்டரீதியான அணுகுமுறைகளும் அடுத்தகட்ட வாய்ப்புகளும்:

காவிரி நீர் ஒழுங்காற்றுக் குழு வழங்கும் பரிந்துரைகளின் அடிப்படையிலேயே காவிரி நீர் மேலாண்மை ஆணையம் முடிவுகளை உறுதி செய்யும் நடைமுறை உள்ளது. வறட்சி மற்றும் தண்ணீர்ப் பற்றாக்குறை காலங்களில் பாதிக்கப்படும் மாநிலங்கள் காவிரி நீர் மேலாண்மை ஆணையத்தில் முறையிடவும், உரிய உத்தரவுகள் பிறப்பிக்கப்படாதபோதோ அல்லது தண்ணீர் திறக்கப்படாதபோதோ உச்சநீதிமன்றத்தை நாடவும் சட்டத்தில் வழிவகை உள்ளது. மனுவைத் தள்ளுபடி செய்ததற்கான காரணங்கள் வெளியான பிறகு, சட்டரீதியான அடுத்தகட்ட நடவடிக்கைகளைத் தமிழ்நாடு அரசு பரிசீலிக்க வாய்ப்புள்ளதாகக் கருதப்படுகிறது.

Follow Us