IPL 2026: முதல் போட்டியில் ஆர்சிபியை எதிர்கொள்கிறதா சிஸ்கே? லீக்கான ஐபிஎல் 2026 லீக் அட்டவணை அப்டேட்!

ஆர்சிபி Vs சிஎஸ்கே

2026 டி20 உலகக் கோப்பை (2026 T20 World Cup) முடிந்தவுடன் ஐபிஎல் 2026க்கான (IPL 2026) எதிர்பார்ப்பு எகிறி வருகிறது. இதுவரை இந்திய அணிக்காக ஒன்றாக விளையாடிய வீரர்கள், ஐபிஎல்லில் களமிறங்கும் 10 அணிகளுக்காக இனிமேல் தனித்தனியாக களத்தில் போட்டியிடுவார்கள். இந்தநிலையில், ஐபிஎல் 2025ல் கோப்பையை தூக்கிய நடப்பு ஐபிஎல் சாம்பியன் ராயல் சேலஞ்சர்ஸ் பெங்களூர் அணி முதல் போட்டியில் களமிறங்கும். ஐபிஎல் 2026 சீசன் வருகின்ற 2026 மார்ச் 28ம் தேதி தொடங்கும் என அறிவிக்கப்பட்டுள்ளது. இந்த சீசனானது வருகின்ற 2026 மே 31ம் தேதி இறுதிப்போட்டியுடன் முடிவடைகிறது. இருப்பினும், இதற்கான அட்டவணை இன்னும் வெளியிடப்படவில்லை. அதன்படி, ஐபிஎல் 202 சீசனுக்கான முதல் 20 போட்டிக்கான அட்டவணை வருகின்ற 2026 மார்ச் 12 ஆம் தேதிக்குள் வெளியிடப்படும் என்று பிசிசிஐ செயலாளர் தேவஜித் சைகியா தெரிவித்தார். இருப்பினும், எப்போதும் போல, நடப்பு சாம்பியனான ஆர்சிபி அணி போட்டியின் தொடக்கப் போட்டியில் களமிறங்கும் என்பது ஏற்கனவே தெளிவாக இருந்தது. இருப்பினும், அவர்களை எதிர்கொள்ளும் அணி இன்னும் அதிகாரப்பூர்வமாக வெளியிடப்படவில்லை.

ALSO READ: எல்பிஜி தட்டுப்பாடு..! தள்ளிப்போகிறதா ஐபிஎல் 2026..? ஐபிஎல் தலைவர் விளக்கம்!

ஐபிஎல் 2026ன் தொடக்க போட்டியில் யார் யார் மோதுகிறார்கள்?

கிரிக்பஸ் அறிக்கையின்படி, ஐபிஎல் 2026ன் முதல் போட்டி பெங்களூரு அணிக்கும் ஐந்து முறை சாம்பியனான சென்னை சூப்பர் கிங்ஸ் அணிக்கும் இடையே நடைபெறும். போட்டியை நடத்த அனுமதி பெற்ற பிறகு, இந்தப் போட்டி பெங்களூருவின் சொந்த ஸ்டேடியமான எம் சின்னசாமி ஸ்டேடியத்தில் நடைபெறும் என்று எதிர்பார்க்கப்படுகிறது.

இந்த முதல் போட்டியிலேயே, விராட் கோலி மற்றும் எம்எஸ் தோனி போன்ற நட்சத்திரங்களுடன், டி20 உலகக் கோப்பை வென்ற இந்திய அணியின் இரண்டு நட்சத்திரங்களான சஞ்சு சாம்சன் மற்றும் சிவம் துபே ஆகியோரும் களம் இறங்குவார்கள் என்பதால் மிகப்பெரிய எதிர்பார்ப்பு நிலவுகிறது. இதற்கிடையில், கடந்த 2025 ஐபிஎல் சீசனின் 2ம் இடத்தைப் பிடித்த பஞ்சாப் கிங்ஸ், சீசனின் இரண்டாவது நாளில், அதாவது 2026 மார்ச் 29ம் தேதி தங்கள் முதல் போட்டியில் குஜராத் டைட்டன்ஸ் அணியை எதிர்கொள்ள வாய்ப்புள்ளது. ஆர்சிபியைப் போலவே, பஞ்சாபும் முல்லன்பூரில் உள்ள தங்கள் சொந்த ஸ்டேடியத்தில் முதல் போட்டியை விளையாடும்.

ALSO READ: ஐபிஎல்லில் அனைத்து போட்டிகளிலும் விளையாடுவாரா தோனி..? சிஎஸ்கே நிர்வாகம் விளக்கம்!

புதிய சீசனுக்கு முன் கேப்டன்கள் கூட்டம்:

2026 ஐபிஎல் சீசன் தொடங்குவதற்கு 3 நாட்களுக்கு முன்பு, அதாவது 2026 மார்ச் 25ம் தேதி மும்பையில் உள்ள பிசிசிஐ தலைமையகத்தில் கேப்டன்கள் சந்திப்பு நடைபெறும் என்று கூறப்படுகிறது. ஒவ்வொரு ஆண்டும், ஒரு புதிய சீசன் தொடங்குவதற்கு முன்பு, புதிய சீசனுக்கான விதிகள் மற்றும் விளையாட்டு நிலைமைகளில் ஏற்படும் மாற்றங்கள் குறித்து கேப்டன்களுடன் வாரியம் ஒரு சந்திப்பை நடத்தி தெளிவுப்படுத்தும். இந்த ஐபிஎல் 2026 சீசனில் பிசிசிஐ என்ன மாற்றங்களைச் செய்யும் என்பது தெளிவாகத் தெரியவில்லை. அட்டவணை அறிவிக்கப்பட்ட பிறகு இந்தத் தகவல் வெளியிடப்படும் என்று எதிர்பார்க்கப்படுகிறது.