IPL 2026: வெற்றி நடையில் பஞ்சாப்.. தோல்விக்கு தடை போடுமா லக்னோ..? பிட்ச் எப்படி..?
PBKS vs LSG: 2026 ஏப்ரல் 19ம் தேதியான இன்று முல்லன்பூரில் வானிலை இதமாகவும், பெரும்பாலும் தெளிவாகவும் இருக்கும் என எதிர்பார்க்கப்படுகிறது. வெப்பநிலை சுமார் 36 டிகிரி செல்சியஸ் அளவில் இருக்கும். 10% மழை பெய்ய வாய்ப்புள்ளதால், ரசிகர்கள் போட்டியின் முழு 40 ஓவர்களையும் எந்த இடையூறும் இன்றி காண முடியும்.
ஐபிஎல் 2026 சீசனில் (IPL 2026) இன்று அதாவது 2026 ஏப்ரல் 19ம் தேதி பஞ்சாப் கிங்ஸ் (Punjab Kings) அணியும், லக்னோ சூப்பர் ஜெயண்ட்ஸ் அணியும் நியூ சண்டிகர் ஸ்டேடியத்தில் இரவு 7.30 மணிக்கு மோதியது. பஞ்சாப் கிங்ஸ் அணி ஐபிஎல் 2026 சீசனில் இதுவரை சிறப்பாக செயல்பட்டுள்ள நிலையில், லக்னோ அணிக்கு எதுவும் நன்றாக அமையவில்லை. ரிஷப் பண்ட் தலைமையிலான லக்னோ அணி இதுவரை 5 போட்டிகளில் விளையாடி 2ல் மட்டுமே வெற்றி பெற்றுள்ளது. அதேநேரத்தில், பஞ்சாப் அணி இதுவரை ஒரு போட்டியில் கூட தோற்றது கிடையாது. இந்தப் போட்டிக்கு முன்னதாக, பஞ்சாப் மற்றும் லக்னோ அணிகளுக்கு இடையேயான போட்டியின் போது முல்லன்பூர் மைதானத்தின் பிட்ச் எப்படி இருக்கும், பிளேயிங் லெவன் எப்படி உள்ளிட்ட விவரங்களை தெரிந்து கொள்ளலாம்.
ALSO READ: புது சிக்கல்.. சிஎஸ்கே அணியை துரத்தும் கஷ்டகாலம்.. முக்கிய வீரர் வெளியேற வாய்ப்பு?
பிட்ச் எப்படி..?
முல்லன்பூர் சர்வதேச கிரிக்கெட் மைதானம் பேட்ஸ்மேன்கள் மற்றும் பந்துவீச்சாளர்கள் இருவருக்கும் சாதகமாக உள்ளது. பவர்பிளேயில் வேகப்பந்து வீச்சாளர்களும், மிடில் ஓவர்களில் சுழற்பந்துவீச்சாளர்கள் களமிறங்கி விக்கெட்டுகளை வீழ்த்துவார்கள். டெத் ஓவர்களில் உள்ள பனிப்பொழிவு பொதுவாக பேட்டிங்கை எளிதாக்குகிறது. இந்த மைதானத்தில் 170 ரன்களுக்கு மேல் எடுப்பது கடினம், மேலும் மாலை நேரப் போட்டிகளில், பனிப்பொழிவு சேஸிங் செய்யும் அணிகளுக்கு ஒரு சிறிய சாதகத்தை அளிக்கிறது. இந்த சீசனில் இதுவரை இங்கு நடந்த இரண்டு போட்டிகளிலும் சேஸிங் செய்து பஞ்சாப் வென்றுள்ளது. பஞ்சாப், ஜிடி அணிக்கு எதிராக 163 ரன்களையும், ஹைதராபாத் அணிக்கு எதிராக 220 ரன்களையும் சேஸ் செய்து வெற்றி பெற்றது. எனவே, டாஸ் வெல்லும் கேப்டன் முதலில் ஃபீல்டிங் செய்யத் தேர்வு செய்யலாம்.
வானிலை எப்படி..?
2026 ஏப்ரல் 19ம் தேதியான இன்று முல்லன்பூரில் வானிலை இதமாகவும், பெரும்பாலும் தெளிவாகவும் இருக்கும் என எதிர்பார்க்கப்படுகிறது. வெப்பநிலை சுமார் 36 டிகிரி செல்சியஸ் அளவில் இருக்கும். 10% மழை பெய்ய வாய்ப்புள்ளதால், ரசிகர்கள் போட்டியின் முழு 40 ஓவர்களையும் எந்த இடையூறும் இன்றி காண முடியும்.
நேருக்குநேர்:
ஐபிஎல் வரலாற்றில் பஞ்சாப் கிங்ஸ் மற்றும் லக்னோ சூப்பர் ஜெயண்ட்ஸ் அணிகளுக்கு இடையே மொத்தம் 6 போட்டிகள் நடைபெற்றுள்ளன. இதில் பஞ்சாப் கிங்ஸ் 3 போட்டிகளிலும், லக்னோ சூப்பர் ஜெயண்ட்ஸ் 3 போட்டிகளிலும் வெற்றி பெற்றுள்ளன. இதனால், இரு அணிகளுக்கும் இடையிலான போட்டி ஏறக்குறைய சமமாகவே இருந்துள்ளது. இருப்பினும், இந்த சீசனில் இதுவரை அவர்கள் வெளிப்படுத்திய செயல்திறனின் அடிப்படையில், பஞ்சாப் அணிக்கு சாதகமான நிலை இருப்பதாகத் தெரிகிறது. லக்னோ சூப்பர் ஜெயண்ட்ஸ் அணிக்கு இந்தப் போட்டியில் வெற்றி பெறுவது மிகவும் முக்கியமானது.
ALSO READ: சிஎஸ்கே ரசிகர்களுக்கு எதிராக சைகை.. கடுப்பாக்கிய காவ்யா மாறன்!
கணிக்கப்பட்ட இரு அணிகளின் விவரம்:
பஞ்சாபின் ப்ளேயிங் லெவன்
பிரப்சிம்ரன் சிங் (விக்கெட் கீப்பர்), பிரியான்ஷ் ஆர்யா, ஸ்ரேயாஸ் ஐயர் (கேப்டன்), கூப்பர் கான்னெல்லி, ஷஷாங்க் சிங், மார்கஸ் ஸ்டோனிஸ், மார்கோ ஜான்சன், சேவியர் பார்ட்லெட், விஜய்குமார் வைஷாக், அர்ஷ்தீப் சிங், யுசுவேந்திர சிங்.
லக்னோவின் பிளேயிங் லெவன்
ஐடன் மார்க்ரம், மிட்செல் மார்ஷ், நிக்கோலஸ் பூரன் (கேப்டன்), ஆயுஷ் படோனி, அப்துல் சமத், முகுல் சவுத்ரி (விக்கெட் கீப்பர்), முகமது ஷமி, அவேஷ் கான், திக்வேஷ் சிங் ரதி, மேத்யூ ப்ரீட்ஸ்கே,
