AQI
TV9 NETWORK LOGO
Default Image
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Latest Newsதமிழ்நாடுகிரிக்கெட்பொழுதுபோக்குவெப் ஸ்டோரிஸ்லைஃப்ஸ்டைல்வணிகம்டெக்னாலஜிஇந்தியாஆன்மீகம்உலகம்ஹெஃல்த்வைரல்போட்டோ கேலரி

“சென்னையில் காருடன் கடத்தப்பட்ட 12 வயது சிறுமி சீர்காழியில் மீட்பு!”.. மர்ம நபர்களை வலைவீசி தேடும் போலீசார்!

Guduvanchery kidnapped girl rescued Seerkazhi: சென்னை கூடுவாஞ்சேரியில் நள்ளிரவில் காருடன் கடத்தப்பட்ட 12 வயது சிறுமி ரிஷிகா சீர்காழியில் பத்திரமாக மீட்கப்பட்டுள்ளார். சிறுமியை மீட்ட காவல்துறையினர், தப்பியோடிய மர்ம நபர்களைத் தீவிரமாகத் தேடி வருகின்றனர். தொடர்ந்து, மருத்துவப் பரிசோதனைகள் மற்றும் முறையான நடைமுறைகளுக்குப் பிறகு, சிறுமி அவரது பெற்றோரிடம் பத்திரமாக ஒப்படைக்கப்பட உள்ளார்.

“சென்னையில் காருடன் கடத்தப்பட்ட 12 வயது சிறுமி சீர்காழியில் மீட்பு!”.. மர்ம நபர்களை வலைவீசி தேடும் போலீசார்!
காருடன் சிறுமி கடத்தல்
Esakkiraja Selvarathinam
Esakkiraja Selvarathinam | Published: 16 Nov 2026 12:27 PM IST

மயிலாடுதுறை, நவ.16: சென்னை அடுத்த கூடுவாஞ்சேரி பகுதியில் நள்ளிரவு நேரத்தில் பெற்றோர் உணவு வாங்கச் சென்றபோது, காரில் தூங்கிக்கொண்டிருந்த 12 வயது சிறுமி ரிஷிகா காருடன் சேர்த்து மர்ம நபர்களால் கடத்தப்பட்ட சம்பவம் தமிழகம் முழுவதும் பெரும் அதிர்ச்சியையும் சோகத்தையும் ஏற்படுத்தியிருந்தது. சிவகங்கை மாவட்டம் கமுதியைச் சேர்ந்த மலையரசன் என்பவரின் மகளான இச்சிறுமியைக் கண்டுபிடிக்கக் காவல் துறை உயர் அதிகாரிகளின் உத்தரவின் பேரில் பல தனிப்படைகள் அமைக்கப்பட்டுத் தீவிரத் தேடுதல் வேட்டை நடைபெற்று வந்தது. இந்நிலையில், இச்சம்பவம் தொடர்பாகக் காவல் துறையினர் மேற்கொண்ட அதிரடி நடவடிக்கையின் பலனாக, கடத்தப்பட்ட சிறுமி சீர்காழியில் பத்திரமாக மீட்கப்பட்டுள்ளார் என்ற நிம்மதித் தகவல் வெளியாகியுள்ளது.

இதையும் படிக்க: மதுரை நகைக்கடை கொள்ளை வழக்கு.. தேடப்பட்டு வந்த யூடியூபர் நிஷாந்த் கைது!

சிறுமி மீட்பும் ஆட்டோ ஓட்டுநர்களின் உதவியும்:

நள்ளிரவில் காரைக் கடத்திச் சென்ற மர்ம நபர்கள், காவல்துறையின் தீவிர தேடுதல் வேட்டை மற்றும் வாகனச் சோதனைகளுக்கு அஞ்சித் தப்பியோடும் முயற்சியில் ஈடுபட்டுள்ளனர். கடத்தப்பட்ட காருடன் சீர்காழி பகுதிக்கு வந்து சேர்ந்த அந்த நபர்கள், அங்கு காரை நிறுத்திவிட்டுத் தப்பியோடியுள்ளனர். அப்போது காரில் இருந்து இறங்கிய சிறுமி ரிஷிகா, உடனடியாக அருகில் இருந்த ஆட்டோ ஓட்டுநர்களிடம் தனக்கு நேர்ந்த விபரங்களைக் கூறி உதவி கோரியுள்ளார். இதனைக் கண்டு அதிர்ச்சியடைந்த ஆட்டோ ஓட்டுநர்கள் மற்றும் பொதுமக்கள் உடனடியாகச் சீர்காழி காவல் துறைக்குத் தகவல் தெரிவித்தனர்.

காவல் துறையின் விரைவான நடவடிக்கை:

தகவல் கிடைத்தவுடன் சற்றும் தாமதிக்காமல் களத்தில் இறங்கிய சீர்காழி மற்றும் தாம்பரம் காவல் துறையினர், உடனடியாக அந்தப் பகுதிக்கு விரைந்து சென்று சிறுமி ரிஷிகாவைப் பாதுகாப்பாக மீட்டனர். பெற்றோருக்குப் பெரும் சோகத்தை ஏற்படுத்தியிருந்த இந்த விவகாரத்தில், சிறுமி எப்படிக் காயமின்றி மீட்கப்பட்டுள்ளார் என்பது குறித்த விவரங்களைச் சேகரித்து வருகின்றனர். மருத்துவப் பரிசோதனைகள் மற்றும் முறையான நடைமுறைகளுக்குப் பிறகு, சிறுமி அவரது பெற்றோரிடம் பத்திரமாக ஒப்படைக்கப்பட உள்ளார். காவல்துறையினரின் துரிதமான மற்றும் ஒருங்கிணைந்த நடவடிக்கைக்குப் பொதுமக்கள் மத்தியில் பாராட்டுக்கள் குவிந்து வருகின்றன.

இதையும் படிக்க: “இளைஞரை போக்சோ வழக்கில் சிக்க வைக்க ரூ.5 லட்சம் லஞ்சம்!”.. பெண் இன்ஸ்பெக்டர் சஸ்பெண்ட்.. பின்னணியில் பகீர் சதி!

தப்பியோடிய மர்ம நபர்களை தேடும் தீவிரப் பணி:

சிறுமி பத்திரமாக மீட்கப்பட்டிருந்தாலும், நள்ளிரவில் துணிகரமாகக் காருடன் சிறுமியைக் கடத்திச் சென்ற குற்றவாளிகள் யார் என்பது குறித்த துப்பு துலக்கக் காவல் துறையினர் தீவிர விசாரணையை முடுக்கிவிட்டுள்ளனர். சீர்காழி மற்றும் சுற்றியுள்ள பகுதிகளில் உள்ள சிசிடிவி கண்காணிப்பு கேமராக்களை ஆய்வு செய்து, தப்பியோடிய மர்ம நபர்களைக் கைது செய்யத் தனிப்படை போலீசார் வலைவீசித் தேடி வருகின்றனர். விரைவில் குற்றவாளிகள் கைது செய்யப்படுவார்கள் எனவும் காவல் துறை தரப்பில் உறுதியளிக்கப்பட்டுள்ளது.

Follow Us