அமைச்சர் ஆதவ் அர்ஜுனாவை பிரிவதாக அவரது மனைவி டெய்சி அதிகாரப்பூர்வ அறிவிப்பு.. 14 ஆண்டு கால திருமண வாழ்க்கை முடிவுக்கு வந்த சோகம்!
Minister Aadhav Arjuna Daisy separation: தமிழக பொதுப்பணித்துறை மற்றும் நெடுஞ்சாலைத்துறை அமைச்சர் ஆதவ் அர்ஜுனா மற்றும் அவரது மனைவி டெய்சி மார்டின் இருவரும் பரஸ்பர சம்மதத்துடன் பிரிவதாக அறிவித்துள்ளனர். 14 ஆண்டு கால திருமண வாழ்க்கை முடிவுக்கு வந்துள்ளதாக டெய்சி தனது சமூக வலைதளப் பக்கத்தில் பதிவிட்டுள்ளார்.
சென்னை, நவ.16: தமிழக அரசியல் மற்றும் பொதுவெளியில் பெரும் பரபரப்பாகப் பேசப்பட்டு வரும் முக்கிய நிகழ்வாக, பொதுப்பணித்துறை மற்றும் விளையாட்டுத்துறை அமைச்சர் ஆதவ் அர்ஜுனா மற்றும் அவரது மனைவியான டெய்சி மார்டின் ஆகியோர் தங்களது திருமண உறவை முடிவுக்குக் கொண்டுவருவதாக அதிகாரப்பூர்வமாக அறிவித்துள்ளனர். கடந்த 14 ஆண்டுகளாக தம்பதியினராக இணைந்து வாழ்ந்து வந்த இவர்கள், தற்போது பரஸ்பர சம்மதத்துடன் தனித்தனிப் பாதைகளில் பயணிக்க முடிவு செய்துள்ளனர். சமூக வலைதளங்கள் மற்றும் அரசியல் வட்டாரங்களில் பெரும் அதிர்ச்சியை ஏற்படுத்தியுள்ள இந்த அறிவிப்பு தற்போது தமிழகம் முழுவதும் பரவலாக விவாதிக்கப்பட்டு வருகிறது.
இதையும் படிக்க: “இளைஞரை போக்சோ வழக்கில் சிக்க வைக்க ரூ.5 லட்சம் லஞ்சம்!”.. பெண் இன்ஸ்பெக்டர் சஸ்பெண்ட்.. பின்னணியில் பகீர் சதி!
டெய்சி வெளியிட்டுள்ள உணர்வுபூர்வ அறிக்கை:
View this post on Instagram
அமைச்சர் ஆதவ் அர்ஜுனாவுடன் பிரிவது குறித்து அவரது மனைவியான டெய்சி மார்டின் தனது அதிகாரப்பூர்வ இன்ஸ்டாகிராம் பக்கத்தில் விரிவான அறிக்கை ஒன்றை வெளியிட்டுள்ளார். அந்த அறிக்கையில், கடந்த 14 ஆண்டுகளாக ஒருவருக்கொருவர்ப் புரிந்துணர்வுடனும் அன்பாகவும் வாழ்ந்த நாட்களை அவர் குறிப்பிட்டுள்ளார். நண்பர்களாகவும், வாழ்க்கைத்துணைகளாகவும், பெற்றோர்களாகவும் வாழ்க்கையின் பல்வேறு கட்டங்களை ஒன்றாகக் கடந்து வந்த நாங்கள், இன்று முதல் பரஸ்பர சம்மதத்துடன் தம்பதியராகப் பிரிந்து தனித்தனிப் பாதைகளில் பயணிக்க முடிவு செய்துள்ளோம் என அவர் அதில் குறிப்பிட்டுள்ளார்.
பரஸ்பர மரியாதைக்கு முக்கியத்துவம்:
திருமண உறவு முறிந்தாலும், தங்களது குழந்தைகளின் நலன் மற்றும் வளர்ப்பில் இருவரும் தொடர்ந்து முழுமையான அர்ப்பணிப்புடன் செயல்படுவோம் என டெய்சி தனது அறிக்கையில் திட்டவட்டமாகத் தெரிவித்துள்ளார். குழந்தைகளை இணைந்து வளர்ப்பதும், அவர்களின் மகிழ்ச்சியையும் எதிர்காலத்தையும் உறுதி செய்வதும் எங்களது எப்போதும் முதன்மையான முன்னுரிமையாக இருக்கும் எனக் குறிப்பிட்டுள்ளார். மேலும், திருமண உறவு முடிவுக்கு வந்தபோதிலும், அமைச்சர் ஆதவ் அர்ஜுனா மீது தனக்கு எப்போதும் மிகுந்த மரியாதை உண்டு என்றும், அவர் தேர்ந்தெடுக்கும் அனைத்துப் பாதைகளிலும் அவருக்கு அமைதியும் வெற்றியும் கிடைக்க வேண்டும் என மனதார வாழ்த்துவதாகவும் அவர் தெரிவித்துள்ளார்.
இதையும் படிக்க: “சென்னை நட்சத்திர விடுதியில் அதிர்ச்சி!”.. இளம்பெண்ணுக்குப் பாலியல் தொல்லை கொடுத்த தவெக நிர்வாகிகள் கைது!
தனியுரிமைக்கான கோரிக்கையும், எதிர்வினையும்:
தங்களது வாழ்க்கையில் ஏற்பட்டுள்ள இந்த மாபெரும் மாற்றத்தை எதிர்கொள்ளும் இந்தச் சமயத்தில், பொதுமக்களும் ஊடகங்களும் தங்களது தனியுரிமைக்கு மதிப்பளித்து, அன்பான அணுகுமுறையைக் கையாள வேண்டும் என டெய்சி கேட்டுக்கொண்டுள்ளார். அரசியல் மற்றும் பொதுவாழ்வில் தீவிரமாக இயங்கி வரும் அமைச்சர் ஆதவ் அர்ஜுனா குடும்பத்தில் ஏற்பட்டுள்ள இந்தத் தனிப்பட்ட முடிவு அரசியல் மற்றும் பொதுவெளியில் பெரும் பரபரப்பை ஏற்படுத்தியுள்ளது. தனிப்பட்ட முறையில் இருவரும் பிரிந்தாலும், ஒருவருக்கொருவர் நல்வாழ்த்துகளைப் பரிமாறிக்கொண்டுள்ள இவர்களின் பக்குவமான முடிவு பலரையும் நெகிழச் செய்துள்ளது.