பெரியார் அறிவுலக விவகாரம்.. அதிகாரிகள் மீது ஏன் வழக்குப் பதிவு செய்யப்படவில்லை? சென்னை உயர் நீதிமன்றம் கேள்வி!
Periyar Arivulagam issue: பெரியார் அறிவுலகம் தொடர்பான விவகாரத்தில் அரசு மற்றும் ஐஏஎஸ் அதிகாரிகள் மீது இதுவரை ஏன் வழக்குப் பதிவு செய்யப்படவில்லை எனச் சென்னை உயர் நீதிமன்றம் கேள்வி எழுப்பியுள்ளது. புத்தகக் கொள்முதல் விவகாரத்தில் ஆதாரங்கள் சேகரிக்கப்பட்டு விசாரணை நடைபெற்று வருவதாகவும், திங்கட்கிழமை விரிவான பதில் மனு தாக்கல் செய்யப்படும் என்றும் காவல்துறை தரப்பில் தெரிவிக்கப்பட்டுள்ளது.
சென்னை, நவ.21: பெரியார் அறிவுலகம் தொடர்பான விவகாரத்தில் அரசு அதிகாரிகள் மற்றும் ஐஏஎஸ் அதிகாரிகள் மீது இதுவரை ஏன் வழக்குப் பதிவு செய்யப்படவில்லை எனச் சென்னை உயர் நீதிமன்றம் முக்கியமான கேள்விகளை எழுப்பியுள்ளது. திருவள்ளூரில் நடைபெற்ற திருமண வரவேற்பு நிகழ்ச்சி தொடர்பாகப் பூந்தமல்லி தொகுதி எம்எல்ஏ பிரகாசம் மீது பதிவு செய்யப்பட்ட வழக்கை ரத்து செய்யக் கோரிய மனு நீதிபதி லட்சுமி நாராயணன் முன்பு விசாரணைக்கு வந்த போது, மனுதாரர் தரப்பில் மனுவை வாபஸ் பெறுவதாகத் தெரிவிக்கப்பட்டு வழக்கு தள்ளுபடி செய்யப்பட்டது. இதனைத் தொடர்ந்து, பெரியார் அறிவுலகம் தொடர்பான வழக்கைக் குறிப்பிட்டுப் பேசிய நீதிபதி, அரசு அதிகாரிகள் மற்றும் ஐஏஎஸ் அதிகாரிகளின் உதவி இல்லாமல் அரசியல்வாதிகளால் எவ்வாறு லஞ்சம் பெற முடியும் என்றும், பெயர் தெரியாத பதிப்பகங்களிடம் புத்தகங்களைக் கொள்முதல் செய்ய ஆணை பிறப்பித்தது யார் என்றும் கேள்வி எழுப்பினார்.
இதையும் படிக்க : முதலீடுகளை ஈர்ப்பதில் ஆரோக்கியமான போட்டி – ஆந்திராவுக்கு முதலீட்டு தகவல்கள் கசிந்ததாக குற்றச்சாட்டு – கைடன்ஸ் தமிழ்நாடு விளக்கம்
புத்தகக் கொள்முதல் ஆணை குறித்து கேள்வி:
விசாரணையின் போது காவல்துறை தரப்பு வழக்கறிஞரிடம் கருத்துத் தெரிவித்த நீதிபதி, இந்த விவகாரத்தில் தொடர்புடைய அரசியல்வாதிகள் மற்றும் அரசு அதிகாரிகள் மீது இதுவரை ஏன் வழக்குப் பதிவு செய்யப்படவில்லை எனக் கேட்டார். புத்தகக் கொள்முதல் விவகாரத்தில் பெயர் தெரியாத பதிப்பகங்களுக்கு ஆணை பிறப்பித்தது யார் என்பது குறித்தும், அதிகாரிகளின் பங்கு குறித்தும் முன்வைக்கப்பட்ட இந்தக் கேள்விகள் சட்ட மற்றும் அரசியல் வட்டாரங்களில் கவனத்தை ஈர்த்துள்ளன.
காவல்துறையின் செயல்பாடு குறித்து நீதிபதி கருத்து:
தொடர்ந்து பேசிய நீதிபதி, எதிர்க்கட்சியைச் சேர்ந்தவர்கள் எனில் காவல்துறை வேகமாகச் செயல்படுகிறது என்றும் சுட்டிக்காட்டியதாகத் தெரிவிக்கப்பட்டுள்ளது. பல்வேறு விவகாரங்களில் காவல்துறை மேற்கொள்ளும் நடவடிக்கைகளின் வேகம் மற்றும் அணுகுமுறை குறித்து நீதிபதி வெளிப்படுத்திய இந்தக் கருத்துகள் முக்கியத்துவம் வாய்ந்ததாகப் பார்க்கப்படுகின்றன.
இதையும் படிக்க: ரூ.700 கோடி ஹெராயின் பறிமுதல்! ஐஸ்கிரீம் வியாபாரிக்கு சர்வதேச கடத்தல் கும்பலுடன் தொடர்பு.. வெளிவந்த பகீர் தகவல்!
விரிவான பதில் மனு தாக்கல் செய்ய விளக்கம்:
நீதிபதியின் கேள்விகளுக்குப் பதிலளித்த காவல்துறை தரப்பில், புத்தகக் கொள்முதல் முறைகள் தொடர்பாகத் தேவையான ஆதாரங்கள் சேகரிக்கப்பட்டு விசாரணை தொடர்ந்து நடைபெற்று வருவதாகத் தெரிவிக்கப்பட்டது. மேலும், இந்த விவகாரம் தொடர்பாக வரும் திங்கட்கிழமை நீதிமன்றத்தில் விரிவான பதில் மனு தாக்கல் செய்யப்படும் என்றும் காவல்துறை தரப்பில் விளக்கம் அளிக்கப்பட்டுள்ளது. அதேசமயம், இந்த விவகாரத்தில் அரசு மற்றும் ஐஏஎஸ் அதிகாரிகள் மீது இதுவரை ஏன் வழக்குப் பதிவு செய்யப்படவில்லை எனச் சென்னை உயர் நீதிமன்றம் கேள்வி எழுப்பியது பரபரப்பையும் ஏற்படுத்தியு்ளது.