நீடிக்கும் கருத்து வேறுபாடு.. அச்சமில்லை அச்சமில்லை என பதிவிட்ட எம்.பி மாணிக்கம் தாக்கூர்..
2006ஆம் ஆண்டு முதல் திமுக கூட்டணியில் அங்கம் வகித்து வரும் காங்கிரஸ் கட்சி, இந்த முறை ஆட்சியில் பங்கு மற்றும் கூடுதல் தொகுதிகள் உள்ளிட்ட கோரிக்கைகளை தொடர்ந்து முன்வைத்து வருகிறது. இதற்கு முன்பு, கூட்டணி விவகாரம் குறித்து பொதுவெளியில் கருத்து தெரிவிக்க வேண்டாம் என அகில இந்திய காங்கிரஸ் தலைமை அறிவுறுத்தியிருந்தது.
சென்னை, பிப்ரவரி 17, 2026: தமிழக சட்டமன்றத் தேர்தல் நெருங்கி வரும் நிலையில் அரசியல் களம் சூடுபிடிக்கத் தொடங்கியுள்ளது. குறிப்பாக காங்கிரஸ் கட்சியில் நிலவும் உட்கட்சி கருத்து வேறுபாடுகள் வெளிப்படையாக வெளிவரத் தொடங்கியுள்ளதால் அரசியல் வட்டாரத்தில் பரபரப்பு ஏற்பட்டுள்ளது. விருதுநகர் நாடாளுமன்ற உறுப்பினரான மாணிக்கம் தாகூர், 2026 சட்டமன்றத் தேர்தலில் திமுகவிடம் ஆட்சியில் பங்கு, கூடுதல் தொகுதிகள் உள்ளிட்ட கோரிக்கைகளை முன்வைத்து பேசி வருகிறார். இதற்கு மாறாக, தமிழ்நாடு காங்கிரஸ் கமிட்டி தலைவர் செல்வப் பெருந்தகை, “அகில இந்திய காங்கிரஸ் தலைமை என்ன சொல்கிறதோ அதன்படியே நான் நடப்பேன்” என கூறி வருகிறார்.
காங்கிரஸ் – உட்கட்சி விவகாரம்:
இந்த நிலையில், காங்கிரஸ் கட்சியினர் ஆட்சியில் பங்கு மற்றும் கூடுதல் தொகுதிகள் தொடர்பான தீர்மானத்தை நிறைவேற்றி, அதனை அகில இந்திய காங்கிரஸ் தலைமைக்கு அனுப்பியுள்ளனர். இதற்கிடையே, செல்வப் பெருந்தகை நேற்று பெங்களூரு சென்று காங்கிரஸ் தலைவர் மல்லிகார்ஜுன கார்கேவை சந்தித்து ஒரு அறிக்கையையும் சமர்ப்பித்துள்ளார்.
மேலும் படிக்க: திமுக காங்கிரஸ் இடையே நீடிக்கும் கருத்து வேறுபாடு.. டெல்லி செல்லும் செல்வப்பெருந்தகை..
அச்சமில்லை என பதிவிட்ட மாணிக்கம் தாக்கூர்:
— Manickam Tagore .B🇮🇳மாணிக்கம் தாகூர்.ப (@manickamtagore) February 17, 2026
உட்கட்சி கருத்து வேறுபாடுகள் நீடித்து வரும் சூழலில், நாடாளுமன்ற உறுப்பினர் மாணிக்கம் தாகூர் தனது எக்ஸ் (X) சமூக வலைதளப் பக்கத்தில் “அச்சமில்லை, அச்சமில்லை” என பதிவிட்டுள்ளார். இது மேலும் அரசியல் சலசலப்பை ஏற்படுத்தியுள்ளது.
2026 சட்டமன்றத் தேர்தல் ஏப்ரல் 15 அல்லது 20ஆம் தேதியை ஒட்டி நடைபெறும் என எதிர்பார்க்கப்படும் நிலையில், அதற்கான அதிகாரப்பூர்வ அறிவிப்பு விரைவில் வெளியாகலாம் என கூறப்படுகிறது. இந்தச் சூழலில், திமுக கூட்டணியில் விரிசல் ஏற்படுமா என்ற கேள்வியும் எழுந்துள்ளது.
திமுக – காங்கிரஸ் கூட்டணி.. நிலைப்பாடு என்ன?
2006ஆம் ஆண்டு முதல் திமுக கூட்டணியில் அங்கம் வகித்து வரும் காங்கிரஸ் கட்சி, இந்த முறை ஆட்சியில் பங்கு மற்றும் கூடுதல் தொகுதிகள் உள்ளிட்ட கோரிக்கைகளை தொடர்ந்து முன்வைத்து வருகிறது. இதற்கு முன்பு, கூட்டணி விவகாரம் குறித்து பொதுவெளியில் கருத்து தெரிவிக்க வேண்டாம் என அகில இந்திய காங்கிரஸ் தலைமை அறிவுறுத்தியிருந்தது. அதையும் மீறி மதுரையில் நடைபெற்ற காங்கிரஸ் செயல்வீரர்கள் கூட்டத்தில் இத்தகைய கோரிக்கைகள் அடங்கிய தீர்மானம் நிறைவேற்றப்பட்டு, மின்னஞ்சல் மூலம் தலைமைக்கு அனுப்பப்பட்டது.
இந்த நிலையில், வரவிருக்கும் 2026 சட்டமன்றத் தேர்தலில் திமுகவுடன் காங்கிரஸ் கட்சி தொடர்ந்தும் கூட்டணியில் இருக்கும்嗎, அல்லது விலகி வேறு கட்சியுடன் கூட்டணி அமைக்குமா என்பது அரசியல் வட்டாரத்தில் கேள்விக்குறியாக எழுந்துள்ளது.
