IPL 2026: சொந்த மண்ணில் தோல்வியை தவிர்க்குமா சிஎஸ்கே..? டெல்லியுடன் இன்று மோதல்!
CSK vs DC: சென்னையின் எம்.ஏ. சிதம்பரம் மைதானம் (சேப்பாக்கம்) ஒரு தட்டையான மற்றும் கடினமான பிட்சைக் கொண்டுள்ளது. இது சிறந்த வேகத்தையும், நல்ல பவுன்ஸையும் வழங்குவதால், பேட்ஸ்மேன்களுக்குச் சாதகமாக உள்ளது. வரலாற்று ரீதியாக, இந்த பிட்ச் சுழற்பந்து வீச்சாளர்களுக்குச் சாதகமாக இருந்து வந்தாலும், நவீன சேப்பாக்கத்தில் தற்போது அதிக ஸ்கோர்கள் (180+) எடுக்கப்படுகின்றன.
ஐபிஎல் 2026ன் (IPL 2026) 18-வது போட்டியில் சென்னை சூப்பர் கிங்ஸ் அணி (Chennai Super Kings) டெல்லி கேப்பிட்டல்ஸ் அணியை ஒரு முக்கியமான மோதலில் எதிர்கொள்கிறது. இந்த போட்டியானது இன்று அதாவது 2026 ஏப்ரல் 11-ஆம் தேதி சென்னையில் உள்ள புகழ்பெற்ற எம்.ஏ. சிதம்பரம் மைதானத்தில் நடைபெறவுள்ள இந்தப் போட்டி, இந்திய நேரப்படி இரவு 7:30 மணிக்குத் தொடங்கும். இரு அணிகளும் மீண்டு வந்து, புள்ளி அட்டவணையில் முக்கியமான புள்ளிகளைப் பெற ஆர்வமாக இருக்கும். தங்கள் முந்தைய போட்டியில் ராயல் சேலஞ்சர்ஸ் பெங்களூருவிடம் படுதோல்வி அடைந்ததால், சென்னை அணி வெற்றி பெற வேண்டிய கட்டாயத்தில் இந்தப் போட்டியை எதிர்கொள்கிறது. முந்தைய போட்டியில் சென்னை அணியின் பந்துவீச்சாளர்களும், பேட்டிங் வரிசையும் தடுமாறின. இதற்கிடையில், டெல்லி கேப்பிட்டல்ஸ் அணி ஒரு பரபரப்பான மோதலில் ஒரு ரன் வித்தியாசத்தில் தோல்வியடைந்தது. அதை இந்த போட்டியில் சரிசெய்ய முயற்சிக்கும்.
ALSO READ: தடுமாறும் சிஎஸ்கே! இதுதான் கேப்டன்ஷியா..? ருதுராஜை சாடிய பத்ரிநாத், பாலாஜி!
எம்.ஏ. சிதம்பரம் ஸ்டேடியத்தின் பிட்ச் ரிப்போர்ட்:
சென்னையின் எம்.ஏ. சிதம்பரம் மைதானம் (சேப்பாக்கம்) ஒரு தட்டையான மற்றும் கடினமான பிட்சைக் கொண்டுள்ளது. இது சிறந்த வேகத்தையும், நல்ல பவுன்ஸையும் வழங்குவதால், பேட்ஸ்மேன்களுக்குச் சாதகமாக உள்ளது. வரலாற்று ரீதியாக, இந்த பிட்ச் சுழற்பந்து வீச்சாளர்களுக்குச் சாதகமாக இருந்து வந்தாலும், நவீன சேப்பாக்கத்தில் தற்போது அதிக ஸ்கோர்கள் (180+) எடுக்கப்படுகின்றன. மாலை நேரப் பனிப்பொழிவு இலக்குகளைப் பாதுகாப்பதைக் கடினமாக்குவதால், இரண்டாவதாக பேட்டிங் செய்யும் அணிக்குச் சாதகமாக அமைகிறது. எனவே, டாஸ் வெல்லும் அணி முதல் பந்துவீச்சை தேர்வு செய்யலாம்.
இரு அணிகளும் இதுவரை நேருக்கு நேர்:
ஐபிஎல் வரலாற்றில் சென்னை சூப்பர் கிங்ஸ் அணியும், டெல்லி கேபிட்டல்ஸ் அணியும் இதுவரை 31 போட்டிகளில் நேருக்குநேர் மோதியுள்ளன. இதில், டெல்லி கேப்பிட்டல்ஸ் 12 முறையும், சென்னை சூப்பர் கிங்ஸ் அதிகபட்சமாக 19 முறையும் வெற்றி பெற்றுள்ளன.
ALSO READ: மகேந்திர சிங் தோனி விளையாடுவாரா இல்லையா..? களமிறங்கும் தேதி இதோ!
கணிக்கப்பட்ட இரு அணிகளின் விவரம்:
சென்னை சூப்பர் கிங்ஸ்:
சஞ்சு சாம்சன் (விக்கெட் கீப்பர்), ருதுராஜ் கெய்க்வாட் (கேப்டன்), ஆயுஷ் மத்ரே, சர்பராஸ் கான், ஷிவம் துபே, பிரசாந்த் வீர், ஜேமி ஓவர்டன், அன்ஷுல் கம்போஜ், நூர் அகமது, கலீல் அகமது, மேட் ஹென்றி
டெல்லி கேப்பிட்டல்ஸ்:
பாத்தும் நிசாங்கா, கேஎல் ராகுல் (விக்கெட் கீப்பர்), நிதிஷ் ராணா, சமீர் ரிஸ்வி, டேவிட் மில்லர், அக்சர் படேல் (கேப்டன்), டிரிஸ்டன் ஸ்டப்ஸ், விப்ராஜ் நிகாம், குல்தீப் யாதவ், டி நடராஜன், லுங்கி என்கிடி
