IPL 2026: தலையில் ஏற்பட்ட காயம்.. இன்று ஆர்சிபி அணிக்கு எதிராக லுங்கி என்கிடி விளையாடுவாரா?
Lungi Ngidi Injury Update: 2026 ஏப்ரல் 27ம் தேதியான இன்று ராயல் சேலஞ்சர்ஸ் பெங்களூரு அணிக்கு எதிரான போட்டியில் டெல்லி கேப்பிட்டல்ஸ் அணிக்காக என்கிடி விளையாடுவாரா என்பதே கேள்வியாக உள்ளது. லுங்கி என்கிடி பங்கேற்பது குறித்து அணி நிர்வாகம் எந்த தகவலையும் வெளியிடவில்லை. இருப்பினும், லுங்கி என்கிடி மருத்துவமனையிலிருந்து டிஸ்சார்ஜ் செய்யப்பட்டுள்ளார் என்பது குறிப்பிடத்தக்கது.
ஐபிஎல் 2026 சீசனின் (IPL 2026) 39வது லீக் போட்டியில் இன்று அதாவது 2026 ஏப்ரல் 27ம் தேதி டெல்லி கேப்பிட்டல்ஸ் (Delhi Capitals) மற்றும் ராயல் சேலஞ்சர்ஸ் பெங்களூரு அணிகளுக்கு இடையேயான போட்டி டெல்லியில் உள்ள அருண் ஜேட்லி ஸ்டேடியத்தில் நடைபெறுகிறது. போட்டி இரவு 7:30 மணிக்குத் தொடங்கும். ஆனால் அதற்கு முன்பாக, டெல்லி வேகப்பந்து வீச்சாளர் லுங்கி என்கிடி இன்றைய போட்டியில் விளையாடுவாரா என்ற கேள்வி எழுகிறது. பஞ்சாப் கிங்ஸ் அணிக்கு எதிரான முந்தைய போட்டியில் கேட்சை பிடிக்க முயற்சித்தபோது லுங்கி என்கிடி தலையில் கடுமையான காயம் ஏற்பட்டது. அதன்படி, அவரது தற்போதைய நிலைமை என்ன என்பது குறித்த விவரங்களையும் தெரிந்து கொள்வோம்.
ALSO READ: டெல்லியில் டெல்லியுடன் மோதும் பெங்களூரு.. இன்றைய போட்டி யாருக்கு சாதகம்?
என்ன ஆனது..?
டெல்லி கேப்பிட்டல்ஸ் அணிக்காக விளையாடி வரும் தென்னாப்பிரிக்கா வேகப்பந்து வீச்சாளர் லுங்கி என்கிடி, பஞ்சாப் கிங்ஸ் அணிக்கு எதிரான போட்டியில் கேட்ச் பிடிக்க முயன்றபோது தலைகீழாகக் கீழே விழுந்து காயமடைந்தார். தலையில் ஏற்பட்ட காயத்தைத் தொடர்ந்து, லுங்கி என்கிடிக்காக அருண் ஜேட்லி மைதானத்திற்கு ஆம்புலன்ஸ் வரவழைக்கப்பட்டது. என்கிடிக்கு ஆரம்பத்தில் மைதானத்திலேயே சிகிச்சை அளிக்கப்பட்டது. நிலைமை மோசமடைந்தபோது, அவர் உடனடியாக மருத்துவமனைக்குக் கொண்டு செல்லப்பட்டார். காயம் ஏற்பட்ட சிறிது நேரத்திலேயே வெளியிடப்பட்ட ஒரு தகவலில், அவருக்குப் பெரிய அளவில் காயம் ஏற்படவில்லை என்று கூறப்பட்டது.
லுங்கி என்கிடி இன்று ஆர்சிபி அணிக்கு எதிராக விளையாடுவாரா?
2026 ஏப்ரல் 27ம் தேதியான இன்று ராயல் சேலஞ்சர்ஸ் பெங்களூரு அணிக்கு எதிரான போட்டியில் டெல்லி கேப்பிட்டல்ஸ் அணிக்காக என்கிடி விளையாடுவாரா என்பதே கேள்வியாக உள்ளது. லுங்கி என்கிடி பங்கேற்பது குறித்து அணி நிர்வாகம் எந்த தகவலையும் வெளியிடவில்லை. இருப்பினும், லுங்கி என்கிடி மருத்துவமனையிலிருந்து டிஸ்சார்ஜ் செய்யப்பட்டுள்ளார் என்பது குறிப்பிடத்தக்கது. ஆனாலும், என்கிடி விளையாடுவாரா என்பது இன்னும் உறுதியாகத் தெரியவில்லை. தலை மற்றும் கழுத்துக் காயங்கள் காரணமாக கூடுதல் கவனம் தேவைப்படுகிறது.
இருப்பினும், என்கிடி ஏற்கனவே அணியுடன் ஹோட்டலுக்கு வந்துவிட்டதாகவும் தகவல்கள் தெரிவிக்கின்றன. ஒருவேளை என்கிடி விளையாடவில்லை என்றால், அவருக்குப் பதிலாக அந்த அணி நிர்வாகம் யாரைக் களமிறக்கும் என்பதைப் பார்ப்பது சுவாரஸ்யமாக இருக்கும்.
ALSO READ: தீவிரமாகும் தோனியின் காயம்.. ஐபிஎல் 2026ல் விளையாடுவது சந்தேகமா? ஃபிளெமிங் கொடுத்த அப்டேட்!
ஐபிஎல் 2026 சீசனில் லுங்கி என்கிடியின் செயல்திறன்:
ஐபிஎல் 2026 சீசனில் லுங்கி என்கிடி இதுவரை டெல்லி கேப்பிட்டல்ஸ் அணிக்காக 7 போட்டிகளில் விளையாடி, 6 இன்னிங்ஸ்களில் பந்துவீசி, 29.42 என்ற சராசரியில் 7 விக்கெட்டுகளை வீழ்த்தியுள்ளார். இதில் 27 ரன்களுக்கு 3 விக்கெட்டுகள் என்பது அவரது சிறந்த பந்துவீச்சாகும். தனது மெதுவான பந்துவீச்சால் லுங்கி என்கிடி பேட்ஸ்மேன்களுக்குக் கணிசமான சிரமத்தை ஏற்படுத்தியுள்ளார். ஐபிஎல் 2026 சீசனில் பந்துவீச்சாளர்கள் கடுமையாகத் தாக்கப்பட்டு வரும் நிலையில், என்கிடி வெறும் 8.70 என்ற எகானமி ரேட்டில் ரன்களை விட்டுக்கொடுத்துள்ளார்.
